반찬앤쿡 Banchan and Cook (東薈城名店倉)

營業中

休息中

入座嘟安心，嘟針卡，我＆同事都係用緊醫健通嘅針卡，冇加針卡入去安心出行。門口條友話一定要用安心出行個介面張針卡，我話呢個係政府醫健通張針卡喎，我間間餐廳，連返工都可嘟到過到。點解一定要入針卡用安心個介面？我話而家係咪唔得，唔得咁我食第二間囉，佢又唔出聲。仲有一入座已講明係附近職員，佢話有8折，跟住到埋單冇俾折，問佢點解，佢話要入座前出示職員証，我咪話講咗囉～佢仲要話你講咗但冇出示，咁我話我一早出咗聲，但你冇問我出示 咁我而家出示返囉！條友擺明係安心針咭度唔順氣，玩野啦～根本一開始，佢嘅態度就有問題，醫健通針咭話唔接受，一定要安心出行版面嘅針咭時，我應該即時話唔食。野食就一般般啦，唔係特別出色，佢最出名嘅蛋包飯，冇乜特別，個蛋皮好薄，亦都唔係滑。3個人，平日下午茶時段，百幾蚊一個嘅蛋包飯，唔算抵食。同塲LDK下午茶Set都有蛋包飯，價錢係呢間嘅一半仲包埋飲品。