影片
更多
2016-05-13
2243 瀏覽
由於係旺角番工，放工嘅時候都會周圍睇下有咩吸引嘅餐廳。上星期行行下發現呢間餐廳都有啲人排隊，睇下門口嘅餐牌原來都幾抵食，所以今個星期就約男朋友黎齊齊食好野。一坐低待應就介推左呢兩個set，應該係呢個嘅大熱套餐，於是就叫左一個二人套餐同一個海鮮拼盤。首先上左海鮮拼盤（$228）。海鮮拼盤包括四款唔同嘅海鮮，有蠔，青口，鮑魚同大頭蝦。首先，蠔都幾大隻，而且味道新鮮。但佢同一般的蠔有少少分別，帶有一種獨特的鹹味，好似置身於大海一樣。仲可以按自己嘅喜愛選擇唔同的醬汁。鮑魚都係好大隻，而且係新鮮嘅鮑魚，而唔係罐頭鮑魚嘅味道。鮑魚嘅味道較鮮甜，冇加任何嘅調味。質地比較爽口，呢個價錢有兩隻大大嘅鮑魚已經好滿足。當中覺得最好食嘅就係青口，青口望落同一般嘅青口差唔多，但食落去就知分別。但比一般嘅青口更鮮甜，冇落任何調味，但都食到青口本身嘅鮮甜。而大頭蝦嘅size都好巨型，食落去啖啖肉，而且有少少膏係上面。味道鮮甜，重蝦味。但唯一不足就係肉質較軟，可以再新鮮啲。之係就係二人套餐，$298／二人。首先價錢吸引，二人套餐包括四款前菜同兩個主菜加甜品同飲品。第一款小菜係哈蜜瓜配煙火腿。蜜瓜配火腿的感覺清新，雖然
一坐低待應就介推左呢兩個set，應該係呢個嘅大熱套餐，於是就叫左一個二人套餐同一個海鮮拼盤。
首先上左海鮮拼盤（$228）。海鮮拼盤包括四款唔同嘅海鮮，有蠔，青口，鮑魚同大頭蝦。首先，蠔都幾大隻，而且味道新鮮。但佢同一般的蠔有少少分別，帶有一種獨特的鹹味，好似置身於大海一樣。仲可以按自己嘅喜愛選擇唔同的醬汁。
鮑魚都係好大隻，而且係新鮮嘅鮑魚，而唔係罐頭鮑魚嘅味道。鮑魚嘅味道較鮮甜，冇加任何嘅調味。質地比較爽口，呢個價錢有兩隻大大嘅鮑魚已經好滿足。
當中覺得最好食嘅就係青口，青口望落同一般嘅青口差唔多，但食落去就知分別。但比一般嘅青口更鮮甜，冇落任何調味，但都食到青口本身嘅鮮甜。
而大頭蝦嘅size都好巨型，食落去啖啖肉，而且有少少膏係上面。味道鮮甜，重蝦味。但唯一不足就係肉質較軟，可以再新鮮啲。
之係就係二人套餐，$298／二人。首先價錢吸引，二人套餐包括四款前菜同兩個主菜加甜品同飲品。第一款小菜係哈蜜瓜配煙火腿。蜜瓜配火腿的感覺清新，雖然係鹹鹹甜甜，但唔會有不搭嘅感覺，蜜瓜十分甜，中和了火腿嘅鹹味。口感清爽，是道不錯嘅前菜。
之後係麵包青蘋果配煎鵝肝。利用了青蘋果去除走鵝肝嘅油膩感。麵包烤到脆卜卜，配上軟軟嘅鵝肝，口感豐富。但雖然有青蘋果去嘗試去除油膩感，但都仲係有啲油膩嘅感覺。如果可以改善呢點就更好。
湯係磨菇湯，磨菇味十分濃。係湯入面可以食到好多磨菇粒粒，真材實料！而沙津都係一般的沙津，蔬菜新鮮，配有脆脆嘅麵包粒粒同沙津醬，令我食慾大增。
主菜係7簡2。我地簡左牛排同豬助骨。牛排叫左五成熟，配菜有薯蓉同蔬菜。呢個牛排嘅質地非常軟，軟到冇牙都食得嘅感覺 。五成熟都控制得好好，中間粉紅嘅顏色睇見都吸引。醬汁份量岩岩好，都唔會過鹹或淡。
另一個主菜係烤豬肋骨。我覺得呢款嘅味道比牛排更好。豬肋骨用燒烤醬一層層咁掃上係表面，令表面烤到更好。而且豬肋骨嘅外表烤到脆脆地，配上甜甜嘅燒烤汁。豬肋肉嘅肉都好易切，方便食用。
最後甜點都令的十分驚喜。我本身以為甜品應該冇咩特別，但原來十分有驚喜。首先雪糕味道十分香濃，係香濃嘅朱古力味。應該係用左高級嘅雪糕，十分滿足。旁邊配上奶凍。一開始食嘅時間會感覺太淡左啲，但慢慢品嘗之後有甜甜嘅奶味，十分自然而唔係嘅香精味。之後甜品令我一個好大的驚喜。總括而言，這間店舖大分岩情侶去食飯。主打都係一啲二人套餐，兩個人黎食都比較岩。另外，價錢大分吸引，特別係二人套餐。會想再黎試下其他嘅主菜！
張貼
