影片
更多
2021-05-18
34 瀏覽
真係未遇過咁顛嘅餐廳經理！喺一個講英文，但又識廣東話嘅東南亞經理。因為朋友介紹book哩度，所以喺openrice訂咗枱同朋友慶生日，一共4個人，7pm。我因為要拎蛋糕，另外兩個喺大西北做嘢，所以要拜託生日嗰位拎咗位先。佢6:50到，個經理同佢講因為我哋喺openrice訂，有折，所以要齊人先入得，仲要坐得90分鐘。我睇返booking terms無講明。跟住我7:05到，朋友同我講咗情況，其實我真係唔care有無折，同埋想坐耐啲，所以我哋話唔介意無折，麻煩安排入座。我喺openrice booking remark咗想要窗口位，同埋有切餅。本來有窗口位，但因為佢之前唔俾我個frd入先，慢慢窗口位俾其他walk-in 客坐晒。本來仲有一張，但嗰位經理話張枱係留俾boss所以唔可以俾我哋。因為拎枱嗰位係生日，根本唔會知我remark咗嘅request，所以無同佢嘈。咁我都覺得餐廳唔一定要fulfill我哋嘅要求。但我覺得餐廳可以打嚟通知一聲囉。最有問題嘅地方係，本身話留咗俾boss嘅枱，最尾係俾咗兩個普通街客。真係想講粗口，其實你boss留枱關我乜事，我食一餐飯千幾蚊，其實會唔會先係你嗰
因為朋友介紹book哩度，所以喺openrice訂咗枱同朋友慶生日，一共4個人，7pm。
我因為要拎蛋糕，另外兩個喺大西北做嘢，所以要拜託生日嗰位拎咗位先。佢6:50到，個經理同佢講因為我哋喺openrice訂，有折，所以要齊人先入得，仲要坐得90分鐘。我睇返booking terms無講明。
跟住我7:05到，朋友同我講咗情況，其實我真係唔care有無折，同埋想坐耐啲，所以我哋話唔介意無折，麻煩安排入座。
我喺openrice booking remark咗想要窗口位，同埋有切餅。本來有窗口位，但因為佢之前唔俾我個frd入先，慢慢窗口位俾其他walk-in 客坐晒。本來仲有一張，但嗰位經理話張枱係留俾boss所以唔可以俾我哋。因為拎枱嗰位係生日，根本唔會知我remark咗嘅request，所以無同佢嘈。咁我都覺得餐廳唔一定要fulfill我哋嘅要求。但我覺得餐廳可以打嚟通知一聲囉。最有問題嘅地方係，本身話留咗俾boss嘅枱，最尾係俾咗兩個普通街客。真係想講粗口，其實你boss留枱關我乜事，我食一餐飯千幾蚊，其實會唔會先係你嗰一刻嘅boss，你最後寧願俾個窗口位嗰一對之後先嚟嘅情侶，都唔俾我哋4個食生日飯嘅，好離譜！我寧願你求其作個藉口話張枱有人reserve咗。
然後我話有個蛋糕陣間切，個經理講一大輪英文，話因為好少餐廳無收10% service charge，所以我哋會收$150切餅費。其實好多餐廳有service charge都會收差不多價錢嘅切餅費㗎啦！會唔會太多廢話！真接講會有切餅費咪返囉！
跟住我哋想要餐具，2個waitress +嗰位經理忙緊無人理我哋，咁啱個餐具櫃喺我個朋友隔離，咁我個朋友就自己開櫃攞，因為我哋已經飲緊嘢，無帶口罩，咁啱俾個經理見到，佢即刻西晒面走埋嚟話我個frd ”not hygiene!”。佢然後同個櫃嘅另一邊枱客講sorry⋯我個frd呆左！佢係有唔啱，但個response會唔會好啲呢？例如話let me serve you! 而唔係西晒面話人⋯而且係你哋人手不足嘅問題，我朋友原意都係唔想麻煩到忙緊嘅職員。
最後9:40，開盡晒成間餐廳啲燈，播到音樂勁大聲，趕人10:00限聚令前離開。痴線！茶餐廳都唔會咁樣趕客！
臨走個經理仲要懶客氣咁同我哋講happy birthday，我哋回佢we are not happy with your service。
公平啲，講返食物，整體偏咸，特別個椰菜苗同青咖哩雞
第一次留言+負皮就俾咗哩間餐廳。大家嚟唔嚟自己決定。
張貼