北京樓 (形點 I)

營業中

休息中

大年初一想搵地方食晚飯其實都有啲難度，呢度仲可以唔使指定叫新春套餐，可以散叫，係一個唔錯嘅選擇！我哋叫咗半隻片皮鴨，炸蟹鉗，炸小黃魚，咕嚕蝦球，醉雞同埋素鵝。片皮鴨質素唔錯，唔會太多肥膏，有十幾塊薄餅可以夾肉，絕對足夠有餘。炸蟹鉗上菜嘅時候熱辣辣嘅，相信係即炸，咬落啖啖蝦膠肉，最後仲有真蟹肉，幾好味。炸小黃魚炸得剛剛好，魚皮脆脆地好香口，雖然叫小黃魚，但其實一啲都唔細條！醉雞都酒味濃，份量足，但略嫌太多雞胸，比較鞋口，淨係個底有兩件雞髀肉。素鵝原來係冷盤，有煙薰味，幾特別，可以一試。