雲南風味小鍋米線

營業中

休息中

今日中午去咗食雲南米線，呢間鋪頭成日都好多人，等位都要好耐，咁啱得自己一個人食就可以好快有位入得😆呢度係用紙仔揀自己想食嘅米線同配料，小鍋米線配料可以自由配搭，過橋米線就大雜燴樣樣有啲。🍜小鍋米線湯底揀咗酸辣，辣度好多選擇，我就揀咗微辣試下，配料揀咗豬大腸同牛柏葉，再加配咗杯檸檬茶。檸檬茶係有真檸檬同俾咗好多厚切檸檬，最鍾意多檸檬可以狂篤出味🤣🤣不過茶底就偏淡。米線湯底呈現奶白色，飲得出係好濃嘅豬骨湯，再加上有陣陣酸辣味，飲落非常開胃。米線比較幼細，食落軟滑。豬腸入味食到滷水香，唔會煮到過腍，咬落仲有口感。牛柏葉爽口唔韌，兩個餸嘅份量十分充足，食極都仲有，非常抵食啊😆😆