日月堂

營業中

休息中

炸鹽酥雞（$48）。雞肉幾嫩口，微juicy ，幾脆，但係會有少少油膱味。味道夠咸，不過就算唔夠，枱面都另外仲有椒鹽粉可以俾你落，所以唔怕唔夠味。酥炸魷魚（$48）。都係會有油膱味。呢個就正常味，冇乜特別。滷肉蔥油拌麵（$54）。小編幾鐘意食呢個，食到淡淡既蔥油味。滷肉都似台灣滷肉，幾好食。麵質剛好，唔會偏‘淋’/硬。肉鬆起司蛋餅（$40）。外脆內軟，起司仲有拉絲，正。因為食咗太多難食嘅蛋餅，所以覺得呢個幾好食，可以再叫。麻辣鴨血冬粉（$75）。份量非常多，而且夠麻辣。不過冇話好好食，就正正常常。不過小編建議可以2個人share呢個。牛三寶麵（$80）。麵的份量正常，味道都正常。見到牛肉等的份量都叫多，所以價錢相對黎講都合理。香芋奶茶（$24）。就係雀巢芋頭甜筒個隻味，即係香精味😂 佢偶爾會有啖好濃既香精味，都幾難飲。不過就好大杯既，大家自行斟酌啦。