影片
更多
2018-02-27
1333 瀏覽
公司出左花紅, 係時候慶祝下, 同事提議食日本野, 我話豪D一齊去食Omakase. 響網搵左一輪, 呢間唔錯.環境好闊落, 樓底好高, 空間開揚好舒服, 啱晒傾偈.其實除左廚師發板, 都有其他散叫既日本野食.要左櫻木SET, 前後共8款食物.前菜2款, 有涼伴海哲, 好爽口, 有D青瓜絲, 夠清新開胃.另有鰻魚玉子, 玉子好滑, 好香蛋味, 唔漏.刺身有油甘魚, 左口魚, 刺身油脂豐富, 又軟滑. 牡丹蝦夠大隻, 鮮甜蝦味濃郁, 又彈牙.仲有吞拿魚腩, 夾住紫菜食另有風味, 吞拿魚腩肥美, 一食落口魚油充滿口腔, 紫菜可以減輕膩感.主食要左汁煮牛舌, 好入味, 甜甜地, 牛舌煮到夠晒軟腍, 帶少少爽口.仲有碗醋物, 係魚黎既, 好滑溜, 鮮甜唔腥.之後黎到5點壽司, 海膽非常鮮甜, 滑到流入喉嚨. 帶子肉厚, 夠晒甜, 仲有三款魚壽司都好軟滑, 新鮮無雪藏味.唔夠飽仲有吞拿魚手卷, 吞拿魚蓉好軟滑.仲有松露湯, 食完幾樣凍野飲碗熱湯真係好舒服, 松露清香, 解下油脂既肥膩感.最後係紅豆雪糕, 紅豆味濃, 有一粒粒既紅豆, 但唔會太甜, 好滑.今晚真係非常豐富, 每道菜都係逐碟上, 可
環境好闊落, 樓底好高, 空間開揚好舒服, 啱晒傾偈.
其實除左廚師發板, 都有其他散叫既日本野食.
要左櫻木SET, 前後共8款食物.
前菜2款, 有涼伴海哲, 好爽口, 有D青瓜絲, 夠清新開胃.
另有鰻魚玉子, 玉子好滑, 好香蛋味, 唔漏.
刺身有油甘魚, 左口魚, 刺身油脂豐富, 又軟滑. 牡丹蝦夠大隻, 鮮甜蝦味濃郁, 又彈牙.
仲有吞拿魚腩, 夾住紫菜食另有風味, 吞拿魚腩肥美, 一食落口魚油充滿口腔, 紫菜可以減輕膩感.
主食要左汁煮牛舌, 好入味, 甜甜地, 牛舌煮到夠晒軟腍, 帶少少爽口.
仲有碗醋物, 係魚黎既, 好滑溜, 鮮甜唔腥.
之後黎到5點壽司, 海膽非常鮮甜, 滑到流入喉嚨. 帶子肉厚, 夠晒甜, 仲有三款魚壽司都好軟滑, 新鮮無雪藏味.
唔夠飽仲有吞拿魚手卷, 吞拿魚蓉好軟滑.
仲有松露湯, 食完幾樣凍野飲碗熱湯真係好舒服, 松露清香, 解下油脂既肥膩感.
最後係紅豆雪糕, 紅豆味濃, 有一粒粒既紅豆, 但唔會太甜, 好滑.
今晚真係非常豐富, 每道菜都係逐碟上, 可以慢慢食.
張貼
