Doux (已結業)

726係一棟新開大廈，而哩度有間樓上餐廳主打多款靚靚主題甜品，又有落地大玻璃窗，加上燈光暗暗地，係一個girls talk既好選擇！有咸食又有甜食蜂巢…哩個真係整得超靚！淡黄色既蜂巢係檸檬蜜糖芝士mousse 檸檬味比芝士味重少少 但其實兩隻味都可以再濃番d😁 圍邊既粒粒係分子淑女茶碎冰 茶味不濃不淡 入口茶味啖啖滲出 唯一係分子碎冰比較易溶 食到一半已經溶左一半🙈 而面頭果兩隻大小蜜蜂就用糖膠整 我就prefer觀賞多佢地多d喇😹 仲有幾片花瓣呀草呀咁 成個感覺都幾fantasy✨ 整體黎講甜度低 食完都唔會溜👍真係睇得又食得嫁！輕輕篤開中間 流心蜜糖就洶湧而出！仲係好清甜既蜜糖味😋竹炭窩夫…環境已經夠黑，點知佢既外型仲黑😂咁黑蚊蚊原來係加左竹炭粉，窩夫外脆內軟，仲有好脆口既竹炭脆脆鋪喺面，口感一流！旁邊既朱古力雪糕都好正！內有朱古力碎粒❤❤ 朱古力味好香濃！士多啤梨又可以中和下雪糕同窩夫既甜膩咁，不錯啊～ 如果窩夫可以再熱d,入面可以做得再鬆軟d，咁就真係perfect喇70%凍朱古力… 可能係食左朱古力雪糕先飲，飲番哩杯朱古力又好似冇乜味咁🙈 正明果球朱古力雪糕真係幾濃郁！