52
4
3
港鐵銅鑼灣站 D4 出口, 步行約2分鐘 繼續閱讀
所有分店 (3)
電話號碼
3188 9650
營業時間
星期一至四,星期日: 12:00-00:00 星期五至六: 12:00-02:30
付款方式
Visa Master AE 現金
其他資料
Wi-Fi
深夜營業
酒精飲品
自帶酒水
切餅費
加一服務費
室外座位
食評 (60)
等級3 2017-04-17
147 瀏覽
初次踏足座落銅鑼灣的Tower 535甲級寫字樓,為的便是到訪那裡的「辦館」。不說不知,原來辦館就是舊時的士多商店,主要售賣洋酒香煙和零食等雜貨,後來漸漸被連鎖超市及便利店取代。而這「辦館」則是一間既提供亞洲地道美食的餐廳,也有西方餐飲和水煙等的酒吧。裝潢走向摩登型格路線,樓底極高,空間寬敞,天花吊掛著一排紅色燈籠罩著的燈泡,帶點東方色彩。室外更設有空中花園,來這兒消遣環境不錯。<Snow Fungus>雪耳cocktail果然夠gimmick!容易入口,挺適合女生享用。雪耳本身淡而無味,但泡浸在酒精下,味道變得奇怪。<脆炸雞件>雞件炸得香脆嫩滑,肉質不乾身,吃完也沒有滿嘴油膩的感覺。<蒜香辣蝦扁意粉>意粉煮得al dente,煙韌有嚼勁,惟雪藏蝦仁口感未及彈牙。調味方面不錯,蒜香味重,帶點微辣更惹味。<沙爹安格斯牛肉撈丁>網上眾多好評,可惜賣相和味道只屬一般。麵質煮得軟腍,牛肉味也被沙爹醬給蓋過了。<Rose Latte> 咖啡奶味重,入口隨即嚐到幽香的玫瑰味道。 繼續閱讀
(以上食評乃用戶個人意見 , 並不代表OpenRice之觀點。)
香港集體回憶 焦點食評
等級3 2017-04-07
359 瀏覽
A姐:M佬呀! 你話我今晚著旗袍好唔好?M佬:嘩! 發生咩呀? 有Halloween Party呀?A姐:作死呀你? 今晚你約咗去邊都唔記得?M佬:Errr.... 我今晚好似約咗你食飯咋喎......A姐:咪係囉,今晚去銅鑼灣辦館Lof 10吖嘛。我勁畀面囉,特登著懷舊啲,你今晚著中山裝襯番我呀!!好啦!! 去到銅鑼灣辦館Lof 10就知舐嘢!! 上環嗰間懷舊味重好多,銅鑼灣嗰間係走文青優閒路線。餐廳喺世貿商場隔離新開嘅商業大廈一樓,樓底高,加埋木色系,勁relax,係鬧市嘅綠洲。好彩仲有嗰大押霓虹燈牌,有番老香港嘅感覺。Prunella Collins:小二,唔該畀杯夏枯草!! 呢度嘅Cocktail真係好特別,加入中式材料,玩Fusion。呢杯Prunella Collins就係Gin加夏枯草同薑,入口較甜,有明顯嘅夏枯草同薑嘅辣味,幾特別吖!沙嗲安格斯牛肉撈丁:M佬成日話去茶記識食梗係食沙嗲牛啦!! 辦館嘅沙嗲牛撈丁係用安格斯牛肉,牛味香濃。聽店員介紹嗰沙嗲醬用咗8種香料製成,一啲都唔馬虎,所以食落口真係唔同啲。不過隻蛋有啲over cook,無咗一拮就流心嘅效果。雙重滋味雞蛋仔:嗱,我A姐就最食雞蛋仔㗎啦,外脆內軟嗰啲就正啦! 辦館嘅雞蛋仔加埋脆卜卜嘅煙肉,朱古力醬同蜜糖,又咸又甜,好口感。蜜糖仲係有花香味,好細心呀!! 如果嗰雞蛋仔熱啲,配埋嗰凍冰冰雪糕,就Perfect啦!雪糕曲奇三文治:雪糕曲奇三文治雖然唔係港式甜品,但係港式奶茶味雪糕即刻令件事香港晒。不過,港式奶茶味雪糕,只有奶味,無咩茶味,似牛奶味多啲囉,有少少失望。另外,紅豆好甜好香,其實同嗰雪糕都幾夾嘅。 繼續閱讀
(以上食評乃用戶個人意見 , 並不代表OpenRice之觀點。)
等級6 2017-03-31
554 瀏覽
去年中落成,位於 World Trade Centre 附近的 Tower 535 走甲級寫字樓路綫,特別之處是建築非常型格。尤其踏進建築物內,無柱式設計空間感份外足,樓底非常高,乘著長長的扶手電梯向上走,仿如進入藝術博物館般。 去年來過,當時光顧位於頂樓的餐廳,三樓平台依然正在裝修中,早已見到"辦館"這個店名刻在木牆上,尚以為是商店或中菜廳,今晩剛好公子有約,到此見真身。 原來辦館是一家酒吧,而且罕有地設置了空中庭園,在銅鑼灣區異常珍貴! 急不可耐,我們出去看看,位於三樓,難免見到附近高廈林立,幸好綠色植物處處,極富庭園之感,開揚清爽,不失為一好 hea 處,尤其是日溫暖中有涼風,可惜我們沒有訂位,只好返回室內。 延續時尚,室內裝潢同樣型格,暖的主色,特顯燈飾的鮮豔顏色,巨型酒吧設在中央,我們坐在旁邊的倚窗小桌。 如果能在五時或六時光顧辦館,竟然有想不到的超級優惠,飲料售$5或$6/杯,雖然我沒有査詢是甚麼飲料及有否附帶條件,但快餐店亦做不到這個價,無需多想! 雞尾酒$78/88,紅白酒$48/杯起,小吃最平$38,最高價的亦只是$128,是豐富的全日早餐,想不到銅鑼灣竟然有這些價錢。 招牌雞尾酒有九款,特色是加進了中式花果之元素,例如羅漢果、夏枯草及棗,尤其第一款叫 Red Dating,聽到已經能相像到紅棗之味道! Various  因為我太喜歡果味清酒,首杯酒還是揀了這個組合,Sake 及 Campari 兩款酒,加上不少柚子肉,顏色非常漂亮,浪漫的粉紅! 口感酸甜醒胃,濃郁的柚子香,啖啖柚子肉,正是我喜愛之口味,富清酒香而酒精度不高,完全甜美無甘味,非常易入口,女仕之酒。 Prunella Collins (cold) 夏枯草亦可成為雞尾酒材料,真夠膽嘗試,大前提是你要不介意它的藥材味道。 整只夏枯草放進酒內,貫徹調酒之作風,平等對待如一般花果,例如玫瑰花、菠蘿、車厘子等,不時皆見原只新鮮放進酒內,令花果香濃郁。 這做法是非常成功的,我們品嚐的同時確實嚐到及嗅到夏枯草之味,幸好,甜美的混酒,完全蓋過夏枯草之藥材甘苦味,口感非常甜蜜,我認為有少許過甜,附上冰塊,相對耐飲。 Apple Juju  總要試一杯有棗的,沒有說明是甚麼棗,我估所以棗都應該是甜的,棗兒本味不霸氣,所以被蘋果汁蓋過味不強,甜美易入口,多喝不會醉! 袐製特色越南春卷  炸至非常酥脆,多層春卷皮極薄而且透孔,通透層叠口感極佳,饀料富芋頭香及質感,軟糯豐富,調味恰當,不泛油光無膩感,有水凖。配備沙律醬增潤澤,饀料的水份成功保持,沒有過乾,不醮醬吃已經美味。 帕馬臣芝士松露薯條  亮點在帕馬臣芝士醬,豐膄芝香,必蘸方才夠滋味,否則芝士松露薯條比較普通,只有輕輕的松露香,薯條炸得對辦,新鮮香脆。環境是最大賣點,確實是難得的鬧市庭園,雞尾酒大膽加入新元素,價錢合理,不失為人好 hea 處。 我剛開了個 Facebook 專頁,打算分享飲食、旅遊及生活心得,並無商業成份,但願得到大家支持,follow 吓 或俾個 like,為我平凡的生活添些色彩。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-30
333 瀏覽
環境方面: 如果想係比較舒服嘅地方食港式美食,又有Cocktail飲嘅話,黎呢度就冇錯喇! 餐廳主打港式傳統食物,而且有露天嘅地方比客人慢慢品嘗,一邊品嘗美食一邊喺輕快嘅western music之下互相傾計,完全可以將成個人放鬆,好舒服。如果唔太鍾意係室外地方享用,餐廳都有室內地方,設有好多港式裝飾,招牌嘅霓虹燈、拉制開關嘅綠色枱燈,再加上微微暗嘅燈光,將老香港融入係現代入面。 食物: 媚婦餐肉蛋三文治: ($88) 我會將佢形容為餐蛋治嘅進階版,最鐘意就係上面烘到恰到好處嘅嘉頓餐包,望住呢四個微微脹起嘅包有種好開心嘅感覺,又暖暖地仲要外層脆卜卜,咬落去好鬆軟。再配上半熟蛋同餐肉做主要食材,加上千島醬同洋蔥增加味道嘅層次,食落去有洋蔥嘅甜辣,更如開胃。 四川擔擔麵: ($58) 幼麵嘅份量頗多,仲有肉碎點綴。而且湯底夠辣之餘,都食到蔥嘅味道。 卡邦尼意粉: ($88) 雖然份量唔多,但已經好足夠,食落去一啲都唔膩同埋感覺幾清新,喺上面仲有一個流心蛋同芝士粉,蛋漿沾滿意粉食落去更加好味。 雙重滋味雞蛋仔: ($78) 雞蛋仔好脆身,味道較淡,所以上面加左朱古力醬、蜜糖,而且上面有一球雲尼拿雪糕,點咗醬同埋雪糕好似食緊waffle咁。仲加左啲煙肉粒,食落去咸咸甜甜咁,好特別,將傳統嘅雞蛋仔加入餐廳特色。 辦館 銅鑼灣謝斐道535號 Tower 535 3樓302號舖 繼續閱讀
(以上食評乃用戶個人意見 , 並不代表OpenRice之觀點。)
上網睇介紹,見呢間係中西式結合嘅餐廳,所以同朋友來試吓。間鋪都幾易搵,喺銅鑼灣謝斐道,一上3樓就見到。望落去好似好復古嘅中式餐廳,但未入到去就已經聽到好強節拍嘅音樂,鋪裏燈光昏暗,用復古主題混合酒吧嘅感覺,成件事好型。我哋坐嘅係室外露天座,出邊有個大銀幕播放着黑白影片。旁邊係高樓大廈,而鋪頭喺餐廳放咗好多燈飾,感覺就好似係繁華嘅鬧市中有一點點嘅寧靜。呢度的確係同朋友吹水、傾成晚計嘅好地方。我哋叫咗個炸蠔,外皮炸到金黃色,好鬆脆!一咬落去食得出隻蠔好大隻好新鮮,外脆內軟嘅感覺!由於我係薯條愛好者,一見到黑松露薯條就即刻點左,因為好少見到有黑松露薯條,想試吓!薯條炸得啱啱好,薯條熱辣辣,係琴日少少凍嘅天氣之下,即刻暖返少少。薯條炸得金黃食,脆卜卜,再點上黑松露醬,好好食~建議大家可以可以叫佢哋添多一些黑松露醬,因為黑松露醬真係幫薯條加左好多分,醬汁係精華所在!主菜叫咗炸雞咖哩飯,咖喱汁同平時出邊食嘅好唔同,混合左其他味道,好似有少少咖喱混合中式藥材咁,大家可以試吓。另外炸雞大大隻,非常鬆脆,雞肉好鮮嫩仲好多汁。飲品方面我點了A P P L E J U J U同S N O W F U N G A S。餐廳最出名嘅係中西式混合嘅cocktail,黎到點可以唔試吓呢?朋友飲A P P L E J U J U,佢話酒入面加了蜜棗、蘋果汁同whiskey,中西式混合既酒都幾特別,whiskey嘅味都幾濃,但不嗆口。我個杯S N O W F U N G A S更特別,裏面有雪耳、椰子酒同蘋果味嘅Vodka。杯酒一黎到就見到有一大塊雪耳係酒上面,雪耳好大塊,佔了酒的一半。杯酒好靚因為被調到奶白色,好似果汁咁。一飲落口,有種好甘甜嘅味道,然後酒嘅味道慢慢湧出來,第一次飲咁中式既酒~好新奇~ 繼續閱讀
(以上食評乃用戶個人意見 , 並不代表OpenRice之觀點。)