影片
更多
2017-12-08
406 瀏覽
係銅鑼灣工作左一個上午，大概兩點終於有午飯食。想搵個舒服位置坐下，肚子又餓需要食下正餐，最後選擇左辦館。第一次走上Tower 535，一直以為係寫字樓，原來係上面大堂位置，劃左一個大範圍做餐廳。環境清幽，梳化櫈位得舒適。面口有兩大位日清仔做宣傳，入內亦都有一個比人要高嘅日清仔，手捧住嘅出前一丁更係高到上天花板。無叫到出前一丁套餐，點左All day breakfast with Parma Ham ($88)，飲品轉左Caramel Creme Brûlée Coffee(+$20)。午餐包埋餐湯，綠色嘅外貌，入口卻係幾香濃嘅雜菌味。不嬲都中意忌廉湯creamy嘅口感，而呢度又唔會過份濃郁，作為餐前享用都幾合適。All day breakfast 包括炒蛋、薯餅、茄汁豆、腸仔、沙律，仲有烘麵包，都幾大份。整體食物水準正常，薯餅熱辣辣特別惹味，炒蛋都屬微溫，只係略為老左少少。八爪魚型腸仔都幾大條，我自己就唔太喜好油炸食物，不過的確香口。一開始見片麵包白雪雪唔多吸引，拎上手仍然溫熱，而且軟綿綿，口感不俗。Caramel Creme Brûlée 賣相相當少女，呢度唔整拉花，反之係用蝴蝶酥同
第一次走上Tower 535，一直以為係寫字樓，原來係上面大堂位置，劃左一個大範圍做餐廳。環境清幽，梳化櫈位得舒適。
面口有兩大位日清仔做宣傳，入內亦都有一個比人要高嘅日清仔，手捧住嘅出前一丁更係高到上天花板。
無叫到出前一丁套餐，點左All day breakfast with Parma Ham ($88)，飲品轉左Caramel Creme Brûlée Coffee(+$20)。
午餐包埋餐湯，綠色嘅外貌，入口卻係幾香濃嘅雜菌味。不嬲都中意忌廉湯creamy嘅口感，而呢度又唔會過份濃郁，作為餐前享用都幾合適。
All day breakfast 包括炒蛋、薯餅、茄汁豆、腸仔、沙律，仲有烘麵包，都幾大份。整體食物水準正常，薯餅熱辣辣特別惹味，炒蛋都屬微溫，只係略為老左少少。八爪魚型腸仔都幾大條，我自己就唔太喜好油炸食物，不過的確香口。一開始見片麵包白雪雪唔多吸引，拎上手仍然溫熱，而且軟綿綿，口感不俗。
Caramel Creme Brûlée 賣相相當少女，呢度唔整拉花，反之係用蝴蝶酥同脆粒將其佈置，七彩繽紛。又想食甜品但又怕太甜嘅關係，點左少糖，果然最合個人口味。咖啡相對淡，面層嘅奶泡上果然有焦糖，用匙羹敲落去，感覺的確似焦糖布丁般香脆。
女孩子嗜甜，尤其係心情欠佳嘅日子。再點左伯爵茶焦糖布丁($55)，好彩有叫埋呢個全餐最滿意嘅食物！布丁香滑不在話下，絕對要用Q彈黎形容。淡淡嘅伯爵茶芳香，再加上甜甜蜜蜜嘅焦糖，實在令人心情大好，壓力都大減。實在多得呢道甜品，令我心靈或多或少都得到一點嘅慰藉。
張貼
