燒味大王 (已結業)

今日去朋友屋企作客，梗係要買啲嘢上去啦，除咗買水果、零食、啤酒之外，斬料都係最佳嘅選擇，呢間位於土瓜灣嘅燒味店，行過經過見到色水唔錯，價錢又合理，就揀左佢黎幫襯！叉燒就實係人人都啱，見到佢燒得勁靚，所以叫咗半斤半肥瘦！蜜汁好香甜，肉質都幾淋，邊位更加帶少少香脆感。最優惠嘅當然係加一蚊就有埋半隻沙薑雞，雞皮一啲都唔肥，雞肉好嫩，性價比極高！！！如果行過路過，千祈唔好錯過，當晚人人大讚，白飯都食多咗半碗！