鮮入圍煮 (已搬遷) 新店位置

食物，只係好味係唔夠嘅，最緊要有驚喜。廢話少説，正野重點推介。大家可以睇睇，真係好多湯底好多餸揀。另外鋪頭入邊有海鮮區，可以揀游水嘅生猛海鮮。手切安格斯牛肉，不得了啦，肉質唔會韌，夠鮮夠嫩夠口感，肥瘦均勻比例好，牛肉味濃，啱哂我呢d“牛魔王”。芝士流心牛丸，呢個都唔簡單，坊間好多咩咩包心丸咩咩流心丸，不過都唔夠呢個有驚喜，佢入面d芝士唔係d cheap cheap芝士，食落就知係靚d嘅芝士，味好濃，可以拉絲。呢個有2個食法，剛剛煮熱時食，d芝士會好流質，不斷湧出嚟。第2個食法就係煮熱之後，放係碗到，等佢溫度降左再食，呢個時候d芝士開始凝固返變未流質，口感會好d，重點係呢個狀態下嘅芝士味會更加濃，真係正好多，大家可以試試。象拔蚌刺身，呢個就係海鮮區到揀返黎嘅。唔使多講，鮮，甜，爽，滑。加d wasabi同壽司豉油，極物。花膠筒，一樣鮮，爽。口感好，夠滋補。最後先記得介紹湯底，呢個係招牌海鮮入圍煮湯，呢個都頂瓜瓜，味道已經鮮甜一流，入面好足料。雞，蝦，大中細不同嘅貝殼類海鮮。溫馨提示，記住係開始煮野食前飲左湯先。