宏 (已搬遷) 新店位置

七點去到，店內還有一半以上的空位，吾洗等。店內裝潢系非常光猛，似日本現代家居的感。兩個人食左個set dinner加窩夫，set dinner有一碗麵 一碗日式沙律（生菜絲加芝麻醬好味）兩件加州卷類似物 一件小蛋糕 有杯茶，我地叫左芒果茶，其實系茶包而已，我又驚太濃所以拎起茶包泡落水而吾飲個杯茶，泡一會已經好香好好味。碗麵好味，兩塊肉肉都好味。個加州卷類似物就真係麻麻，舊飯好實，本人覺得壽司要食得出一粒粒的飯先岩。佢兩件都幾十蚊。。。好彩冇叫佢香蕉焦糖脆餅雪糕窩夫都好好味，一set一甜品已經好夠飽。上菜速度都ok，因為店內人不多。值得讚ＧＥ係我地兩個人叫一個ＳＥＴ吾會黑面之餘，仲勁自動自覺咁拎多一份碗筷比我地！ＳＯ　ＳＷＥＥＴ！！但落單個時，三兩個服務員係門口傾計，我地舉手一陣，就有另外兩台人都舉緊手。佢再吾黎我會行出去……ＨＩ我想落單其實……傾計都可以望住店內情況ＧＥ，不過上菜都吾會太慢就算你地啦～＿～店有蛋糕可以買走，好似有個蛋糕師傅係日本人！