田中日本料理

營業中

休息中

去南生圍之前食定野打底，見田中係Openrice都有幾多笑臉，就去試下。剛開店時去到，所以唔洗等位直接入座，剛坐下店員就提醒我們用餐時間只有45分鐘，我覺得都合理。見到隔離枱魚生飯好大好足料，就決定叫魚生飯。店員介紹有午餐餐牌，會抵食好多，就信佢試下。魚生飯定食包括有魚生飯、鹽燒三文魚邊和菊花茶，以價錢黎講算係咁。睇我個名都知我有幾唔鐘意食魚，三文魚可能說係其中少數例外鹽燒三文魚邊：但，呢個三文魚邊真係難食到經典，三文魚皮帶魚鱗，魚皮下脂肪極厚，脂肪多於肉，食到成口油。魚生飯用料夠多，size夠大，有八爪魚刺身、三文魚刺身、帶子刺身、甜蝦刺身、北寄貝刺身、魷魚蟹子及三文魚腩碎，而飯可以自選白飯或壽司飯。三文魚刺身：顏色尚可，雖不及鄰桌的淨三文魚刺身厚身，但總算適中。不過，味道淡而無三文魚味。三文魚腩碎：喊面就係因為呢個腩碎而比，居然有幾條骨（一條半條我都算，問題小小一pat腩碎可以有幾條，令人難以接受）。帶子刺身：尚可。甜蝦刺身：甜蝦大條，尚可。菊花茶：全餐最好味。