砂煲兄弟 (悅來坊) (已結業)

作為平凡打工仔的我們，不單止是上午下班返工放工時，尤如親臨戰場。連中午飯那主僅餘的1小時，也需要爭分奪秒。話說上週四，心情好好的，去了一間一直沒試的餐廳，我承認我是有點犯賤，之前已聽說過這餐廳上餐時間比較長，這天我仍放膽一試。其實我下單時是13:08分，但他們是13:14分才幫我下單，到最後，我13:28分才有飯吃，15分鐘快速完吃完後就急急趕趕回公司了。雖然時間久，但當雞髀上來時，是熱得燙手，外皮很脆，肉很滑，你會覺得還不錯，剛炸起呢，有點小欣慰。（只是個人感覺是很夠熱，當然肉質過於滑，有點像加了很多梳打粉，把肉給鬆化得太開了～）別跟我說，人家這裏是出名煲仔飯，為何沒叫煲仔飯吃？煲仔飯是一樣跟時間拉得上關係的食物，打工仔就是要快嘛。結論就是，如果你有時間等，可叫個煲仔飯。慢慢等，沒時間？那就別在這裏吃了。

今天路過熊貓酒店地庫一樓，看見一餐廳下午茶餐「雙拼公仔麵（牛腩、太陽蛋、火腿）」居然只賣26個大洋！不假思索立即入去食左個茶餐。牛腩勁多，煎蛋因為轉全熟仲熱辣辣（但等了足足14分鐘），味道可以（公仔麵餐不能要求過高），而且不會太鹹（一般茶餐廳公仔麵湯麵鹹到阿媽都唔認得！）。環境也很好，以茶餐廳來說屬於異常乾淨整潔！而且食客特別斯文（未遇到高談闊論者）。侍應哥哥態度和藹，唔似一啲典型茶餐廳「老油條」講野咁粗聲粗氣。美中不足的是奶茶上桌時只是溫的，不夠熱！下次會來嚐嚐煲仔飯。

好耐無同母親大人外出用膳，今晚就約埋姐姐，同母親大人去食煲仔飯。3個人叫左2人餐同1個煲仔飯一齊share!2人餐有半隻豉油雞，自選1款小菜，我地就揀左菠蘿咕嚕肉，味道偏酸，粉漿有d厚，2個燉湯都幾足料，仲有2款白飯!臘味煲仔飯：煲仔飯有飯焦，脆脆哋，但臘味既香味傳唔到白飯，似煲好左白飯再將臘味放落去，無咩香味!

我和我朋友再到這家餐廳吃午餐，不知道是不是那個白頭的職員已經認出我們，並且不屑我們只點普通的午餐而從來不吃貴的東西（畢竟我們都不怎麼喜歡吃煲仔飯），他迎面過來劈頭就是一句命令「有冇掃安心出行？有就攞手機來睇下！」後來我們就座後觀察其他員工並沒有對來客有類似的質問，而白頭職員在門口附近走過的時候也沒有像剛才攔下我們那樣攔截其他來客。哦，原來並不是一視同仁的。我們吃飽後又是那個老員工過來匆忙收拾，好像急不及待要把我們趕出餐廳一樣，把餐具上的水灑到了我的手機和背包上還一句道歉都沒有。撇開你是職員我是客這點不說，這是連人與人之間應有的禮貌都沒有。原本覺得這家的午餐不錯吃過很多次，但日久見人心，再也不會光顧。

又到左每月唔舒服個幾日，手軟腳軟連講句說話都冇力😟😟！🤴🏻就好體貼買咗外賣返嚟同我及母親大人一齊食飯🙂🙂我哋就叫咗三個外賣晚市客飯😀😀單獨一份就$55，同時買三份就只要$145，另外加$20有燉湯，佢有兩款燉湯就換晒兩款黎飲😊😊～～～咕嚕雞球～～～酸酸甜甜大路嘢啦，勝在雞球冇骨但略嫌細粒咗啲， 但係都好味嘅😋😋～～～馬拉盞時菜牛肉～～～牛肉有少少鞋，菜就比較硬身，呢個一般😶😶～～～粟米魚塊～～～呢款係呈透明嘅粟米汁，魚肉嘅質量唔錯有魚味😚😚份量都好多🥰🥰～～～蟲草花燉豬展燉湯～～～蟲草花都幾多，豬展有一兩舊，味道唔錯🙂🙂～～～蓮子百合燉雞燉湯～蓮子煲到好軟身，好‘淋’，雞就有一兩塊係偏細嘅！😀😀多謝🤴🏻特登換兩個湯俾我補補身😍😍，飲完真係舒服啲🤗🤗最後睇返張單原來外賣自取仲有85折，真係好抵呀👍🏻👍🏻

第一次食，點左份豉椒排骨飯，唸住好穩陣啦。點知道上菜時候我真係o曬嘴，個排骨竟然係凍嘅，完全無鍋氣，仲要個份量少得誇張。另外我仲加左18蚊配左個燉湯（蟲草花敦豬展）個湯一飲超甜，望真d一睇原來加左勁多桂圓，直頭好似飲緊糖水咁樣。總結一下體驗，食物係凍嘅，而且份量勁少，個湯9唔搭8，裝修環境ok，d位係好坐嘅，但食物質素連普通快餐店都不如。呢間嘢令我想起羅湖d茶餐廳，d位好好坐，但係食物真係叫做煮熟左only

早排見涼涼哋，哇！同朋友又好耐冇食過煲仔飯🤤經開荃灣，就揀咗呢間嚟試試佢😋叫咗兩款飯蒜香排骨煲仔飯同埋麻辣牛肉煲仔飯，一上檯，真係好香😍首先個排骨，肥瘦均勻，好好食！加埋個豉油係絕配😍當然底下飯焦都係剛剛好🤤另外個麻辣牛肉飯，辣味都還可以，最正有雞肶菇，索晒味，加埋牛肉一齊食，真心正😍🤤-蒜香排骨煲仔飯 $55-麻辣牛肉煲仔飯 $55

早晨，今朝就去左砂煲兄弟食個港式早餐，朝早佢地當然唔係賣煲仔飯同煲仔菜啦，但係佢的港式早餐都唔錯，價錢又唔貴 $36，所以都值得去試呢間砂煲兄弟有一邊係無牆身間隔，唔建議將手袋或者電話銀包放近，以免有人順手牽羊店內都係一般的港式茶記設計，由於食早餐時間已經係朝早 10 點半，所以先覺得「無乜人」呢個係早餐餐牌當然食前自拍一下啦今餐要 $36炒蛋夠熱同埋唔會 over coke，不過我鐘意的炒蛋係落少量牛油，呢度無...本身係火腿絲仿鮑片配通粉，不過今朝想食個丁麵，所以加左錢要丁麵啦最後飲杯凍檸茶走甜，就之後返公司啦

今日放假行經悦來酒店，剛到食晏時間就去試下砂煲兄弟，揀咗椒鹽豬扒+凍西洋菜蜜，好快食物就到，豬扒買相ok但覺肉質比較硬，冇咩肉味，咬落去椒鹽較重，覺得麻麻地，菜蜜冇味。

今日又去到荃灣行，走左熊貓酒店搵食，今次就入左去砂煲兄弟試下佢個煲仔飯。其實都經過過好多次，不過次次都食飽左先過熊貓行，就睇下佢個煲仔飯有幾得先。餐牌有幾十種煲仔飯，但午餐就只有三種煲仔飯選擇(希望午餐會經常轉款)，好彩有我最鐘意食牛肉同雞蛋，溫泉蛋牛肉煲仔飯$55，及焗芝士黑椒豬扒飯$48。原來佢地不是用明火煲，用電爐，餐牌說都會有飯焦，比較特別就係溫泉蛋，最近入冬，食煲仔飯真係暖在心頭。同明火既煲仔飯比，飯焦算是沒有，對我黎講，我就係為左佢既飯焦，吃煲仔飯既。下次我試下叫他們多飯焦。焗芝士黑椒豬扒飯，都有驚喜，個鍋黎到熱辣辣，見到已經想大口大口吃。豬扒夠淋，不過比起煲仔飯，份量就細一點。價錢方面，午餐就抵食一點，單點就貴一點，整體黎講都值得再幫親的。

砂煲兄弟位於悅來酒店b1樓，話明砂煲兄弟緊係主打煲仔飯，仲要係新派鵝肝蝦乾，一般市面上較少之前食過煲仔系列，味道不錯，飯焦略不足，或者年青人較喜歡今次比較趕時間，唯有點客飯試試，來點普通 韮菜蝦仁抄蛋 首先，份量絕對足夠，不會最後只剩下白飯。 味道有足夠蛋味，咸道亦足夠。個人而言，蝦偏細，若可抄乾身一點更佳。飲品相當大杯接近一般茶記1.5杯個人提示，可以加一點煲仔飯豉油，配抄蛋或白飯也很好整體環境服務味道也合格

疫景中尋找一間餐廳用膳確實有D困難，以前選擇要好食、要乾淨、要價錢合理，不過現在首選乾淨其次是好食同價錢吧！今日去了沙煲兄弟比佢呢鵝肝慢煮牛柳吸引住，於是就入去嚐一番果然賣相同相一樣好靚好吸引，牛柳完全冇渣好好食，鵝肝反而失色左欠缺油份，整體唔錯好食。雖然乾淨同好食但要+15%有點那利，久不久食下好了

行開悅來坊，經過呢間煲仔飯就入去試下其他枱既距離都算遠，坐坐下有其他人坐隔離枱，可能依家防疫措施放寛左，我地坐既四人枱與枱之間冇隔板。其實都有點驚驚地...我地嗌左雲腿雞煲仔飯同芋頭蝦米煲仔飯（餐牌既名真係唔記得左！haha!)雲腿雞煲仔飯原來有田雞，侍應好貼心，又走過來再問有田雞係咪都Ok 。👍🏽雲腿雞煲仔飯都幾香，幾夠味。不過貼傳統既煲仔飯總係差小小。芋頭蝦米煲仔飯，原本以為味道比較濃，相反更較雲腿雞煲仔飯淡，有少許失望。

星期日 見無咩人 就坐入去 其實大半年前都食過 食物質素都唔太差 但今日去食 真係差左好多 我敢講自己煮都好食過呢間野 怪唔之得 周圍都爆場 係呢間咁小人 叫左個沙嗲牛麵 炒蛋加多士 同一個煲仔飯 黎到 個麵淡而無味 個多士扁晒 排骨煲仔飯 嘩 好大既雪藏味 真係唔會有下次 我個人最唔鐘意 無心煮既食物 但係呢間餐廳有樣野好 就係坐得舒服 因為無咩人食 唔洗迫 真係純粹想搵間餐廳傾吓計 呢到真係唔錯既選擇 但如果係好重視食物質素既 我強烈建議真係唔好黎食 因為價錢唔算平 但性價比仲要好低

I have brought lunch box for few weeks due to the outbreak of coronavirus. However, my wife is busy and cannot prepare the lunch box today and go out with my colleague for lunch. My colleague talked about 煲仔飯coincidently and we find 砂煲兄弟We ordered 2 snacks，2 煲仔飯and 2 special red bean ice. My colleague loves the toufu which is properly dressed with sauce, which I like the beef tripe which is spicy. They are just right to serve as appetizers.The 煲仔飯are as delicious as it looks. We ordered one with