影片
更多
2017-12-10
52 瀏覽
木嘴呢日又黎到荃灣區覓食，貴為拉麵控既我就緊係試下呢一區既拉麵啦。星期六既12點幾去到，有幾個人排隊，等左差唔多15分鐘就入到去。入面係細鋪仔，有10個位左右。由於佢張凳鬼咁高，坐左上去之後基本上唔可以自己郁到張凳，所以d staff會等你坐上去之後幫你推凳，過程就好似坐住輪椅等人推一樣。第一次黎到，驚死既我就食番最穩陣既魚介豬骨拉麵，朋友就食每日限量30碗既沾麵。落完order見我前面果D師傅係度整麵，都係日本人樣，又係講日文，作為一個表面愛國內心卻很誠實既廢青，見到係日本人做大廚確實對呢餐非常期待。魚介豬骨拉麵幾濃味，岩晒重口味既木嘴。麵我揀左硬麵，但係比想像中更硬，所以搞到我有少少食唔落，咬到牙骹有啲軟。叉燒好大塊，而且有兩塊，易咬好食。沾麵朋友都係揀左硬麵，我試食之後覺得比我果碗拉麵淋少少，反而呢個硬度對我黎講就岩岩好。而個沾汁都好濃味，沾麵沾黎食就一流啦。半熟蛋都係咁啦，係木嘴既嘴中都係講唔出咩深層次既味道，都係覺得唔錯咁樣囉。重點係，我同朋友食到後期都覺得好飽食唔晒，木嘴雖然細食，平時都未至於一碗麵都KO唔到。覺得神奇之際，仔細一睇先發現原來MENU蚊滋咁細粒字寫住比拉麵份
魚介豬骨拉麵
幾濃味，岩晒重口味既木嘴。麵我揀左硬麵，但係比想像中更硬，所以搞到我有少少食唔落，咬到牙骹有啲軟。叉燒好大塊，而且有兩塊，易咬好食。
沾麵
朋友都係揀左硬麵，我試食之後覺得比我果碗拉麵淋少少，反而呢個硬度對我黎講就岩岩好。而個沾汁都好濃味，沾麵沾黎食就一流啦。半熟蛋都係咁啦，係木嘴既嘴中都係講唔出咩深層次既味道，都係覺得唔錯咁樣囉。
重點係，我同朋友食到後期都覺得好飽食唔晒，木嘴雖然細食，平時都未至於一碗麵都KO唔到。覺得神奇之際，仔細一睇先發現原來MENU蚊滋咁細粒字寫住比拉麵份量比一般拉麵店多1.5倍。你話平時果D「全場$50起」個「起」字要細粒就算啦，我都唔明呢D好野做咩寫咁細粒。嘩即係我原來食多左半碗麵，建議減緊肥既女士要叫佢地減麵，好彩木嘴我又瘦又索，唔驚肥。其實真係好抵食，所有配料都有，又有半熟蛋，紫菜，竹筍，麵又1.5倍，包保參加完飢饉30都一定食得飽。而家香港閒閒地食個拉麵都8-90蚊，有D連鎖店仲要加你一，呢度真係拉麵控既天堂。
張貼
