瀛豐放題料理專門店 (已搬遷) 新店位置

今天同事提起好耐冇食放題，提議一齊去食，我最喜歡食放題，當然第一個贊成，同事亦提到早前經過駱克道，收到多張食店宣傳單，其中有瀛豐放題料理專門店，除了基本放題，還可加88元可以任食即開生蠔、泰式澳洲小龍蝦、火炙海膽帶子、1664&Asihi啤酒任飲，聽到都好吸引，大家都同意今晚一齊去瀛豐食，並立即訂枱。瀛豐放題落單是用手機，掃描枱上的二維條碼，按照程序就可以，方便快捷又環保！各款飲品和甜品都是自助的。刺身新鮮，厚切又大件，我最愛三文魚肥美、帶子鮮味、象拔蚌爽口、珍寶赤蝦大隻又鮮甜。泰式生蝦，平時在泰菜館食，幾隻已過百，這兒任食，好抵！生蝦新鮮爽口，加了泰式酸辣蒜茸辣椒，更加好味！即開生蠔好新鮮，蠔肉口感creamy有鮮味！海膽火焰帶子：將帶子切開，放入海膽，我都是第一次食，非常美味，海膽和帶子都好新鮮，海膽鮮甜入口即溶，帶子鮮味有爽口的口感，任食係超值之選！本來重有小龍蝦，但已經沽清了。大蝦天婦羅：外層脆口，蝦肉爽口。泰式燒元貝：燒得剛剛熟，加了蒜茸和蔥花增加香味，元貝鮮甜。鹽燒秋刀魚：燒至金黃色，皮脆肉嫩，灑上鹽更添鮮味。鮮胡椒香蔥海蝦：用鮮胡椒香蔥爆炒海蝦，夠鑊氣又入味。芝麻雞翼：皮