西麵 (已結業)

周不時聽到朋友講西麵啲意粉好好食，有緣經過就嚟幫襯，又咁巧合有位，就順利入座。當時查詢有冇位，店員已經木無表情，跟手想落單，店員企係遠處、毫無尾音咁問：「食乜！？」當我講完後，我唔肯定店員係咪聽到，店員隔一陣就用無乜聲調既音調再問：「仲有冇？」店員西面技術爐火純青，NBA好興 No-Look Passes，呢度店員講嘢唔望人，唔知係我問題定我問題。千辛萬苦嗌到個香蒜和牛意粉，加$18跟餐。香蒜和牛意粉上枱，蒜蓉味好香，急不及待將佢就地正法……和牛粒係細細幾粒，但肉汁同肉質都相當好；意粉份量合理。跟住埋單，店員再使出No-Look Talk，用急促而好難聽到既語氣講出：「要帶返走d紙巾」。出到鋪頭發現門口有告示寫要將紙巾帶離店外垃圾桶，但行到好遠先有垃圾桶。如果我開餐廳必然訂明食客洗埋碗先好走。