扒王之王 (已結業)

唱完 k，一班人去左扒王之王食晚飯。叫左幾個扒餐，綜觀黎講算係抵食夾大件。唔記得逐個逐個影，只係影左男友同自己果份... 今次亦只能略寫自己個餐既評語。 龍蝦牛柳餐 (唔記得 exactly 個名): 芝士焗龍蝦 ~ 芝士味香濃，龍蝦肉鮮甜彈牙。牛柳要了七成熟，上菜時應去到八成左右。肉質唔錯，夠稔，同埋都幾香。要左洋蔥汁，洋蔥足料同唔夠惹味，下次有機會就會叫黑椒汁。薯角都幾夠香脆，同埋幾有「薯味」。配菜都足夠，整體黎講真係幾好。如果以百零蚊呢個價位，扒王真係算唔錯，起碼叫做「抵食夾大件」。日後想食扒，話唔定都會再去扒王哩﹗