砂煲兄弟 (悅來坊) (已結業)

今日又去到荃灣行，走左熊貓酒店搵食，今次就入左去砂煲兄弟試下佢個煲仔飯。其實都經過過好多次，不過次次都食飽左先過熊貓行，就睇下佢個煲仔飯有幾得先。餐牌有幾十種煲仔飯，但午餐就只有三種煲仔飯選擇(希望午餐會經常轉款)，好彩有我最鐘意食牛肉同雞蛋，溫泉蛋牛肉煲仔飯$55，及焗芝士黑椒豬扒飯$48。原來佢地不是用明火煲，用電爐，餐牌說都會有飯焦，比較特別就係溫泉蛋，最近入冬，食煲仔飯真係暖在心頭。同明火既煲仔飯比，飯焦算是沒有，對我黎講，我就係為左佢既飯焦，吃煲仔飯既。下次我試下叫他們多飯焦。焗芝士黑椒豬扒飯，都有驚喜，個鍋黎到熱辣辣，見到已經想大口大口吃。豬扒夠淋，不過比起煲仔飯，份量就細一點。價錢方面，午餐就抵食一點，單點就貴一點，整體黎講都值得再幫親的。