拉麵台風 (已搬遷) 新店位置

成曰行經荃灣都見佢大排長龍，終於俾我(捕)到，原來晏晝三點幾係最少人嘅我們點左伊台風(蕃茄湯底)， 魚介豬骨湯拉麵，一罐汽水。 一定先講服務，呢位疑似老闆嘅人非常gentle, 拉櫈推櫈不在講，仲要供應五顏六色橡根俾我地啲長髮美女，怕我地食麵整污嘈頭髮，好細心啊！重點係以我呢個高齡，佢竟稱呼我為(妹妹)，今時今日呢啲服務去边度揾？講番正題兩碗麵賣相惹人唾涎，份量大得驚人，我食左一半已飽飽！湯底非常濃烈， jam 喉，蕃茄湯唔似有蕃茄，爆鹹，豬骨湯底亦不特出個溏心蛋係凍嘅，失敗！！！麵質確煙韌彈牙，仲有蛋香！！！叉燒半肥瘦肉質鬆軟！正！！！仲有火炙芝士鋪面，好香囗呀！