影片
更多
2016-01-28
712 瀏覽
天氣轉凍，最好就係約埋一班朋友仔去打邊爐啦，今次係朋友介紹既呢間新食肆，有晚餐90分鐘放題，套餐的不同價格是因為不同級數的豬肉同牛肉任食，其他食物則是一樣的。我同朋友揀左嚴選黑毛和牛餐，每人約三百元，屬於第二高的質素。湯底方面，有好多選擇，我地揀左壽喜燒，湯既味道有d似日式濃湯，甜味比較凸出，十分可口。最值得推介的兩種肉類澳洲和牛雖然每碟得5片，但可以任叫，而且好均真，叫幾多真係黎幾多，絕對唔會走數，呢樣已經無得彈啦，每一片肉都切得好薄，加上肉與油脂的比例剛剛好，脂肪分佈均勻，食落口完全唔會韌，牛肉味濃郁，牛的油香味會在口腔中回蕩。呢個層次的牛肉已經十分好，但有經濟能力的食家不妨試試最高級的，本人仲未有機會試到。美國黑豬豬肉切得好薄，而且脂肪比較都較一般豬肉高，肉質較牛肉結實，主要係食佢既肉味同口感，食落腍得黎，帶有脂肪的位置有小小爽口的感覺，好有層次，而且一D都唔覺得油膩，亦都可能係因為脂肪較多的關係，就算唔放心想煮耐小小都無問題，一樣唔會變得太老太韌，有唔食牛的朋友淨係食呢個豬都可以滿載而歸。自助放題區丸類種類繁多，不能盡錄，一般款式我就唔講啦，本人係芝士控，所以專門揀選左幾款有芝
湯底方面，有好多選擇，我地揀左壽喜燒，湯既味道有d似日式濃湯，甜味比較凸出，十分可口。
壽喜燒湯底
183 瀏覽
0 讚好
0 留言
澳洲和牛
雖然每碟得5片，但可以任叫，而且好均真，叫幾多真係黎幾多，絕對唔會走數，呢樣已經無得彈啦，每一片肉都切得好薄，加上肉與油脂的比例剛剛好，脂肪分佈均勻，食落口完全唔會韌，牛肉味濃郁，牛的油香味會在口腔中回蕩。呢個層次的牛肉已經十分好，但有經濟能力的食家不妨試試最高級的，本人仲未有機會試到。
澳洲和牛
23 瀏覽
0 讚好
0 留言
豬肉切得好薄，而且脂肪比較都較一般豬肉高，肉質較牛肉結實，主要係食佢既肉味同口感，食落腍得黎，帶有脂肪的位置有小小爽口的感覺，好有層次，而且一D都唔覺得油膩，亦都可能係因為脂肪較多的關係，就算唔放心想煮耐小小都無問題，一樣唔會變得太老太韌，有唔食牛的朋友淨係食呢個豬都可以滿載而歸。
美國黑豬
28 瀏覽
0 讚好
0 留言
丸類
種類繁多，不能盡錄，一般款式我就唔講啦，本人係芝士控，所以專門揀選左幾款有芝士既黎講一講，最普通的方型芝士丸，即係表面有橙色點點那一種，雖然好多地方都有得食，但質素真係參差不齊，呢度既係最正中既里面芝士煮熟後可以拉成絲狀的，芝士濃度中等，但口感搭夠。第二款係炙燒過表面呈圓形的一種，里面的芝士係加熱後會偏向液體狀，芝士味最濃，外面的魚肉比較結實，咬落幾彈牙，同芝士的質地形成對比。第三款係，芝士魚豆腐，圓形大大個，係由魚豆腐加芝士組合而成，外皮輕輕炸過，煮熟後，里面的芝士呈半融的黏液狀，魚豆腐又比較腍身，混合埋一齊食好夾。最後有一種唔係芝士類但都要介紹的，方型中間有塊小年糕，煮熟之後外面好彈牙，仲中間年糕好煙韌，口感好到不得了，一定要trytry。
14 瀏覽
0 讚好
0 留言
自助區里面的蔬菜好新鮮，最常見的種類應有盡有，生菜嫩綠爽脆，娃娃菜吸收湯底後味道一流，蘿蔔煮熟後好腍好入味，當中我最喜歡的是栗米，粒粒肉都十分飽滿，食落去清甜多汁，令人欲罷不能，不過要小心熱親個嘴。
甜品
有多種不同口味的蛋糕，份量只有一口大小，可以每樣試小小覺得好食先大手入貨，另外，仲有一個朱古力噴泉，可以將棉花糖同生果浸落去然後拎返上黎等一陣，等外面的朱古力凝結成脆皮再一齊食，帶小朋友去的話，佢地一定樂而忘返。
升級版
珍寶帶子刺身
帶子每一粒都晶瑩剔透，睇落已經新鮮到不行，食落好有口感，略帶鮮甜味，而且無需顧慮有其他的雜質，可以密密食，喜歡貝類刺身的朋友試完之後保證好似我咁返唔到轉頭，好食到完全俾佢迷住。
珍寶帶子刺身
31 瀏覽
0 讚好
0 留言
呢個刺身可以話係全晚最不得了的一個，每一隻蝦都手掌咁大隻，一拎上黎已經脫好殼，蝦肉大大條，食落啖啖肉，肉質嫩滑彈牙清甜，令人食唔停口，絕對係誠意百分之二百爆燈之選，必食推介。
赤蝦刺身
18 瀏覽
0 讚好
0 留言
升級海鮮包括蜆、帶子貝、海中蝦、廣島蠔、鯛魚片。蜆都算幾大粒，肉好飽滿，食落都幾鮮甜，略嫌有極小沙粒。帶子貝已經將肉起左出黎，一熟就食得，啖啖肉，食得幾暢快。海中蝦非常之咁新鮮，肉質彈牙爽口。廣島蠔剛好一啖一隻，海水味好重，而且蠔味好重，煮熟後食落好腍。最後係鯛魚片，完全無骨，煮熟後肉質有彈性，有d似脆肉鯇的質地，而且好鮮甜。
升級海鮮
22 瀏覽
0 讚好
0 留言
張貼
