瀛豐放題料理專門店 (已搬遷) 新店位置

要知道時下潮流食乜，去銅鑼灣走一轉就知。呢日黎到瀛豐，食泰菜crossover日式放題!非常suprise, 黎到加錢，仲可以食埋生蠔。當然有殺錯，無放過啦。生蠔有兩種，美國生蠔同法國生蠔，法國生蠔比例細dd,但味道相對濃。美國生蠔就以size取勝。接住黎係~海膽帶子刺身。呢兩味一濃一啖，相當夾。接住黎刺身拼盤!份量超多，刺身包括三文魚，油甘魚，希靈魚，牡丹蝦，鮑片，象拔蚌等等。牡丹蝦係非一般既大隻。正。另外，當然唔少得壽司啦～以上係赤貝壽司，味道都幾新鮮。食完生野，立刻飲個燉雞湯暖暖胃! 仲可以食埋雞腳補一補。泰式食物有炒通菜就唔少得。當然仲有各式串燒，當中我最喜愛雞串，微辣夠刺激~唔夠喉，仲可以叫個幾足料既冬陰功湯，喜愛泰菜一定中意飲!唔辣既選擇有豆腐菜湯~可以解解辣燒菠蘿係另一樣必嗌既飯後甜品，解辣解滯。炸香蕉亦係另一不俗之選。總括來說，食物總類頗多，而且出單快，不錯。