影片
附加資料
外賣最低消費$38
營業時間
星期一至六
12:00 - 18:00
星期日
全日休息
公眾假期
全日休息
公眾假期前夕
00:00 - 23:45
以上資料只供參考, 請與餐廳確認詳情
每日都有唔同既意粉選擇，而且日式定食唔怕食唔飽，因為白飯任裝。男士都岩食。今日就點左日式定食試食。首先係前茶，每次都唔同，今次係黃瓜加青口仔，配試上小小既芝麻醬，十分開胃。叫左杯凍檸茶，甜度適中仲有檸檬澀味岩岩好。最後主菜上黎啦，今次叫左香烤安格斯牛柳定食，先說說配菜有一片青瓜半粒車厘茄同波菜絲，都係配上芝麻醬。芝麻醬可以話係百搭醬配咩都咁好食，當然最正既緊係安格斯牛柳，熟度岩岩好，好香牛味，一咬就鬆開。原全唔會要用力先咬得開。極力推薦。
繼續閱讀
颱風「百里嘉」走了，又再吹「山竹」來，還要一個比一個強勁，颱風假就不要奢望了，飯仍然繼續吃。又是一向至愛的Vienna Mix。不見一段日子，在餐牌上又有新搞作。他們仍然保有3個一般餐$41供選擇，另外加了2個$45餐,但我最後仍然選了我其中一個至愛，黑松露火退？菇蝦仁螺絲粉。有著撲鼻的黑松露香味，又有我最喜歡我螺絲粉，大滿足！鹹味剛好，唯獨跟以往一樣，只有很少汁，所以用湯去搭救。這次的湯很像金寶蘑菇湯！很好喝
繼續閱讀
喺銅鑼灣$40可以食到一個lunch嘅地方唔算多， 仲要分量足夠味道好食嘅更加係少之又少。呢度每日午餐有五個唔同嘅選擇 每日Menu除咗係店舖外或者外賣紙上 其實喺Facebook page都可以睇到除咗可以外賣送上門之外 仲可以外賣自取 會減$2！😆因為喺附近返工所以過嚟買Lunch非常方便 日日都係自己落嚟外賣自取。咁多個套餐之中 其中最愛嘅係呢一個窩蛋飯，份量非常多 再加埋嘢飲，一個女仔絕對食唔晒！呢間餐廳已經變成我嘅長期飯堂 希望午餐款式可以越出越多啦！
繼續閱讀
邊個話係銅鑼灣區食晏只可以捱貴lunch？ 想慳錢嘅話唔食「南X粉麵」同茶餐廳， 仲可以食咩？ 睇line today發現左有間意粉專門店—「Vienna Mix」原來隱蔽係糖街嘅角落， 標榜大份又抵食， 所以作為貧窮神嘅小編梗係唔會放過啦！ 每日都有是日特價套餐，仲包埋飲品， 跟套餐仲以優惠價$5，換購是日沙律一杯， 咦，都唔差喎！😜 唔啱食仲有皇牌意粉或飯類添～ 由於店舖不大， 所以推祟外賣， 外賣自取仲減$2， 預先打黎order定再自取都得，完全唔洗等，正！👍🏾 得一個鐘食飯時間就係要咁慳啦！😂 不過是日小編唔趕返工，所以就揀左堂食。🙊 法式燒春雞半隻雜菜火腿芝士汁扁意粉（$41） 嘩，半隻燒春雞斤兩十足！😯 春雞外皮燒得微脆， 整隻雞都幾厚肉，肉質嫩滑唔會太嚡口， 雜菜和火腿都幾足料， 可以增加意粉嘅層次感和中和一下肉嘅膩感， 至於芝士汁濃稠得黎都幾「芝」味， 但略嫌太少，令意粉有點dry，有待改善。 不過呢到係無港式奶茶飲， 只有台式嘅薑母奶茶， 不過薑味幾特出，又唔會感覺到辣， 甜甜地，幾好飲，值得一試！😏 整體來說， $40嘅午餐有半隻雞，有意粉，仲包飲品，簡直超值， 食物質素不錯，價錢平， 性價比超高！😎 絕對係銅鑼灣打工仔恩物！😌
繼續閱讀
呢間嘢原來有堂食 我舊年喺時代廣場返工 經常叫外買呢間野嘅意粉 但係今日去試堂食（19/3/18）13:30好多人 最後決定外賣返學校食今日嘅忌廉蘑菇湯 好香蘑菇味 唔似罐頭嘅忌廉雞湯
繼續閱讀