影片
更多
2021-04-19
177 瀏覽
嚟到呢間食台式燒肉嘅店，佢有幾個套餐俾我哋揀，叫咗最貴嘅「澳洲M5和牛120分鐘吃到飽」款式有81款之多，包括有牛類🐂、豬類🐖、雞類🐓、海鮮🦑、台灣地道主食🍜、台灣正港燒烤🥓、台灣夜市小吃🌮、飲品🥤，揀到花多眼亂。外面則設有自助飲料吧🥤、自助蔬菜吧🥬，飯同湯都可以自助🍚。食物用QR code落單好方便，而且上菜相當有效率。 呢個set仲會送咗兩客牛舌芯。我哋幾乎樣樣嘅牛都試咗，種類多到我都唔記得自己燒咗邊樣打邊樣，其實啲牛好有水準，樣樣都好食，我最鐘意食鹽燒牛舌同秘製牛肋條😍。 另外佢啲豬肉同雞肉同樣都有好多款式，肉質一樣唔差，食落幾爽脆，例如可以試吓佢嘅老虎雞翼🍗，辣辣地幾惹味。 海鮮種類就唔算好多，不過我幾鍾意食佢嘅鯖魚🐠、煮蜆同帆立貝。至於佢嘅地道主食有一款，就係櫻花蝦乾半手工麵🍜，啲麵嘅質地幾特別。最開心係可以食到好少喺香港食嘅台灣美食🇹🇼，推介黃金泡菜、鹽酥雞同炸蚵卷，相當有風味，仲有必試嘅台灣小枕頭，其實係麻糬做，相當特別，冇得去台灣但可以喺呢度回味一番。 出邊嘅自助吧，飲品同蔬菜同樣好多選擇，除咗自家冷泡茶仲有好多平時喺香港唔常見嘅飲品。最後係甜品，呢樣就冇乜選
嚟到呢間食台式燒肉嘅店，佢有幾個套餐俾我哋揀，叫咗最貴嘅「澳洲M5和牛120分鐘吃到飽」款式有81款之多，包括有牛類🐂、豬類🐖、雞類🐓、海鮮🦑、台灣地道主食🍜、台灣正港燒烤🥓、台灣夜市小吃🌮、飲品🥤，揀到花多眼亂。外面則設有自助飲料吧🥤、自助蔬菜吧🥬，飯同湯都可以自助🍚。食物用QR code落單好方便，而且上菜相當有效率。
呢個set仲會送咗兩客牛舌芯。我哋幾乎樣樣嘅牛都試咗，種類多到我都唔記得自己燒咗邊樣打邊樣，其實啲牛好有水準，樣樣都好食，我最鐘意食鹽燒牛舌同秘製牛肋條😍。
另外佢啲豬肉同雞肉同樣都有好多款式，肉質一樣唔差，食落幾爽脆，例如可以試吓佢嘅老虎雞翼🍗，辣辣地幾惹味。
海鮮種類就唔算好多，不過我幾鍾意食佢嘅鯖魚🐠、煮蜆同帆立貝。至於佢嘅地道主食有一款，就係櫻花蝦乾半手工麵🍜，啲麵嘅質地幾特別。最開心係可以食到好少喺香港食嘅台灣美食🇹🇼，推介黃金泡菜、鹽酥雞同炸蚵卷，相當有風味，仲有必試嘅台灣小枕頭，其實係麻糬做，相當特別，冇得去台灣但可以喺呢度回味一番。
出邊嘅自助吧，飲品同蔬菜同樣好多選擇，除咗自家冷泡茶仲有好多平時喺香港唔常見嘅飲品。最後係甜品，呢樣就冇乜選擇，四款Häagen-Dazs雪糕同一款台式嘅甜品🍨，個雪糕都幾硬，要啲時間解凍。
總括來講，呢餐真係好豐富，種類好多，食到唔同嘅嘢相當滿足🥰。另外值得讚嘅係，地方好大，一入嚟前面就有好多座位俾人坐，唔使等位企著咁辛苦。卡位幾闊落，坐得舒服，抽風�做得好，唔會搞到成身燒味，亦都可以拎圍巾，好貼心。
翻查資料，原來呢間係牛大人嘅最新副線，貼地價任食燒肉放題。上年尾先後喺荃灣同旺角開張👏。
📍安平燒肉 - 旺角創興廣場9樓
@anpinggrill.hk
張貼
