487
113
36
港鐵旺角站 B1 出口, 步行約2分鐘 繼續閱讀
所有分店 (2)
電話號碼
37059965
開飯介紹
來自韓國的吉列牛專門店,主打吉列牛及忌廉烏冬。您可以自己燒牛肉,控制生熟度。 繼續閱讀
營業時間
今日營業
12:00 - 18:00
星期一至日
12:00 - 18:00
公眾假期
12:00 - 18:00
公眾假期前夕
12:00 - 18:00
*最後落單時間: 21:30
付款方式
Visa Master AlipayHK 支付寶 現金 八達通 微信支付
座位數目
55
其他資料
Wi-Fi
電話訂座
外賣服務
加一服務費
當面支付
食評 (708)
等級4 2020-06-15
1253 瀏覽
疫情之後好耐冇約朋友出嚟食飯,前日咁啱朋友仔得閒,諗住出去旺角打個轉,佢話有朋友試過有間日韓式烏冬幾好食, 就陪佢一齊試吓。餐廳位於出名多嘢食嘅彌敦道726號17樓,有一邊落地大玻璃,景觀開揚!如果可以坐喺窗邊卡位一邊食一邊欣賞風景都幾寫意,可惜今次我哋得兩個人未能安排。忌廉咖喱烏冬初初上到枱有點嚇親,成碗忌廉好似好厚好漏咁嘅樣,但係用筷子一夾,就發覺只係忌廉打得綿密,同底部嘅咖喱烏冬同牛肉混埋一齊,又幾OK喎!牛肉一啲都唔靭,咖喱烏冬係帶日式口味夠香又有微甜,烏冬都幾煙韌,係一個唔錯嘅選擇。另一款吉列牛定食都唔失禮,包括有麵豉湯,冷豆腐,蕃茄仔,仲有芥茉醬同燒肉汁俾你揀!粉嫩嘅牛肉俾脆脆嘅吉列包圍,放上石燒爐上面輕燒,點上醬汁,真係外脆內嫩,我自己比較鍾意燒肉汁,將剛燒好既吉烈牛點少少醬汁再配一啖白飯,又熱辣辣又juicy!網上面見到好多人食過牛油蜜糖雞翼讚好,黎到當然要試吓啦,雞翼夠大碟,而且係單骨嘅,食起上嚟更加方便而且更加入味,果然冇叫錯! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-19
1877 瀏覽
之前跟同事lunch的時候在銅鑼灣分別試過他們的烏冬,令我念念不忘,所以今晚跟友人來到旺角店再次品嚐一下!餐廳座位都幾多,卡位位置可以望到旺角街景。Kobekyu牛油蜜糖單骨雞翼,這款雞翼是炸雞翼,上面淋有蜜糖和蒜蓉,甜甜的,味道特別!咖哩忌廉雞肉烏冬,烏冬可揀選雞肉或牛肉,我揀選了雞肉,肉質都幾滑!烏冬面頭的忌廉不會太厚身,感覺不會太漏!咖哩汁掛滿在烏冬,非常濃味,帶有少少辣,能夠刺激味蕾!烏冬內還有洋蔥、西蘭花等吸味蔬菜,特別美味!吉列牛定食,這間餐廳另一招牌就是吃吉列牛,牛肉是可以自己石燒,可以自由烹調自己想要的生熟度。吉列牛外邊脆口,牛肉肉質鬆軟,配有芥末醬和牛肉汁可以點,十分惹味!定食還包括有車厘茄、凍豆腐、飯和面豉湯,食完一份已經超飽了! 繼續閱讀
(以上食評乃用戶個人意見 , 並不代表OpenRice之觀點。)
自從食過一次石燒吉列牛之後,蕃薯妹就迅速愛上呢一個菜式😍今次朋友仔帶我嚟旺角食呢一間「吉列牛忌廉烏冬專門店」,同樣係出名食石燒吉列牛,而且仲有一樣非常吸引嘅創意招牌菜,忌廉咖喱烏冬,聽個名已經好想試。當晚我哋嚟到餐廳,店內都幾多食客,抗疫期間進入餐廳需要量體溫,冇問題店員就安排入座。 座位與座位之間都用隔板隔開左,等食客食得放心吉列牛Set dinner有三個選擇,方便1-3位客人share享用。我哋order左一個吉列牛定食+咖喱忌廉烏冬,另外叫多一客雞翼。吉列牛定食 $148首先上枱嘅係吉列牛定食,定食入邊包括前菜芝麻醬蕃茄仔、芝麻醬凍豆腐、麵豉湯、米飯同埋主角吉列牛,吉列牛炸到外層鬆脆,入面嘅牛大約3成熟,將牛扒放上石燒爐上面燒熱,只係聽到燒肉嘅滋滋聲同香味已經垂涎三尺🤤 牛肉口感鬆軟,牛味香濃,沾上芥末沙律醬或者燒肉汁兩種風味醬汁,各有各精彩。絕對值得一試!如果吉列牛唔夠食可以另外加錢加配,不過我地嘅食量唔大,就覺得兩個人食一客份量啱啱好😋咖喱忌廉烏冬 $78可以選擇牛肉或者雞肉,我地揀咗牛肉。原來咖喱汁同忌廉可以咁Match!撈勻之後忌廉令到個汁味道好豐富,咖喱味依然香濃,烏冬食落口好滑,好正👍🏻👍🏻👍🏻牛油蜜糖單骨雞翼 $65單骨雞翼食得好方便😋 雖然外層沾滿醬汁,但係口感依然係脆嘅,肉質依然係咁juicy,仲好香牛油味~ 價錢唔貴,質素又好!真係要推薦俾大家🙌🏻蕃薯妹而家寫寫吓又好想再去食過🤣 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-06
1032 瀏覽
吉列牛忌廉烏冬專門店Kobekyu,單看餐廳名稱,仲以為只可以食牛,原來有很多其他選擇,主打忌廉烏冬,可以選擇牛肉🐂或雞肉🐓,我選了雞肉,朋友點了吉列牛定食,另外再點了一個小食,連加一服務費,埋單$320,價錢不算貴。牛油蜜糖單骨雞翼$65,有牛油和白芝麻香味,蜜糖甜甜地,而且單骨比較容易食,味道很好。吉列牛定食$148,外皮炸得很脆,仲有個爐俾你自己燒,生熟程度自己決定,幾好玩嘅,有咬口但唔會韌,有肉味,真係牛有牛味🤭。咖哩忌廉雞肉🐓烏冬$78,上碟時全個碗都覆蓋著白滑的忌廉,因為我地坐窗邊位置,樓層夠高,可望到遠處景色,忙著打卡,加上陽光普照🌞,忌廉在陽光照射下,轉瞬間就消失於無形,碗裡的烏冬變身成金黃色的咖哩色調,雞肉和烏冬都散發著濃郁的咖哩氣味,忌廉就像生命中的過客,緣盡即散,雖然他們無緣廝守到老,但烏冬得到忌廉的眷顧,也變得非常滑溜。👍餐廳樓層較高,窗邊座位可望遠景,而且卡位非常寬敞,感覺很舒服,除了餐廳主打的吉列牛和忌廉烏冬外,午餐有多款茶漬飯可供選擇,下次會再來試試🤤。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-14
2451 瀏覽
我鍾意燒嘢食 但身為一個慵懶都市人🎧🛋 讀完中學以後 回顧自己出現燒烤場嘅次數 幾乎絕無僅有 興之所至 我選擇半自助燒烤 -🥩🍱吉列牛定食 ($148)吉列牛端上嚟 已經半熟狀態 可以直接食入口 我鍾意一邊食 一邊燒🔥到八成熟 燒肉嘅時候 油香肉香加埋熱力 撲面而來 日本烤爐發出滋滋嘅聲音 好有燒嘢食feel 食吉列牛嗰陣 記得點啲自家製嘅蛋黃芥末醬 同埋胡麻醬豆腐 清新口腔味蕾之餘 繼續作戰🎯-🍥🍛咖喱忌廉烏冬配牛肉 ($78)成碗烏冬 蓋滿密密綿綿嘅忌廉泡沫 賣相唔算吸引 誰不知 寶物在其中 烏冬煙韌有嚼勁 淡日本咖喱醒胃 牛肉以外 有洋蔥絲🧅同大白菜 清爽可口 忌廉泡溶化成為淡咖喱湯汁 吸啜烏冬入口嘅時候 唔會乾身 整體口感唔錯-🧈🍯🧄🐔牛油蜜糖單骨雞翼 ($65)呢個小食加咗蒜蓉 同平時食開嘅牛油蜜糖版本 味道稍有分別 牛油味淡咗 蜜糖香甜味照舊 加埋蒜蓉嘅微鹹微辣 鹹甜辣三種味道齊晒 味道層次豐富 誰也搶不了誰嘅風頭-🍠☕🧊紫薯牛奶咖啡 ($45)本來想叫汽水 見到隔離枱杯綠茶latte 賣相討好 於是叫一個紫薯口味試吓 凍latte分量充足 入口清涼 牛奶味綿滑 🥛當中滲出淡淡嘅紫薯味 幾得意 💞🥰 可以解渴解滯-📍旺角彌敦道726號17樓 Kobekyu吉列牛忌廉烏冬專門店 繼續閱讀
(以上食評乃用戶個人意見 , 並不代表OpenRice之觀點。)