陳儀興飯店 (崇齡街)

營業中

休息中

幾年前幫襯過陳儀興邊爐一次，總是想擇日重去，奈何都找不到機會。和友人提起，才知道陳儀興還有家打冷店，碰著朋友新居入伙，終於有機會回新蒲崗試試。 小店不大，一望到底是5張枱。地道的打冷格局。更地道的是牆上貼滿了黃底紅字圖文並茂的菜名，搶眼奪目又極具作用，絕對有助於選擇困難朋友們。 雖然如此，但我們都是好不容易才選出了心水，因為道道菜都好吸引！！先來的烏頭已開邊，肉質顏色雪白，用筷子一夾就可以成條肉咁拉出黎。肉結實而有魚味，而且魚身標明條條都出自元朗，質素有保證。三兩分鐘已經我地清晒。 韭菜豬紅份量好多，而且豬紅大大件，豬紅煮得入味，咬落去水感不重，反而結實得黎真材實料。 薑葱魚卜唔係度度有得食，難得呢度有，當然不可以過。上枱一刻個鐵皮仲係熱到沙沙作响。呢道菜絕對係人間美味。薑葱已經好香，加埋魚卜大大粒，入口煙韌但又帶爽口脆，而且仲有豐富膠質，成道菜就係無可挑剔。 再來的卥水鵝，件件肥瘦適中，卥得入味，鵝皮唔韌，點少少醋食，已經可以帶出鵝肉的嫩滑。 金沙骨蒜香骨新鮮即炸，件件都厚肉，雖然油炸，但入口唔覺油且啖啖肉，香脆之餘帶鬆化。蒜蓉番薯苗雖然略油，但炒得鮮嫩青綠