影片
更多
2016-01-23
465 瀏覽
服務奇差，朋友未到怕多人咪上去等位先，去到攞位，我話2個人，門口個 職員話要望望可能full 咗，咁我咪等佢望攞，之后佢就問我要邊款湯底同食邊款，我仲諗住几好喎末有位但mark 定我要乜。點知佢叫我入去，我咪話個friend 未到喎，佢話已經開始計時間，我咪話個friend 未到點食呀（唔通自己食完走😳)，而且又冇同我講就計，有乜理由。個職員話你都冇話人未齊（哥哥仔我旁邊一個人都冇，有眼睇架），而且我黎攞位，你有位都要話聲入得呀，大部份食市都係咁做架喎，真係未試過有咁嘅人，仲要話依度係佢同另一個藍色衫最大，投訴都係搵佢。即刻冇野講，本身已經冇諗住食，但係都希望你地改進一下，依家好啦，唔洗改有意見都當冇，勁👍🏻。新開都咁，以後一定唔幫襯。多謝你地令我知道香港仲有D咁嘅食市，長見識👍🏻
題外話/補充資料：
食物就唔評價啦，未有機會食
(以上食評乃用戶個人意見 , 並不代表OpenRice之觀點。)
張貼