影片
更多
2019-01-21
2400 瀏覽
其實我都好耐無食過放題 人大左重質多過重量 試一試銅仔呢間 比常見放題多左幾個特色一係做到凌晨兩點 只要你夠本事肯定回本! 二係手機點餐 大陸見得多香港就少見 三係供應同類餐廳未見有既生蠔海膽烤魚1664同Asash 單件/份/杯計又得 加$88任食任飲又得!以下係試過各類食物既速評 俾大家參考下生蠔 - 生蠔絶對重點 +$88任食既係美國蠔 size唔大隻 唔腥易入口 非常適合生蠔初級愛好者 另外仲有+$118任食既法國蠔 鍾意生蠔既朋友無理由叫得兩三隻 索性升級無限叫好過!刺身 - 是次食左唔少刺身 當然唔係唔食魚生既我而係同行友人食哂 刺身當中三文魚件件都好肥美 仲有珍寶赤蝦大得幾誇張下 呢兩者必食!口水雞 - 雖然有啲意外竟然有得叫口水雞 不過近期食得川菜多眼角高左 呢碟雞唔夠汁太過dry 辣度又唔夠 過下口癮就算七味雞軟骨 - 普通炸物 話七味但係又無辣味 可以試下跟醬食 枱面有款應該係泰式醬壽司 - 種類包括有一般手握軍艦火炙卷物同手卷 今次我重點食火炙 好難得放題有咁多款火炙選擇 三文魚蟹棒等火炙有海膽醬 口感厚實同creamy 和牛唔係入口即溶 不過都值得一試 鵝肝帶
一係做到凌晨兩點 只要你夠本事肯定回本! 二係手機點餐 大陸見得多香港就少見 三係供應同類餐廳未見有既生蠔海膽烤魚1664同Asash 單件/份/杯計又得 加$88任食任飲又得!
以下係試過各類食物既速評 俾大家參考下
生蠔 - 生蠔絶對重點 +$88任食既係美國蠔 size唔大隻 唔腥易入口 非常適合生蠔初級愛好者 另外仲有+$118任食既法國蠔 鍾意生蠔既朋友無理由叫得兩三隻 索性升級無限叫好過!
刺身 - 是次食左唔少刺身 當然唔係唔食魚生既我而係同行友人食哂 刺身當中三文魚件件都好肥美 仲有珍寶赤蝦大得幾誇張下 呢兩者必食!
口水雞 - 雖然有啲意外竟然有得叫口水雞 不過近期食得川菜多眼角高左 呢碟雞唔夠汁太過dry 辣度又唔夠 過下口癮就算
七味雞軟骨 - 普通炸物 話七味但係又無辣味 可以試下跟醬食 枱面有款應該係泰式醬
壽司 - 種類包括有一般手握軍艦火炙卷物同手卷 今次我重點食火炙 好難得放題有咁多款火炙選擇 三文魚蟹棒等火炙有海膽醬 口感厚實同creamy 和牛唔係入口即溶 不過都值得一試 鵝肝帶係子唔錯 不過鵝肝小得可憐 唔好有期望 另外火炙蛋都好食
辣椒膏炒蜆 - 餐單除左常見放題食物分類 特登分多項泰式料理 我覺得當中俵俵姐係呢份炒蜆 辣唔係好辣 不過好惹味 蜆肉雖然唔大同埋有啲得蜆殼 不過任食容許你無限refill 所以唔係問題
芝士年糕 - 芝士年糕雖然鍾意食 又怕佢食完會漏同飽肚 呢份質素就麻麻地 外皮厚左啲 芝士都唔夠流質 可能同火喉掌握有關
天婦羅 - standard
串燒 - 呢度既串燒係東南亞風而唔係和風 全部都係沙嗲串 其實食落又唔算好重沙嗲味 叫左豬牛雞各一 肉質口感都ok既
芝麻雞翼 - 餐單幅圖顥示係雞全翼而實情唔係 芝麻味略嫌唔夠
飛天炒通菜 - 泰國菜既signature之一 唔夠真泰國菜正宗 不過辣辣地都好食
泰式燒元貝 - 燒既火喉唔錯 值得一試
燒菠蘿 - 燒得焦焦地 食放題食下生果都好
甜品 - 甜品櫃分左兩類 一係杯裝既布甸慕絲之類 二係雪糕 前者幾colorful 可惜飽飽地淨係試左個椰汁糕 都夠椰汁味 後者口味算多 我搵到當時仲有既包括芒果香芋姜味曲奇同呍呢拿 雪糕品牌唔係好識 攞左出櫃要解凍一陣先無咁硬 食完正餐有雪糕食感覺良好
最後溫馨提示一下 鋪頭唔想轉嫁成本所以唔收信用卡 可以俾現金WeChat 聽到店員好似話Payme都得 落單要用手機掃二維碼 ios同WeChat都掃到 另外如果人少想試下多唔同野食 每一次落單可以填少啲人數 咁果啲以每份計既食物就會黎少啲份量
張貼
