33
2
3
港鐵銅鑼灣站 F1 出口, 步行約2分鐘 繼續閱讀
電話號碼
25777298
25777899
營業時間
今日營業
11:30 - 10:30
星期一至日
11:30 - 10:30
付款方式
Visa Master AlipayHK 支付寶 現金
座位數目
65
其他資料
支持防疫 詳細介紹
網上訂座
加一服務費
當面支付
有關獎賞計劃
食評 (40)
📍 SAYAM Thai/Bar📍 銅鑼灣 • 怡和街22號3樓在「EATXXX」訂位平台上看見這家《Sayam Thai/Bar》有8折優惠,就預約座位來試試了~氣氛好舒服,比很多泰國餐廳的環境來得寬敞、整潔。店員安排我們坐窗邊位置,可以跟軒尼詩道的「光污染」吃飯(🤣不是啦,看著街道吃飯也滿舒服的)菜式選擇有非常多,所以我們點了「廚師推薦」的。串燒黑豚肉 ($148)Moo Ping (Kurobata pork belly skewers)豬味足,調味也很足夠,燒的剛好,肉質不會過韌。是滿好吃,就是價格稍微偏高了一點點~燒雞 ($138/half)Gai Yang (Grilled chicken)雞皮香脆,雞肉鮮嫩味道香口惹味。 先焗後燒,把肉汁統統鎖住!乾炒海鮮粗粉皮 ($128)Pad See Ew (Stir fried greenbean noodle w/ seafood)海鮮配料份量滿多,粉皮Q彈有嚼口。外面比較少見,值得一試!馬拉盞炒通菜 ($88)Kangkung Belacan吃泰菜的時候一定會點的「馬拉盞炒通菜」!香濃惹味,辣度足夠🌶️Thai milk tea ($30)好喝的泰式奶茶~~~-Menu: 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-16
604 瀏覽
唔經唔覺已經嚟到五月,過去嘅一年雖然有啲難過... 好想逃避、好想離開🤯 不過深信不如意嘅日子始終會過❤️ 慶幸身邊仲有一班好朋友撐住,實在非常感恩🙇🏻‍♀️🙇🏻之前因為各樣那樣嘅原因,#小秘書 都無見大家一段長時間👉🏻👈🏻 對今晚個飯局,真係有啲期待❤️ 咁耐無見 eee.... 個個似乎都肥咗又瘦咗🤣 好朋友真係唔需要成日見面,只要圍埋一齊就大把話題。所以一定要搵一間冇限時嘅餐廳俾我哋暢所欲言🤪 咁啱朋友個朋友喺銅鑼灣開咗間泰國餐廳 SAYAM THAI/ BAR,一於去捧下場。#餐廳地址 明明寫喺 #怡和街,但係大廈正門偏偏開喺 #渣甸街 嗰邊,唔係朋友仔一早溫馨提示,我諗我呢個 #路痴 一定有排搵😅 起初我見到thia bar幾隻字都有啲驚㗎,怕上去會食到二食煙、有啲唔正經嘅人喺裡面🤔 不過上到去先知自己大驚小怪,餐廳不知裝修得幾骨子,正門一大片海藍色做背景,左邊做咗一個細細嘅bar枱,方便啲客飲返兩杯,座位亦都唔會太逼夾。講番啲食物🍽 #Sayam 屬於新派嘅口味,加上精緻嘅擺設,最啱喜歡 #相機食先 嘅我😄 我哋叫咗5個 #主菜、1個 #炒金邊粉,最後再加2個 #甜品🤪 十足十大胃王上身😅 而我就最鍾意佢哋嘅 #炸蝦拼墨魚餅,咬落去啖啖新鮮嘅蝦/墨魚肉混合,好爽口😋 #肉碎生菜包 估唔到原來咁辣,不過包埋 #生菜 一齊食,味道啱啱好😋 #串燒黑豚肉 好惹味😋 #黃咖喱崩沙牛腩 炆得好入味,#薄餅 放上 #咖喱汁 ... 正呀😋 #泰式滷水豬手 口感唔會太油膩,啖啖肉啱晒啲 #食肉獸😉 食到呢度真係飽到不得了,不過見碟 #干炒海鮮粗粉皮 咁有鑊氣,梗係要試兩啖啦🤣 不過 #好戲在後頭,兩款甜品非常出色,#師傅 將 #椰汁芒果糯米飯 砌到成棵花咁,#葉豆花 混入糯米飯,造成一朵紫藍色嘅花,#芒果肉 做花桿,非常吸睛❤️ 不過我最鍾意嘅梗係師傅精心為我準備嘅 #榴槤伴豆腐雪糕 啦,清淡嘅豆腐口味,配上濃濃嘅榴蓮肉撈埋入口... 正呀喂🍃餐廳整體表現都唔錯,係某啲服務員間中擺咗小烏龍,不過絕對誠意搭夠,加上食物味道唔錯,最重要價錢合理❤️ #銅鑼灣 #聚腳 確係一個 #唔錯嘅選擇👍🏻 繼續閱讀
(以上食評乃用戶個人意見 , 並不代表OpenRice之觀點。)
等級7 2020-02-11
1343 瀏覽
同址上一手也是泰國餐廳,餐廳名字雖然變了,但可能係同一班底?唔識泰文,但估計「Sayam」係泰文的羅馬拼音,不過,到底是什麼意思呢?餐廳重新開張大約半年左右,裝修簡潔明亮;最具特色就是用了很多張上任泰皇照片拼砌而成的上任泰皇牆畫。雖然上任泰皇普密蓬已經過世幾年,但餐廳仍然用了他的肖像作為裝飾,可見普密蓬在泰國人心目中的地位是何等尊貴。菜式選擇相當多,湯、沙律、燒烤、泰式咖喱等等各種款式完全,唯獨欠缺大肉蟹、大頭蝦等較為貴價的泰式海鮮,但這也配合了餐廳的市場定位。炸蝦混墨魚餅($68)賣相有點奇怪,中間有一個小洞,以為係 Donut。爽口彈牙、有蝦味;是好食的炸蝦餅。炭燒豬頸肉($88)唔夠香口,亦缺乏了泰式燒烤醬醃制;如果唔係有一小碟特別調製、微微酸辣的醬汁,就完全唔好食。柚子沙律($108)與想像中的賣相有所出入,並非一大份、將所有材料混合在一起的傳統沙律,而是分成五小份、一人一份的迷你沙律。材料有香葉碎、炸香蔥碎、炸腰果、蝦仁及柚子肉,但味道就真的只是一般而已。急凍蝦仁質素差,欠缺蝦味;炸腰果份量太多,反而重點柚子肉份量就少得可憐。肉碎生菜包($128)味道酸辣,但就是只有酸辣,欠缺了其他味道;肉碎炒得唔夠香口、也欠特色醬汁及及泰式香料,只勝在份量夠多。燒雞(半隻)($138)不愧廚師推介菜式,雞皮香脆,表面塗上了特製泰式風味燒烤醬,濃郁香口惹味。黃咖喱崩沙牛腩($168)配泰式薄餅及焗原個薯仔。咖喱汁香氣濃郁,唔算太辣,迎合大部份香港人口味。牛腩份量都算多,但質素麻麻、有筋;炆煮亦未夠軟身,肉質偏硬。炒金邊粉係泰國最出名的地道炒粉麵飯,味道少少酸酸地、又有少少辣,可以增加食慾。大蝦炒金邊粉($138)做到了味道酸辣平𧗾,乾濕度又剛剛好;但那隻大蝦就非常差,肉質有點霉,亦沒有鮮味。炒青菜有多款可以選擇:芥蘭、通菜、南瓜菜、秋葵或椰菜花;醬汁也有四款:蝦醬、飛天、清炒及馬拉盞,一律 $88。「飛天」口味太辣,同行家人不是個個能夠接受;「蒜蓉清炒」太普通,欠缺泰國特色;所以揀了馬拉盞炒芥蘭及蝦醬炒通菜。蝦醬味道唔夠濃郁,不過通菜夠爽脆;又加入了爽口兼微微清甜的椰子芯,由於很少機會吃到,添加了一些特色;整體味道尚算不錯。兩款炒菜比較起來,以馬拉盞炒芥蘭更加好食,皆因更香濃惹味,芥蘭爽甜沒有苦澀。雖然在座各人不算大胃王,但七個大人一個小朋友食到捧着肚子也不用 $1,200,還要是銅鑼灣;雖然只是樓上鋪、味道也只是一般,但實在相當抵食。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-06
739 瀏覽
銅鑼灣新開無耐既泰菜,見到d相d野食同餐廳好似幾靚,就同朋友黎試下😍 餐廳燈光偏暗,感覺好relaxing☺️Menu選擇都幾多,望落似偏西式既泰菜喔!🥘🌶椰青雞湯 $108 for two超濃超香超好味無諗過咁好飲個湯好甜,椰子味好香好多雞肉,肉質都幾滑basically飲完個湯就飽左😂🌶🌶都頗辣喔,但味道真係唔錯! Highly recommend 🉐🉐🉐 🥩🥗燒安格斯牛肉沙律 $168燒牛肉係主角,沙律只係配菜得少少😂安格斯牛肉屬半肥瘦,眼見都睇到好多肥膏🤭坦白講,偏油偏肥,但不能否認,夠肥所以真係幾香幾好食既🤤煎到表面微焦,香口👌🏻👍🏻唔點個汁都夠味,想thai d 就可以沾埋個thai sauce 食,酸酸地開胃👌🏻 🍗青咖哩燒雞腿 $105青咖喱個調味唔錯,但sauce 既質地偏稀,塊薄餅要浸落d汁浸耐d先索味喔!雞腿煎得唔錯,塊皮煎到脆身,好香口!略嚴雞腿肉有少少唔夠滑! 下次有興趣試黃咖啡牛肮腩🤤 🥦馬拉盞炒椰菜花 $88椰菜花炒得野味之餘又唔會太油👌🏻👌🏻⭕️餐廳坐得舒服,侍應服務態度很好☺️⭕️d菜砌得都好精緻,價錢唔貴,性價比高👍🏻⭕️地點方便,係怡和街,距離地鐵2分鐘 繼續閱讀
(以上食評乃用戶個人意見 , 並不代表OpenRice之觀點。)
等級2 2020-07-12
5 瀏覽
曾多次到此餐廳,覺得食物有質素,疫情時亦有去買外賣,希望多些支持小店。但係今日去lunch,食物質素開始下降,而最大問題是員工態度服務差。落單的waitress對餐牌一點認識也沒有。點餐不可以説食物名稱,要客人在餐牌找號碼才可落單。飲品叫了他們的signature drink thaijito,waitress 説這是奶茶…其實它是Soda飲品。員工完全不了解餐牌.…我相信這是很其本了吧!另外,要了半隻燒雞,份量少,不覺得有半隻雞因為沒看到有雞胸的部份。午餐應該包括頭盤小吃和送甜品,問落單的那位waitress ,她説兩樣都沒有。問另一位員工,才把甜品給我們。之後跟在店內比較資深的員工反映,但他也沒表示任何謙意,沒有跟進,也沒把頭盤小吃補返比我地😠以後不會再幫襯了,很失望! 繼續閱讀
(以上食評乃用戶個人意見 , 並不代表OpenRice之觀點。)