元綠壽司 (已結業)

今日去左元綠lunch,叫左2個 set lunch, 送飲品+沙律的但係飲品一早就嚟左其他食物都差唔多嚟齊就係沙律未到之後攞左d迴轉帶上面d壽司, 點知壽司舊飯一用筷子夾起就散坐係迴轉都到可以聽到整壽司d人說話我就只係聽到佢地係到講打PS2....魚生飯又竟然會係「魚生凍 飯就熱辣辣」食野過程中就追左個沙律3次到埋單都未嚟 (坐我隔離有個女人, 個沙律都追左2~3次先有)咁樣就埋單個陣同個職員話個沙律追左3次都未到, 語氣就都幾嬲下同埋有小小串個職員就不斷講「唔好意思」 (我直覺覺得佢係扮溫柔)咁到我地起身走, 個職員就用好粗既語氣講「多謝晒，byebye」我心諗:「唔想講咪唔好講囉，冇人想聽添呀.唔好叫我再嚟呢到食野添呀，打死我都唔會呀」點知我都未行出鋪頭，就聽到同一把聲：「痴線」既尾音真係咁冇水準既食物, 加上咁冇禮貌既員工, 呢間元線值唔值得去就真係見仁見智。同樣係元綠，馬鞍山元綠好得多。