影片
更多
2020-01-25
1251 瀏覽
呢日去太子開完會就同partner食埋飯先返office，我哋去咗彌敦道726號果幢大廈搵嘢食。同事見到有間食吉列牛嘅就話想試下，哈哈好呀，我之前只係喺第間食過一次，一直都想再食多次。呢日就正中下懷喇🤣。幢大廈層層都係食肆，不過幾乎全𨋢嘅人都係出7樓，即係去我哋食嗰間😜。大廈每層樓嘅格局都差唔多，面積都幾細，一眼望哂，但有一邊係落地玻璃，幾開揚。餐廳有做lunch set，有茶漬飯同麵等等，但我哋一心嚟食招牌菜嘛。吉列牛定食($148)，個定食望落已經覺得好繽紛😍，有幾款小碟、味增湯同飯素白飯。而主角吉列牛🐮嘅賣相非常唔錯，加上份量十足，每人食到5-6嚿。吉列牛係餐廳先將牛肉外層炸脆，而中間部份就保持生生哋，之後食客就可以自己將牛肉再放上嚿熱石到燒熟佢。由於牛肉嚟到嘅時候都已經係半熟，所以簡單燒幾下，就食得👍。我估唔到牛肉味道都幾好，燒到熟肉質仍然幾嫩，而且仲幾juicy😋，牛味濃郁。留意返，成個定食份量其實幾多，牛肉亦都多，所以兩個人嚟食，我覺得叫一份都已經好夠。不過同場有幾枱嘅食客都一人食一份，可能係牛魔王嚟🐂。另外，我哋叫咗咖哩忌廉烏冬(牛)($78)，另一招牌菜。烏冬嘅造型好特
呢日去太子開完會就同partner食埋飯先返office，我哋去咗彌敦道726號果幢大廈搵嘢食。同事見到有間食吉列牛嘅就話想試下，哈哈好呀，我之前只係喺第間食過一次，一直都想再食多次。呢日就正中下懷喇🤣。
幢大廈層層都係食肆，不過幾乎全𨋢嘅人都係出7樓，即係去我哋食嗰間😜。大廈每層樓嘅格局都差唔多，面積都幾細，一眼望哂，但有一邊係落地玻璃，幾開揚。
餐廳有做lunch set，有茶漬飯同麵等等，但我哋一心嚟食招牌菜嘛。
吉列牛定食
$148
41 瀏覽
0 讚好
0 留言
吉列牛定食($148)，個定食望落已經覺得好繽紛😍，有幾款小碟、味增湯同飯素白飯。而主角吉列牛🐮嘅賣相非常唔錯，加上份量十足，每人食到5-6嚿。
吉列牛定食
$148
39 瀏覽
0 讚好
0 留言
留意返，成個定食份量其實幾多，牛肉亦都多，所以兩個人嚟食，我覺得叫一份都已經好夠。不過同場有幾枱嘅食客都一人食一份，可能係牛魔王嚟🐂。
咖哩忌廉烏冬
$78
44 瀏覽
0 讚好
0 留言
另外，我哋叫咗咖哩忌廉烏冬(牛)($78)，另一招牌菜。烏冬嘅造型好特別，如果無睇過餐牌食物圖，我係唔會知係乜嚟🙈。烏冬面頭真係有好多好多忌廉，但食落唔係甜嗰種，亦都無乜膩嘅感覺，不過就咁食就無咩味。
咖哩忌廉烏冬
$78
33 瀏覽
0 讚好
0 留言
撈起成碗就見到下面嘅咖哩烏冬，中間夾雜啲牛肉，肉嘅份量就有啲少，好彩有吉列牛補數。咖哩烏冬呈現淡黃色，但味道其實幾濃，🌶辣味亦都幾明顯，有上面層忌廉中和返就變得好好食，無漏嘅感覺。
Kobekyu牛油蜜糖單骨雞翼
$65
25 瀏覽
0 讚好
0 留言
最後，我哋仲叫咗份Kobekyu牛油蜜糖單骨雞翼($65)。我之前成日覺得🦴單骨雞翼係餐廳搵笨嘅技倆，想慳一半食材...，但後尾食多咗又覺得係都幾方便嘅。講完一輪，其實餐廳份🐔雞翼係唔孤寒嘅哈哈，印象中好似有8-10條單骨。雞翼外皮輕輕炸咗，再淋上牛油蜜糖汁🍯同芝麻，都幾惹味同甜甜的，我覺得好似仲有少少柚子味添。
總括嚟講，呢一餐嘅招牌菜式確係幾唔錯🤤，吉列牛同咖哩忌廉烏冬都比預期中好食。如果未食過嘅，我覺得可以嚟呢到一試，價格都係可接受範圍。
張貼
