影片
以上資料只供參考, 請與餐廳確認詳情
唔好食,,一睇落去以為好味啦,,'但平平無奇囉.___.'同普通無咩分別,,可能好食過呢個..'我食左扒王之什扒,,,chicken好食d,,豬同beef都唔好食,,beef我食唔落囉-.-'無食到,,'暑條仲要凍既,,淋哂,,'食完唔會再去食!!!!
繼續閱讀
唱完 k，一班人去左扒王之王食晚飯。叫左幾個扒餐，綜觀黎講算係抵食夾大件。唔記得逐個逐個影，只係影左男友同自己果份... 今次亦只能略寫自己個餐既評語。 龍蝦牛柳餐 (唔記得 exactly 個名): 芝士焗龍蝦 ~ 芝士味香濃，龍蝦肉鮮甜彈牙。牛柳要了七成熟，上菜時應去到八成左右。肉質唔錯，夠稔，同埋都幾香。要左洋蔥汁，洋蔥足料同唔夠惹味，下次有機會就會叫黑椒汁。薯角都幾夠香脆，同埋幾有「薯味」。配菜都足夠，整體黎講真係幾好。如果以百零蚊呢個價位，扒王真係算唔錯，起碼叫做「抵食夾大件」。日後想食扒，話唔定都會再去扒王哩﹗
繼續閱讀
我是因為看到下面幾個的食評都大讚這間的窄身厚切肉眼扒, 講到又諗又有肉味, 好似好好食咁先黎食, 我同朋友黎左, 我點左個窄身厚切肉眼扒($168加一= $184.8 ) ; 我朋友點左個窄身厚切西冷($158加一=$173.8) ; 兩個都要五成熟, 跟住等左快廿五分鐘, 果兩個牛扒先上黎, well 速度其次, 只要好食就得. 點知...........強差人意!!!!! 同下面果d人講的係兩回事! 我地係叫五成熟, 然後我一据開, 係8成熟咯...! d牛扒一8成熟就會好鞋架啦! 我地原本想叫個男經理黎問既, 但個男經理一味睇電視( tvb播緊劇集SOSAD) ; 咁我地就唯有叫個女待應埋黎, 問佢話係咪給錯我地呀, 我地要的係5成熟喎, 跟住個女侍應望一望塊扒, 好冷淡冇哂笑容咁同我地講[ 唔係ya五成熟係咁上下架啦, 你朋友果塊厚身d, 咪會生少少咯] 咁點姐, 佢都對我地咁講, 我地咪好唔開心咁食左塊扒佢咯 唔通起身唔食塊扒就走咩塊肉眼扒就梗係熟到鞋十十啦, 肉的鮮味? 完---全----唔---覺----有---------- 兩個字=====難食 . 我朋友果塊西冷係生少少, 但比我果塊仲鞋仲難食. 我地食完好唔忿氣, 給左咁幾百蚊但serve d咁難食的扒給客人, 然後忍唔住叫頭先掛住睇電視的MANAGER黎, 同佢反映一下, 話我地明明叫5成熟, 但塊扒係8成熟, 我地都有响出面据過扒, 呢塊扒點講都冇可能係五成咯. 跟住我地又話頭先同個女待應講過, 但佢話冇問題. 跟住佢就去問左個女待應唔知D咩, 然後返黎話送兩杯楊枝金露給我地, 我話唔洗, 我地唔係D貪小便宜的人, 跟住佢又話可以叫廚司再整多兩塊五成熟的扒給我地, 但我地已經食飽左, 而且無謂浪費啦, 心諗你地真係有心做好間餐廳的, 第一次就應該做好塊肉眼同西冷啦, 唔通次次都要第二次先做好咩. 我個標題係叫 , 我剩係想講, 你地想去食的話至少要叫4成熟, 咁可能會有塊6-7成熟的扒食的, 不過, 真係要睇下你好唔好彩.呢間野都有野讚得落的, 我覺得佢地個熱奶茶好有奶味同好滑, 仲有個餐包點羅宋湯都幾開胃. 但呢D野都唔值$365 . 我地走果時經理同我地講唔好意思, 其實唔太關你事, 不過希望你可以管教下D員工的待客之道. 我地呢世應該都無緣再會架啦.
繼續閱讀
12點05分放左學,原本打算由佐敦去尖咀既加拿芬廣場pizza put食野但見到個道有扒王之王,我同我個個朋友又未食過所以就去睇睇再決定去唔去之後我地上到個層,想不到一開升降機門就是那間餐廳,個侍應見到我地就已經打招呼我地睇睇個餐牌,咦?估唔到價錢都OK,就走左入去服務態度都幾好,我同我個位同學口味都一樣,所以都點左個一樣既鐵板既牛排+雞排+薯菜既SET LUNCH上菜都上得幾耐,但美食當然要等耐一d其實原本我覺得扒王之王喎,都幾出名,又好似好正咁但可惜上了,不如我理想,可能我要求似乎有點高但之後我同我班同學都再黎過2次唔 呢次既服務態度都是很令我滿意的(我都非常在意服務)要俾都俾5分第2次同班同學黎,叫左個雜扒點知,一食,嘩 肉超軟,係我有生16年以黎最好食既雜扒,可惜份量都不太多..但價錢都幾合理 大概60幾蚊第三次黎 我食牛柳朋友的都上碟了,我的最後就來好,我由於上2次個經歷,就對呢個睇起黎好好食既牛柳充滿希望結果,一切,唔..肉不太軟,一食,嘩,我的天完全失望.................心情即時DOWN哂但之後我朋友跟我說 牛柳的肉質是比較沒那麼滑雖然是這樣 但是真的好是假的好- -反正我就是失望...令我對牛柳已經感覺到"不再接近"的FEEL不建議叫牛柳但我非常非常的極力推薦雜扒,非常惹味阿
繼續閱讀
今天是和好朋友聚會的好日子，在尖沙咀芸芸食肆中,我們千挑萬選下選擇了在加拿芬廣場的扒王之王。難得在Christmas eve一聚,本想叫聖誕精選的，但見到賣相確實不吸引，所以決定散叫吧！！現場燈光暗，所以相片質素略差，請見諒！一行四人點了１．蒜蓉包２．芝士煙肉焗青口３．臣戶牛肉（１０ｏｚ）４．美國頂級肉眼（８ｏｚ）５．美國西冷牛扒先上場的是熱騰騰的蒜蓉包,焗得香脆而且十分夠熱,但蒜蓉味可以更濃的話會更好,簡單,但不錯。南瓜忌廉湯不太夠滑,沒有南瓜的味道,十分普通的湯,大量製作味道當然遜色。芝士煙肉焗青口,一碟六隻以薯蓉舖底,但青口十分細小,芝士煙肉亦不香,但青口的鮮度不差,有點JUICY的感覺,雖然薯蓉不滑,但由於吸了青口和煙肉的味道,所以食味不俗。朋友點了美國西冷牛扒,(五成熟),他們認為和嚼口香糖一樣,我好奇下一試,果然肉味不濃,而且十分的韌,同樣地亦不是五成熟,此品大有改善空間。`臣戶牛肉(餐牌上真的是這個臣!!!)非常的大份,但其實脂肪部份都佔了一半,試了一小塊,十分的肥膩而不甘香,但肉質不錯,不過味道全被過多的脂肪搶過去!!!相反地,,肉眼就做得非常出色。燒得十分的夠香,每次入口時都感受到很香的燒烤味,而且火候拿捏得極準,肉質不單不韌,而且有嚼勁,肉汁亦十分十分的多,,牛肉味濃而不失其質感,整體平衡得十分出色。四人都要了凍檸茶,一般貨色,不過不失,但略嫌甜了一點。環境不錯,昏黃的燈光更有情調。值得一提的服務,可能當日人多,經理不想怠慢客人,所以都蠻惡地指揮侍應生。因此侍應生效率快得十分驚人,但放置凍水,餐具等時太粗魯,上菜時亦調亂了名字,。其實,自然的服務會令客人更賓至如歸的,店方可留意這一點。一試無妨,但只限於肉眼,哈哈
繼續閱讀