影片
更多
2021-07-01
2008 瀏覽
🌟綜合評分：7/10🌟食物口味：7/10🌟環境：7/10🤩亮點：酒店餐廳用餐環境舒適餐前包及醬幾特別有幾道菜幾有創意呢排好鍾意打卡米芝蓮一星fine dining（主要二、三星太貴冇可能成日去🥲），雖然大部分都有少少失望覺得性價比唔高，但每次多多少少都能發現d特別嘅食物～今次試左lunch嘅八道菜tasting menu，人均$1000左右，菜式非常豐富，整體味道一般但有d特別體驗～首先餐包同醬幾特別，餐包係用左紅菜頭所以係紅色，醬加埋香料，好食過普通黃油好多倍～我地encore左一轉餐包😋前菜嘅魚子醬海膽我勁鍾意，兩樣都係我嘅最愛，只可惜份量太少～另一道較鍾意嘅前菜係竹炭龍蝦天婦羅～成條黑色嘅，皮就厚過普通天婦羅，但勁鮮美好味～生蠔係廚師直接拎左個鍋出來喺你面前煮，加埋d清酒，熱辣辣又鮮美～有一道創意菜係類似拖羅茸壽司，但唔係用壽司飯而係一啲脆卜卜嘅米餅，個人覺得太乾且冇咩味，但創意十足！主菜冇咩亮點，和牛同鵝肝還可以la，甜品係非常特別嘅！有一個係椰子雪葩白朱古力，造型已經好吸引，食落唔會太甜～另一個甜品係酒釀雪糕，由於我不飲酒所以唔係好鍾意。係wo，中間仲有一道係烤金文華芝士配雲
🌟食物口味：7/10
🌟環境：7/10
🤩亮點：酒店餐廳用餐環境舒適
餐前包及醬幾特別
有幾道菜幾有創意
呢排好鍾意打卡米芝蓮一星fine dining（主要二、三星太貴冇可能成日去🥲），雖然大部分都有少少失望覺得性價比唔高，但每次多多少少都能發現d特別嘅食物～今次試左lunch嘅八道菜tasting menu，人均$1000左右，菜式非常豐富，整體味道一般但有d特別體驗～
首先餐包同醬幾特別，餐包係用左紅菜頭所以係紅色，醬加埋香料，好食過普通黃油好多倍～我地encore左一轉餐包😋
前菜嘅魚子醬海膽我勁鍾意，兩樣都係我嘅最愛，只可惜份量太少～
另一道較鍾意嘅前菜係竹炭龍蝦天婦羅～成條黑色嘅，皮就厚過普通天婦羅，但勁鮮美好味～
生蠔係廚師直接拎左個鍋出來喺你面前煮，加埋d清酒，熱辣辣又鮮美～有一道創意菜係類似拖羅茸壽司，但唔係用壽司飯而係一啲脆卜卜嘅米餅，個人覺得太乾且冇咩味，但創意十足！
主菜冇咩亮點，和牛同鵝肝還可以la，甜品係非常特別嘅！有一個係椰子雪葩白朱古力，造型已經好吸引，食落唔會太甜～另一個甜品係酒釀雪糕，由於我不飲酒所以唔係好鍾意。
係wo，中間仲有一道係烤金文華芝士配雲尼拿雪糕，我曾經無數次想咁食但未夠膽試，今日終於實現心願哈哈哈～芝士烤過後變為濃濃嘅醬，點雪糕食口感好特別！
好多特別體驗嘅一餐，不過overprice左啲，味道又真係普通，試下鮮係ok嘅！
張貼