雲南風味小鍋米線 (已結業)

雲南風味小鍋米線(舊舖) 📍：長沙灣福榮街573號地舖🚗：荔枝角地鐵B1出口 步行8分鐘📞：+852 2370-1082💲：~HKD50/head for lunchFood quality✔️：酸辣濃湯小鍋米線配炸醬 豬軟骨 蘿蔔👌🏼：要酸走辣小鍋米線配豬紅 豬潤、要酸走辣小鍋米線配蘿蔔 雞翼尖總結：😋長沙灣嘅朋友應該都認識被喻為米線🍜第一 全條街都靜悄悄 得佢門口一大班人排隊 當日去喺午市之前 所以可以即入 但食食下已經發現門口有人龍了😋落單一張紙去tick想食咩 小鍋米線$32 配料+$6/7 選擇唔算好多 湯底有酸辣濃湯 麻辣濃湯 另外要+$1 辣度都有6個程度選擇🤣😋我揀咗酸辣濃湯🍲小小辣 奶白色嘅豬骨湯 酸辣算平衡 小小辣對我嚟講已經唔太頂得順 入口仲有陣淡淡嘅花奶味 個人覺得比連鎖更出色🤔配料說實話就冇咩大驚喜 主要都係食嗰湯底 另外兩位朋友🧑‍🤝‍🧑試清湯都覺得好食但離世一都係有點距離🤔如果係朝聖嘅心態嚟食 呢度除咗酸辣湯底冇咩記憶點 所以會容易失望 但食完好食唔會後悔嘅🥺🤔當時食仲喺舊扯 請大家留意返現時已搬咗去青山道😨環境十分擠逼 少人肯定要搭枱 拎背囊🎒一定要抱住食 上菜收碟非常快速 姨姨忙到冇停過手…查看更多

經過呢度好幾次，見到長期排隊，今日終於見冇人排走去試吓！入到去啲枱凳已經黐立立，間鋪陣味好up。坐低寫好張紙仔就諗住叫姐姐幫我落單，其實已經係得兩個客人，佢都話要等吓先，之後佢又叫我轉枱頭好多人，但係其實我走嘅時候都冇人！見到有碗米線煮好放喺度佢都冇去拎，心諗唔係我啩，點知真係！上到枱面已經覺得顏色似嘔吐物，想夾起啲米線未夾到已經斷晒，我唔知係佢煮得太腍定係阿姐放喺度太耐唔上菜食咗兩啖就冇再食埋單，買單又話好忙要等吓先，但係其實嗰陣都係得五個客人，整體感覺真係超級差，食咗$60，食米線嚟講應該可以食到更好嘅質素，希望大家唔好再中伏！！…查看更多

平時間中需要到明愛醫院工作，每次都會去呢間小店度食碗米線，個度附近冇咩茶記特別出色，加上我也是個米線愛好者，所以感覺佢喺米線界都有一定嘅水準，比起荃灣某某街市入邊排晒長龍嘅米線有過之而無不及，店員有基本禮貌，小店座位亦算寬敞，價錢合理，但湯底香濃而不油膩，店舖未夠鐘開門已經見到有食客喺出邊等候，店員都貼心地讓食客進內等候，餸菜款式有多種選擇，對於食客不熟檟部，雖然侍應店員不多，但係亦禮貌清晰給予指示，每次也選三餸，我點了木耳，魚腐，豬大腸，凍檸茶，共HKD60 , 木耳不是間間米線都有，希望佢哋再研發更多特色餸款及小食😋…查看更多

🍜【雲南小鍋米線實測】網紅店真係「世一」？期望vs現實大對決！ 同朋友衝住「世一米線」名號殺入長沙灣試水溫，避開飯市唔使等位（但要搭枱）。兩碗米線+一杯凍檸茶飲品埋單$100，到底值唔值回票價？ **👑 招牌對決** 1️⃣ **蘿蔔豬大腸酸辣湯小鍋米線（酸辣小小辣）** - 豬大腸洗得超乾淨！滷得入味又帶少少嚼勁 - 酸辣湯底夠熱辣，少量豆芽，但辣度偏溫和（嗜辣友建議中辣起跳） - 蘿蔔有3-4舊，有煮透冇渣2️⃣ **墨魚丸豬軟骨酸辣湯小鍋米線** - 墨魚丸彈牙有驚喜，咬到粒粒墨魚碎，而且重墨魚味- 豬軟骨冧身但偏瘦，骨膠原控會失望 - 湯底同大腸款99%相似，配料冇乜獨特性 **🌶️ 湯底** 酸辣湯屬於「安全牌」路線——酸度明亮但欠層次，辣味後勁不足。**👥 環境服務** - 搭枱難免手肘撞手肘，背囊客要抱袋食 - 外賣單多到電話冇停過，阿姐收拾碗碟似打風 **📉 期望落差位** - 聲稱「世一」但食完冇記憶點 - 配料份量偏孤寒（尤其蔬菜類） **總結**： 合格但未到驚艷，$40-60碗性價比都算高。如果住同區可以一試，但跨區朝聖就免喇～ 暫時我心目中嘅「世一米線」係舊時嘅雲川 👈強調係舊陣時呀😅👑💨 …查看更多

必食雲南米線🤩🤩雖然遲咗出post,但堅持要推介，朋友介紹確實好味，每間米線其實都各有特色，今次朋友介紹，黎試下荔枝角既米線，點知食過1次已念念不忘心中等待初六啓市必定要再去1次今次我㨂咗酸辣大辣🔥🔥🔥湯底明顯比其他辣度濃又香配咗4款餸分別係：-雞絲肉，腐竹，豬膶，蘿白除咗蘿蔔未夠淋，唔夠入味，另外個3款真係無得輸，份量又多，食完一次，足以另我念念不忘🤤下次會試中辣，對比一下咩辣度先最正👍🏻…查看更多

今次來到長沙灣的一間人氣名店，主打雲南風味的小鍋米線✨。經過門口已經見到大排長龍，抵擋唔住香味誘惑😋，決定入去一試酸辣濃湯小鍋米線！ 酸辣濃湯小鍋米線 連配料$47有麻辣和酸辣兩種口味，今次選了酸辣🌶️。湯底色澤濃郁，飄出陣陣辛香味🍲。酸味不過分強烈，辣度適中，香料味十分足夠，喝一口就感受到濃厚的風味。 配料方面，墨魚丸爽口彈牙🦑，完全無過重味精嘅感覺，豬腩片煮得非常透，脂肪部位入口即化，充滿油香🥓，整體非常滿意💯。 同連鎖店如譚仔比起來，呢度嘅出品確實有更高質感✨，特別係湯底更有層次感，加上配料新鮮，價錢又大同小異💵。雖然店舖規模唔算大，服務人手少，食客要排隊等位，但如果對湯底同配料有要求，呢度絕對值得一試✔️。食厭連鎖店，不妨試試本地特色小店！🌟…查看更多

最近留意到長沙灣近荔枝角有間人氣米線店，加上同事試過後力攞🙌🏻便於上星期五於附近看完中醫順道試試看！約18:55到達，店內仍未滿座，幸運地不用排隊(✌︎˙˘˙✌︎)🍜小鍋米線 $32 + 豬紅 $6 + 雞軟骨 $7 + 豬潤 $7 + 麻辣濃湯 $1 + 凍檸茶(走甜少冰) $7/麻辣湯底濃郁香甜，小辣有刺激感得黎尚算輕鬆，辣中帶麻香，令人忍不住飲完一啖又一啖🤤(利伸：飲完會口渴)/米線幼身，入口十分爽滑，但是沒有彈性的那種，個人覺得口感幾特別！/配菜有芽菜、香蔥和芫荽，大大增添香氣的層次(ॢ˘͈ㅂ˘͈ ॢ)/配料：🌟雞軟骨同事推介的雞軟骨好似燒過般入味又惹味，脆卜卜的很可口，是較少見的配料，值得一試🫶🏻⭐️豬潤厚薄適中，僅僅熟且沒有豬臊味，正常好味/⭐️豬紅入口軟滑，正常好味/🌟雞肉絲雖然名叫雞肉絲，給的卻是大片雞柳肉，滑嫩鮮甜，必吃❣️閨密叫的是酸辣湯，第一口試了她的湯也覺得酸酸辣辣很不錯，不過試埋重口味的麻辣就立刻被比下去了！今次到佢隔離飯香🤭/我們都叫了三餸米線配冷飲，人均消費$60，非常抵吃，惹味又飽肚👍🏻約19:30埋單離開，就已經見到一條長龍，大家可以因時間到訪🙏🏻…查看更多

非常之迫，背對坐還要比另人的袋撞，沒有什麼特色舊舊的小店晚上8時叫豬腩肉 牛百頁也沒有，等得非常非常之久，因為一個店員肥女士只收錢，一個店員收枱點菜傳菜出餐出飲品，所以會等非常非常的久。味道雪櫃味雞翼，白水煮冬菇，只有豬紅味的豬紅也好因不是化學原素來的吃到原味豬紅。湯是奶白色淡淡的，好像合成湯底，沒有骨湯味也不是用魚湯味，奶白色的不知道香港人的口味是否這樣，不會分別這個湯底是合成，人很多吃🙃🤦‍♀️一個餸7元有的貴 7十多也不飽，很會賺，如很好吃，味道一流我不會說很會賺，比差的出品也賣這個價錢，不會下次了，你們去排隊浪費時間和背貼背吧…查看更多

呢一間喺米線關注組嘅餐廳，好多人排隊，今日就嚟咗呢一邊試吓呢一間餐廳！我哋每人叫咗一碗米線，可以分麻辣酸辣，我哋每人都叫咗一碗！我就揀咗酸辣豬大腸墨魚丸牛柏葉，豬大腸非常入味，而且味道上都幾好食，唔會有好腥嘅味道，牛柏葉就有啲普通冇乜太大嘅特別，不過都幾爽口彈牙，份量都俾得幾多！墨魚丸亦都唔錯！呢個價錢加$7有三粒，算係非常抵食！湯底嚟講亦都非常濃郁，充滿酸辣嘅味道，我同朋友都非常終結，而且佢嘅米線份量都好多，食到捧住個肚走！…查看更多

長沙灣居民熱捧的世一米線，聽聞經常需要排隊，所以特意避開繁忙時段同友人一同前去朝聖。走進店內就聽到一把熟悉的聲線在播放，原來是何太直播間的live互動，店家也覺得這就是港人的下飯佳餚，真是哭笑不得。這裡的酸辣湯底絕對是亮點之一，湯底的顏色濃郁，酸辣的程度適中，喝上一口，夠酸夠辣，又帶絲絲的奶香味，十分惹味。另外加的幾款配菜都好出息，絕對可以放心叫。個人特別推薦酸菜豬大腸和豬軟骨。酸菜帶點甜，搭配酸辣湯底一流，豬大腸滷水過又淋又易咬，而豬軟骨則是軟嫩入味，搭配柔軟適中的米線，真的可以極速光盤。結帳人均$65，十分抵食。以後在長沙灣想食米線，我首選必推這家。當下在寫食評都在吞口水，明天就去encore .🤭…查看更多

終於試到呢因為而家喺長沙灣嘅人氣米線🙈 我哋晚上嘅時間嚟到都好多人排隊，最後我哋行咗一陣附近先返嚟，餐廳係9:00最後落單，我哋最後係大概八點鬆啲返返嚟，人龍都仲係非常多，好彩我哋最後都講到尾班車入去食🙈餐廳係雲南小鍋米線，另外每一個餸再配搭，主要分為兩大類，$6同埋$7，我就揀咗幾個唔同嘅餸，其中覺得豬紅都幾好食，再加埋酸辣湯嘅味道好夾，另外豬大腸亦都做得好好食，滷水嘅味道好香，成個豬大腸都非常入味，雞肉亦都份量好多，拼埋米線一齊食，簡直就係正！不過檸檬茶就冇乜特別，雖然係加$7，可以嘅話可以唔使配搭，因為平平無奇🙈 埋單每人$67 ，呢個價錢嚟講與呢一間餐廳嘅人氣絕對非常抵食！下次有機會再食佢麻辣湯底！見到都有好多人叫…查看更多

世一麻辣湯米線 🥹🙌🏻每次喺附近上跳舞堂前後，一定會嚟呢度食一次🤤舖頭外表低調，同埋都係比較local嘅裝修，但千祈唔好睇小佢！Peak hour 例牌要排隊所以我通常都係六點或者八點幾先去食，或者預早叫定外賣，想試嘅朋友要留多啲時間！每次我都例牌叫佢嘅麻辣湯底！輕輕一提，有一次咁啱見到，原來咁好味嘅秘密係落咗花奶😏今次叫咗麻辣湯/腩肉/豬紅/生菜/凍豆漿腩肉偏肥，豬紅生菜都正常發揮，份量十足！然後個湯真係令成件事upgrade 咗 🤤🤤🤤 雖然飲埋個湯好邪惡，但係每次都係忍唔住飲多幾啖強烈推薦呢間荔枝角隱世米線😚…查看更多

長沙灣兼善里重建，附近街道店舖基本上都已休業，唯獨一間米線舖仍然大排長龍。每次午膳都要等10至15分鐘，其他時間通常都全店full House。雖然係咁，我都係fans之一。🥢小鍋米線、酸辣、小辣、豬腸、雞肉、木耳 $53奶白色湯底濃郁，酸辣又唔會太複雜搶味。大腸切成幼圈，洗得幾乾淨，軟腍適中，好食。切成幼絲嘅木耳連同米線一齊食，質感不俗，係我每次嘅必要之選。雞肉就正常發揮。🍜如果唔想排隊，就要11:45前黎到，或者2:00後，避開人潮。❤️不知舖頭何時結業重置新鋪，鍾意食米線嘅要試就快啲去啦！😋…查看更多

呢間米線可以令我唔鐘意食米線既fd鐘意左食米線😂佢嘅湯底小小甜，仲有小小椰奶味米線幼身又彈牙，真係超過癮！雖然等嘅時間長啲，但服務真係好好。最重要嘅係，記得要叫酸辣口味！酸辣味好食過麻辣，絕對係你嘅最佳選擇！如果你想試下特別嘅米線，絕對要試試呢間！值得一試！…查看更多

隱藏在深水埗街巷中的這家雲南小鍋米線店,提供著相當實惠的午餐選擇。首先,這裡的一大特色就是免費供應茶水。你可以在享用美味的米線之前,先品嘗一杯清香的茶葉,讓味蕾先被徹底開啟。這不僅省去了點餐飲料的費用,更提供了更加道地的雲南式用餐體驗。店內的招牌菜式包括炸醬黃鱔雞小鍋米線,以及炸醬酸辣米線。前者採用了新鮮的黃鱔搭配雞肉,再加上濃郁的炸醬,醇厚而不膩口;後者則是將酸辣醬料與米線完美融合,為你帶來一次味蕾上的饗宴。不論你選擇哪一款,都絕對是物美價廉的好選擇。一碗大約在45-52元之間,份量相當充足,絕對能填飽你的肚子。雖然店鋪的環境不算特別出色,但食材的新鮮程度和烹飪手藝都保持著不俗的水準,讓你吃得開心又放心。對於喜歡嘗試不同地方小吃的食客來說,這家雲南小鍋米線店絕對值得一去。在品嚐地道風味的同時,你還可以享受超值的用餐體驗,既省錢又能飽餐一頓,實在是物超所值。…查看更多