470
62
20
港鐵旺角站 B3 出口, 步行約3分鐘 繼續閱讀
電話號碼
28082520
開飯介紹
樓上高級甜品店,主打甜品畫及主題甜品。 繼續閱讀
營業時間
今日營業
12:00 - 00:00
星期一至日
12:00 - 00:00
付款方式
Visa Master AlipayHK 支付寶 現金
座位數目
50
其他資料
網上訂座
酒精飲品
自帶酒水 詳細介紹
切餅費 詳細介紹
賞訂座積分
外賣服務
加一服務費
當面支付
有關獎賞計劃
食評 (597)
等級4 2019-10-07
276 瀏覽
呢晚同朋友仔嚟咗呢度開餐我好鍾意呢度環境,因為比較清靜可以同朋友舒舒服服咁傾吓計, relax一下而且仲非常適合情侶之間嘅約會食物方面價錢都好公道,CP值高套餐包埋沙律同餐湯,而且質素一啲都唔馬虎今日嘅餐湯係南瓜湯個湯加咗大量清甜嘅南瓜泥,非常之足料南瓜味夠曬香濃可口,好味道!沙律係哈蜜瓜煙三文魚沙律食材全部都非常新鮮,哈密瓜又夠清甜配埋提子乾同煙三文魚呢個鹹鹹甜甜嘅組合味道係出奇地夾同好食!燒春雞皮薄多汁嘅春雞燒得啱啱好肉質唔會過熟同燒到外皮太燶外皮燒到金黃色帶少少焦香,皮脆肉嫩又多汁,充滿雞油香加埋楓糖同香草作調味,更加惹味香口!龍蝦意粉我朋友對呢碟意粉讚口不絕首先賣相已經好吸引,味道都冇令我地失望龍蝦肉非常之新鮮彈牙同清甜另外意粉醬汁加入咗大量新鮮嘅蕃茄肉味道酸酸甜甜咁非常之天然同清新加埋個意粉煮得彈牙又好食,味道一流!呢度嘅甜品賣相吸引味道又好,我哋當然唔會錯過Lava呢個可以話係我食過最好食嘅心太軟質感帶濕潤嘅蛋糕加埋裡面暖笠笠嘅特濃朱古力醬一齊食成個感覺好濃郁好滿足如果想味道同口感更加豐富,可以配埋底部嘅龍鬚糖同側邊嘅伯爵茶雪糕一齊食!茶同朱古力味道永遠都係咁夾個伯爵茶雪糕味道仲好香濃好滑,好好食!呢個一定會再encore 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-14
760 瀏覽
老友退休喇,為她慶祝下人生下半場,學習過慢活的日子,網上搜尋這間Doux 環境幽靜,最啱姊妹們午間小聚,人生就係要去享受下呢種日子,不境辛勞了幾十年工作。。。環境很好啊!又光猛,坐落是令你有好舒服感,因為有大玻璃窗可以望向樓下煩囂嘅鬧市,可讓你有安息一刻,侍應生熱情招待和介紹今日的午餐食品。我哋開心share套餐,北海道蟹棒蜆肉意大利飯和bb豬肋排,有飯有肉🍛🍖。蟹棒鮮味不像雪藏哪種味道,再配埋黏黏的意大利飯肉汁味好creamy鎖住啲米食落不油膩,bb豬肋排一啲都唔bb,哈!有六條之多呢!午餐真係幾有份量啊!切開一條條,每人有三條,味道有點似燒烤味甜甜地,仲有沙律菜同薯條。侍應生很細心預備埋支茄汁❤飲品我選了 ice peach tea 外貌似凍奶茶,飲落味道有清淡的桃味,入口清清甜甜。老友就飲熱泰式奶茶☕ 覺得茶比較濃不似中國茶味。我哋食下講下已經坐咗兩個幾鐘啦也不覺呢!食物和環境確實是一個好去處。✌😁 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-14
332 瀏覽
今天終於有機會和友人吃一頓悠閒的美味午餐。位於彌敦道726號18樓的Doux餐廳,環境寧靜舒適,單邊的大玻璃窗外景緻非常開揚,估計晚上的氣氛一定更好。我們從午市套餐的餐牌上選了兩個午餐後,便邊談邊等。未幾,餐湯、沙律和茶便送上。今天的忌亷粟米蘑菇湯非常濃滑,鴨胸沙律菜爽脆,醋汁頗為醒胃。冰凍的白桃冰茶有著淡淡的桃香味,喝一口便即能將暑氣盡消,透心涼。~烤西班牙黑毛豬黑毛豬烤得恰到好處,邊位微焦脆,非常美味,肉質鮮美有𡁻口。隨餐的汁醬,不會過鹹,味道適中。伴碟的沙律菜正好豐富食物的多層次感覺。連皮的薯條外脆內軟,一定不能錯過,不用點茄醬亦美味無窮。~慢烤BB豬肋排份量不少,猪肋排醃得非常入味,微辣,肉質淋滑,好容易便能一條一條骨切開。伴碟沙律菜增添纖維,平衡了這菜的營養。新鮮炸起的薯條雖然較熱氣,但也不能抗拒,所以完全沒有吃剩。今天的午餐非常充實豐富,滋味無窮。估計這裡的午餐是即叫即製的,所以製作需時,但邊閒談邊等,等候時間不經不覺便過去了,換來的是一頓美味的午餐。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-06
229 瀏覽
今個星期是我家的紀念日,一心就想帶家人去食一下西餐。不過今次就定下了一個目標給大家,就是要找一間既既好食,而Budget 在每人 $200至$250之內的西餐廳。於是就當然在網上找一些熱門的看看,很快我就拿下主意,去這間位於旺角的 ‘DOUX’ 。我們訂了晚上7點半,去到已經有不少人在內用膳,而且聽到他們都是慶祝生日或其他紀念日的,場內非常開心。而且餐廳內裡空間非常寬敞,令人坐得很舒適。播放著最新又流行的英文歌,我和家人就開始看看今晚食什麼。💓 1.      輕煎北海道帶子甘藍沙律母親就最喜歡食羽衣甘藍沙律,一來營養值超高,可以整腸通便、抗老美肌、增強免疫力等,二來味道獨特兼且平時在家煮飯比較少食,所以母親就特別喜愛。羽衣甘藍配北海道帶子認真不錯,帶子經過微微煎香,入口即溶,不用太多咀嚼。💓 2.      小食拼盤四個人,就叫一碟小食拼盤吧。當中有: 鮮炸薯條、香炸芝士雞肉、吉烈蝦餅、芝士。特別好食的就是香炸芝士雞肉,炸得來又不會太老,食落仍然非常鮮嫩,值得一讚。我有一個小提議,如果小食拼盤不是全部炸物,效果可能會更好。💓 3.      經典漢堡漢堡的材料不花巧,用上經典的配菜及Sauce。重點仍然是其漢堡牛肉,DOUX以House Steak來製做,非常之有牛肉味,以及容易入口。漢堡亦配上薯條,份量充裕。💓 4.      黑松露什菌蝴蝶粉很久都未食過蝴蝶粉,加上黑松露和什菌煮成,散發出陣陣菌味。而且Sauce亦調製得剛好,不會過稠又不會過淡。健康得來又好食,主食來計,這份值得推薦。💓 5.      Ruby Peach最後,當然要點一份甜品作為結尾。DOUX的甜點每份都做得非常精緻,而且是以水果作為主題,於是我們就選了水蜜桃 – Ruby Peach來試試。賣相絕對值滿分,這個 ‘桃’ 包含Fondant Ruby Peach Mousse, Peach Liqueur Jelly, Mint & Rye Crumble。簡單來說,就是有桃味Mousse、桃花露酒果凍,薄荷和黑麥金寶。所以口感非常軟淋淋,而且不會太甜,非常好食!飲品方便,我們點了三杯飲品💓 6.      DOUX水果茶 (熱)💓 7.      日本青梅西瓜梳打💓 8.      Vedett Extra Blond  (Beer)今餐食得非常盡興,DOUX環境舒適,食物質素非常高,而且價錢亦符合我們預算之內,平均每人$230左右。下次與另一半或朋友聚會時,必定會考慮再來DOUX。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-08
740 瀏覽
呢餐係朋友嘅生日飯,佢就鍾意食Cafe同埋坐低傾吓計,就有朋友幫手訂左呢間。睇見佢嘅Menu,本身食物款式已經唔多,加上其中一個人皮膚敏感唔食得牛肉,最後可以點嘅菜寥寥可數。鵝肝法蔥意大利飯($178)呢個飯應該係貴在有整塊鵝肝,但份量實在太少,每人分得兩啖,跟住過咗一陣先有第二碟嘢食。黑松露雜菌貝殼粉($108)呢個出品正正常常,屬中等水平。紅酒醋燴辣肉腸配甜薯條($98)辣肉腸食唔到好辣,因為醬汁嘅關係,係有少少甜嘅,其實係幾特別。有驚喜嘅係,薯條係甜番薯,並唔係一般薯仔,呢度菜式可以試下。烤伊比利亞黑毛豬鞍配法式黑醋蜜糖汁($268)豬肉係OK嘅,醬汁都幾特別,屬於中上水平卡邦尼貝殼粉($108)Ruby Peach ($98)其實成餐飯就係為咗佢,呢個甜品係幾靚嘅,表皮係少少脆脆既質感,裏面係慕絲,食落又唔會太甜膩,幾啱我口味嘅,賣相亦都非常靚。整體來講,我覺得呢間餐廳其實麻麻。因為佢嘅款式其實好少,性價比亦都唔高。另外因為當日餐廳好似冷氣系統出咗問題,擺咗部大風扇係門口通風,吹正我哋,簡直頭髮都吹甩。查詢店員之後,亦都無辦法改善呢個情況,實在係貼錢買難受。不過最後都係要多謝店員,協助吹蠟燭環節,但之後都唔會再有下次。 繼續閱讀
(以上食評乃用戶個人意見 , 並不代表OpenRice之觀點。)