影片
港鐵大窩口站 B 出口, 步行約7分鐘
繼續閱讀
營業時間
星期一至日
06:30 - 00:00
以上資料只供參考, 請與餐廳確認詳情
今日放假，因是平日所以特登約長輩飲茶，因為易搵位，而且特別平啲，其實邊一間酒樓都係閒日有特價時段，今次嚟到呢間酒樓，佢由十一點開始至到兩點，或者兩點打後時間都有唔同特價時段，至於食物味道方面，整體都唔錯，我最欣賞就是粉果，因為入面啲涵都幾豐富，有粉葛、花生、蘿蔔等等，切得一粒粒好細緻，充滿了口感，另外，欖菜肉碎炒飯不會太鹹，米粒煙韌。我哋叫了很多點心同兩碟飯連加一茶位都係一百三十幾蚊，相對於星期六日這個食物嘅份量，起碼都要二百多元吧。得閒同長輩飲茶聯誼下都係很好的事情。
繼續閱讀
街坊小市民價錢的茶樓難得最近吾洗返工，可以陪下爸爸媽媽飲下茶星期一至五 早上6:30-11:30有早晨孖寶優惠2款點心合共$19.8 - $24.8真係好抵食。出面宜家食個中點都分分鐘$20啦而依到$20幾就有2款啦😉點心即叫即蒸。上到枱熱辣辣。抵讚但食物質素有待改進而到10:30有燒味飯推出。價錢都係抵食之選點左咸蛋叉燒飯，比左半肥瘦叉燒邊位燒得夠焦。吾吾會鞋口煎堆 $14.8 有3大粒新鮮炸起好味道但一凍左食就覺得好油🤭🤭🤭P.S: 冷氣太凍，聽到好多人叫待應教細少少冷氣
繼續閱讀
都吾知間酒樓點管理每個員工負責指定範圍既枱差吾多間間酒樓都係咁分嫁啦但會吾會係超出自己負責既範圍即使只係隔左一張枱 有人叫你望到都扮望吾到 明明就無野做既就咁企係到🙄 只係因為吾係你負責既範圍試過入去坐底十分鐘 叫過3-4個人執枱都只係望過就走 或講完等等 但轉頭就走去做其他野或吹水 我知酒樓係飲食業 服務都只係其次我都知忙起上黎分身吾到 可能真係要等下既但真係吾係你地咁做嫁囉 少少變通 你無野做既去人地負責既範圍幫手執枱有咁難既🙄🙄🙄
繼續閱讀
今日家庭聚餐去左窩口間東城食晚飯，一去到都唔洗幾分鐘就有位，因為我地有10個大人加2個細路仔，所以都叫左成8個餸。其實裡面裝修都唔錯，唯好似冷氣需要改善，因為有部份位置有滴水情況。不過服務員服務都可以。等左十幾分鐘食物開始送到首先係片皮鴨2食同海環燉冬瓜環翅，個湯翅都唔錯不過我地10個人就少左d如果可以多d湯就更加好，而個片皮鴨唔錯夠脆好正，而二食用苦瓜炒，不就比較遜色，得苦瓜好食之後係美極海鮮蝦，呢個值得向大家推屆，因為夠脆夠曬入味同爽口芥末薯角牛柳粒食落牛柳鮮嫩，不角我個人就唔係咁鍾意薯角2隻乳鴨，呢個就不值推屆，又炸得唔夠脆同好似未炸完咁，個乳鴨頭仲係淺黃同上碟買相超求其花膠濃湯什菜煲，呢個買相唔錯，不過食落無乜特別最後係清蒸沙巴，十幾兩最正肉又夠滑，一流整體埋單連啤酒都係$850真係超值，大家可以一試
繼續閱讀
今日一家五口去左大窩口村同我爸爸食晚飯，因為佢第二日要一早去趕飛機，所以快快手係佢屋企樓下食完比佢早d訓。呢間酒樓其實都轉左幾手了，最近呢次轉手之後我都冇黎食過，今次試左其實以屋村酒樓黎講又唔錯。我地見到有個3餸套餐幾抵咁，就決定叫個套餐再加其他野。醬皇爽肉四季豆：四季豆炒得爽口但又唔會巾腥味，豬頸肉份量都ok,佢仲有落雲耳炒，加上佢用埋豉汁炒都幾惹味。涼瓜炒牛肉：牲肉偏多筋，又比較硬，但味道唔錯，唔會係比鬆肉粉整到有怪味。但反而涼瓜比較少。翠塘滑豆腐：呢個係叫比小朋友食嘅，其實係有蒸蛋白，豆腐，雜豆同蝦，好滑，撈飯係一路，味道剛好，清清地唔錯。另外我地叫左個湯，見呢度有金銀菜豬肺湯，平時係屋企自己想煲但又怕洗豬肺麻煩，唯有出街飲，難得呢個湯又唔係話好重味精味，湯嘅材料都好多，豬肺點豉油食係一流 我地4個大人每人都飲到2-3碗，幾抵。燒乳鴿2隻：皮唔夠脆亦唔夠熱，仲有少少穌味，肉質亦有少少'梅梅地'。全晚最抵係呢條蒸魚，勁大條，但我地都知係養斑，但百幾蚊有交易又ok, 仲要係肉身唔鞋，蒸得剛好，鮮味亦都不太差。屋村酒樓質素黎講算唔錯，更何況唔係咩大集團。
繼續閱讀