東城酒家 (已結業)

今日放假，因是平日所以特登約長輩飲茶，因為易搵位，而且特別平啲，其實邊一間酒樓都係閒日有特價時段，今次嚟到呢間酒樓，佢由十一點開始至到兩點，或者兩點打後時間都有唔同特價時段，至於食物味道方面，整體都唔錯，我最欣賞就是粉果，因為入面啲涵都幾豐富，有粉葛、花生、蘿蔔等等，切得一粒粒好細緻，充滿了口感，另外，欖菜肉碎炒飯不會太鹹，米粒煙韌。我哋叫了很多點心同兩碟飯連加一茶位都係一百三十幾蚊，相對於星期六日這個食物嘅份量，起碼都要二百多元吧。得閒同長輩飲茶聯誼下都係很好的事情。