影片
更多
2020-11-22
2527 瀏覽
旺角Cordis Hotel 做緊泰國宵夜自助餐，冇得去旅行，食吓泰式宵夜自助餐感受下泰國夜市都好，入到場內燈光昏暗，雖然全場爆滿，但大家都只係默默顧住食，氣氛柔和寧靜，樓底高坐得尚算舒適。食物方面，種類唔算少，一般泰式美食例如炒金邊粉、泰式湯河、咖喱🍛、泰式沙律、蝦餅、春卷等亦不缺少，為大部份味道偏鹹，師傅落鹽落得重手得滯，我唯獨喜歡佢嘅牛骨湯河，味道較中性，入口感覺柔和。甜品方面，種類繁多，有一般嘅泰式甜品例如泰式芒果糯米飯、班蘭布甸、椰汁糕等，還有其他港式甜品，例如番薯糖水、豆腐花、焗栗子西米布甸。當然唔少得多種Movenpick雪糕啦, 同日式銅鑼燒一齊食超正。不過我期待嘅泰式冬陰功湯，感覺唔到有辣味酸味，只有超級勁嘅鹹味，蓋過晒成個湯嘅味，失望！飲品方面，除咗清水之外，所有嘅飲品都要付費，椰青$30一個，其他飲品例如梳打水及泰式奶茶均為$20，咖啡機都靜悄悄咁躲藏在一角，沒有開動。所以，大家唔好期待自助餐一定包你一杯飲品。總括而言，體驗泰國夜市一夜遊亦是不錯的選擇。
食物方面，種類唔算少，一般泰式美食例如炒金邊粉、泰式湯河、咖喱🍛、泰式沙律、蝦餅、春卷等亦不缺少，為大部份味道偏鹹，師傅落鹽落得重手得滯，我唯獨喜歡佢嘅牛骨湯河，味道較中性，入口感覺柔和。
甜品方面，種類繁多，有一般嘅泰式甜品例如泰式芒果糯米飯、班蘭布甸、椰汁糕等，還有其他港式甜品，例如番薯糖水、豆腐花、焗栗子西米布甸。當然唔少得多種Movenpick雪糕啦, 同日式銅鑼燒一齊食超正。
不過我期待嘅泰式冬陰功湯，感覺唔到有辣味酸味，只有超級勁嘅鹹味，蓋過晒成個湯嘅味，失望！
飲品方面，除咗清水之外，所有嘅飲品都要付費，椰青$30一個，其他飲品例如梳打水及泰式奶茶均為$20，咖啡機都靜悄悄咁躲藏在一角，沒有開動。所以，大家唔好期待自助餐一定包你一杯飲品。
總括而言，體驗泰國夜市一夜遊亦是不錯的選擇。
張貼
