Vienna Mix (已結業)

邊個話係銅鑼灣區食晏只可以捱貴lunch？ 想慳錢嘅話唔食「南X粉麵」同茶餐廳， 仲可以食咩？ 睇line today發現左有間意粉專門店—「Vienna Mix」原來隱蔽係糖街嘅角落， 標榜大份又抵食， 所以作為貧窮神嘅小編梗係唔會放過啦！ 每日都有是日特價套餐，仲包埋飲品， 跟套餐仲以優惠價$5，換購是日沙律一杯， 咦，都唔差喎！😜 唔啱食仲有皇牌意粉或飯類添～ 由於店舖不大， 所以推祟外賣， 外賣自取仲減$2， 預先打黎order定再自取都得，完全唔洗等，正！👍🏾 得一個鐘食飯時間就係要咁慳啦！😂 不過是日小編唔趕返工，所以就揀左堂食。🙊 法式燒春雞半隻雜菜火腿芝士汁扁意粉（$41） 嘩，半隻燒春雞斤兩十足！😯 春雞外皮燒得微脆， 整隻雞都幾厚肉，肉質嫩滑唔會太嚡口， 雜菜和火腿都幾足料， 可以增加意粉嘅層次感和中和一下肉嘅膩感， 至於芝士汁濃稠得黎都幾「芝」味， 但略嫌太少，令意粉有點dry，有待改善。 不過呢到係無港式奶茶飲， 只有台式嘅薑母奶茶， 不過薑味幾特出，又唔會感覺到辣， 甜甜地，幾好飲，值得一試！😏 整體來說， $40嘅午餐有半隻雞，有意粉，仲包飲品，簡直超值