441
48
29
港鐵油麻地站 A1 出口, 步行約3分鐘 繼續閱讀
電話號碼
21161979
開飯介紹
主要由年輕人開設及打造,以相對廉價的價錢就可吃到鮮味十足的海鮮。餐廳環境較暗,每枱設有小蠟燭,有夠浪漫。 繼續閱讀
營業時間
今日營業
12:30 - 16:00
18:00 - 00:00
星期一至日
12:30 - 16:00
18:00 - 00:00
付款方式
Visa Master AlipayHK 支付寶 現金 AE 微信支付
座位數目
70
其他資料
Wi-Fi
酒精飲品
自帶酒水
切餅費
電話訂座
外賣服務
加一服務費
當面支付
食評 (551)
之前有朋友推介一間西餐廳【Amour Corner】,前個星期晚上提早了下班,跟男朋友便到此吃個Happy Friday Dinner。位於旺角砵蘭街,近朗豪坊附近...吃晚餐前到處逛逛,飯前先做腿部運動,走很多路到達不同的地方,餐廳由卡是在地舖的關係,不會讓人錯過,【Amour Corner】與眾不同的個人風格明顯突出。門口亦擺放了一些餐牌讓你考慮好後才入去品嚐。重點是見到精選生蠔,所以二話不說男朋友便帶我入去了。餐廳是長方形格局,一眼便觀看完畢,餐廳燈光整體都偏暗,我們坐在一邊梳化,一邊櫈子的位置。沒有太多人,可能我們較早入座,所以情調上會有回加分,【Amour Corner】都會提供檸檬水享用,感覺更加清新!除沙律不太給力外、頭盤、湯、主菜卻為這家餐廳挽回了不少分數。因為點套餐好像近符合這裡的氛圍。「二人套餐$328」, 有頭盤、餐湯、沙律、主菜2款、甜品以及餐飲。 🔹仲點左精選生蠔(六隻) $128好耐無食生蠔啦!生蠔套餐都只係$126(6隻),真係好抵食,一啲都唔細細隻!原汁原味的吃用,因為每隻都好新鮮,沒有雪藏味和多餘腥味。6隻分別為「加拿大、美國、法國」各兩隻。一次過嗌晒三款。💋法國入口帶濃烈的海水味💋美國蠔身飽滿肥美,符挺喜歡的,而睡海水味較淡,至於💋加拿大好Creamy,鮮甜十足好青新,應該會受大眾晚喜歡,如果真係想特別一點可以沾上附送的醬料令海鮮的鮮味更濃郁。🔹至於二人經典套餐$328菜式方面,我們選擇了以下這些:💋頭盤小食:巴馬火腿蜜瓜、青蘋果鵝肝多士-巴馬火腿蜜瓜,蜜瓜既甜味把巴馬火腿的味道蓋過了,可能這是普通的巴馬火腿所以比較淡味,鹹香味不太強烈,沒有遠離都嗅到香噴噴,哈哈!蜜瓜就非常香甜,如果兩個相稱的話實在是絕配。現在就有點落差,但都是好吃的。因為甜與咸味可以互相突出對方的味道。作為前菜也不錯呀。-青蘋果鵝肝多士我非常欣賞。當中加左青蘋果中和左當中既油膩感,又清新Juicy,又易入口,油膩感即時減低晒。淨係鵝肝既話油脂豐富,脆口又軟綿,溶溶的,和香脆多士非常夾啊!「青蘋果+鵝肝+多士」真係一絕。💋沙律:就是傳統凱撒沙律凱撒沙律都是我喜歡既一種沙律,菜既新鮮唔錯,夠爽夠脆,做開場既一樣野個人都即時清新開胃左,帕馬臣芝士加上好香同麵包粒麵脆喔。💋湯:是日餐湯-雜菜湯湯雜菜湯口感是不錯的,但要另加調味,因為味道偏淡,但質地又夠厚身!不是雜菜湯愛好者,哈哈,蘑菇湯可能我會開心點。💋主菜:烤澳洲牛柳扒、醬烤全份豬肋骨-現在以茶餐廳價錢,就吃到有質素牛扒,抵得沒話說,烤澳洲牛柳扒五成熟,好容易切開,切開肉味蠻香的,而且有少少血水還可以看見。每一口牛味都重的,濃郁極了,可能是五成熟的關係,入口腍身,喜歡質感及味道。食完會有種牛味在口腔持久一會。不錯!特吃是醬汁濃郁,而且擺盤少許精緻,廚師巧秒地運用火候合適,一大塊吃到嘴裏更是過癮。真的是有些東西在外面同一價錢,可能吃不到同一品質的食材。-醬烤全份豬肋骨,豬肋骨燒得焦脆,帶濃郁BBQ 味,醬汁不太heavy入口好惹味,切開一件件拿著吃,一咬輕易骨肉分離,肉香脂香醬香來個大合奏!骨肉分離的確做得出色,讓人想一吃再吃,反之薯蓉就無咩味道,對比下失色了,配菜說還好的說。💋吃過了主菜,當然來到甜品環節。今日嘅跟餐甜品—奶凍。奶凍都係比想像中高質。最後再另加一收費。店家的烹調手法本來就不錯,加上食材質素是吃得出的好貨色,在做生意買食材成本不便宜的今天,可說是可遇不可求,就算說羊毛出自羊身上,一日客人不上門幫襯或不點菜,那些不便宜的食材也只可乾擺。對嗎?!.喜歡【Amour Corner】環境簡約優雅,偏暗、小裝飾,符合我對西餐廳的想像。Corner既意思係希望可以多一點與客人聯繫,創造一間有歸屬感的餐廳讓每一個客人也能夠笑著離開。這個宗旨樂像不錯喔。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-13
1217 瀏覽
好耐無食生蠔啦!終於約埋個fd嚟太子呢間Amour Corner,生蠔套餐都只係$126(6隻),唔係平時住食個啲細細隻㗎!食生蠔當然未夠飽,所以我哋仲嗌多個二人餐食!#精選生蠔(六隻) $126有Namibia、Galiano Bay同Ireland Newry Bay三款生蠔可以揀,一次過嗌晒三款,就可以試晒!個人偏好嚟自加拿大嘅Galiano Bay,蠔味偏甜,唔會太鹹。經典二人晚餐 $328#巴馬火腿蜜瓜#迷你芝士拼盤揀兩個前菜~唔限食一款啱晒豬太郎呢啲心大心細嘅人,仲會跟返份簡單嘅沙律菜,平時好少食芝士拼盤,跟埋梳打餅嚟食,鹹鹹哋又易幾口。蜜瓜配ham都好常見就唔特別講啦!不過件蜜瓜都幾大件㗎! #黑松露菌意大利飯識豬太郎嘅朋友都知豬太郎有幾鐘意食意大利飯,今次一樣有嗌嚟食!黑松露香味好出,意大利飯應該有再落高湯燉煮,食落好creamy,加上份量都好多㗎。#香草煎封羊架有飯食當然仲有肉,前排食西餐揀咗牛,今餐就揀返羊肉嚟食啦!7成熟上到枱都唔會太乾,肉質軟腍,羊味唔太騷,羊存啖啖肉,食得好滋味呀!最後仲會今日嘅跟餐甜品—奶凍。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-04
644 瀏覽
好耐冇見嘅舊同事剛剛去完泰國說要給我手信,約了去吃西餐😋這間餐廳在油麻地地鐵站附近,數分鐘路程並不難找✌🏻看見生蠔正在做優惠價$128/6隻👍🏻生蠔有三款不同種類,我們點了每款各兩隻,有較清淡的,也有海水味較濃的。我們各有所愛😎生蠔新鮮而且沒有蠔殼碎👍🏻我們還點了經典二人晚餐😎青蘋果鵝肝多士: 鵝肝入口即溶充滿油香,配上微酸青蘋果和鬆脆多士,口感很豐富👍🏻巴馬火腿蜜瓜: 瓜很爽甜,巴馬火腿唔會過鹹,配搭一流👍🏻傳統凱撒沙律:菜新鮮爽脆,清新開胃☺️是日餐湯: 雜菜湯略為鹹咗少少😂燒醬烤原味豬肋骨:肉質嫩滑,醬汁惹味,讓人想一吃再吃😋忌廉海蝦墨魚麵:蝦肉爽口彈牙,意粉硬同鹹左少少但鮮味十足😉士多啤梨醬奶凍:奶味濃郁又香又滑,配上微酸士多啤梨醬很滿足❤凍檸檬茶;凍檸檬蜜餐廳環境不錯,坐得舒服!很適合情侶約會或者姐妹談心❤️ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-30
897 瀏覽
今晚哈比係呢頭早收工,話要同我食餐燭光晚餐喎,帶左我黎呢間西餐廳見到餐枱上呢個精選生蠔 ($128/6隻)宣傳牌,呢個價錢可自選6隻生蠔,相當抵食,仲等咩?! 梗係要返客啦今晚呢盤有3種黎自唔同產地嘅蠔 : 法國,加拿大及美國,擺盤認真,唔會將貨就價每種蠔都有各自獨突味道,侍應建議由淡味開始食,即係呢隻法國蠔,蠔身偏薄但蠔味都可以,之後再食埋蠔味較濃,口感creamy嘅,係咁比較之下真係食到各自嘅特性,可以講係全部都鮮甜,亦無食到蠔殼碎!撐下枱腳,點左呢個經典二人餐 ($328)頭盤三選二,選擇左青蘋果鵝肝多士及巴馬火腿蜜瓜,件巴馬火腿蜜瓜,蜜瓜超多汁,配埋少少咸嘅巴馬火腿,正路當然無得輸!煎香左嘅鵝肝入口即時融化,薄薄嘅青蘋果帶點酸甜味道,平衡油膩感,再加埋多士嘅脆口感,兩種口感!食完頭盤,到左餐湯同凱撒沙律出場,今晚係羅宋湯,但味道有點咸,好彩有清爽沙律菜中和返!食完一樣侍應先會上另一樣,係時候主菜上枱啦...........先黎烤澳洲牛柳扒,配以薯蓉,燒汁另上落了七成熟柯打,用刀輕輕切開已經感受到牛柳嘅鬆軟,內裏仍然帶有微紅色,點配燒汁加添味道!食緊嘅同時,另一客主菜亦出場,就係芝士蕃茄煙肉燴長通粉,芝士碎灑係長通粉上,若果再多D就仲好呀  (身為芝士控的我表示)將所有材料撈均後,偶然食到一啖係有拉絲效果,而蕃茄醬汁加埋火腿及打磨菇片,味道酸中帶甜,配長通粉都幾夾!習慣西餐後歎杯咖啡,呢杯熱度夠,咖啡味幾香,過下口癮都可以!套餐仲有埋甜品,今晚係好香滑嘅奶凍,甜度適中,GOOD呀!環境燈光都適合同另一半黎撐下枱腳,絶對要介紹比朋友呀! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-27
691 瀏覽
以前不太食蠔的我,怕了蠔的腥味或唔夠新鮮,所以多數不食。或許現在啲蠔有所改變呢!😂聽說這間啲蠔新鮮和有三種味㗎,法國美國加拿大,於是便去試下,價錢又不算太貴呢!環境都幾有情調,多數情侶入座,慢慢享受餐桌上的食物。首選更係生蠔拼盤啦!有法國美國加拿大蠔各2只,配料有小許酸酸辣辣再加埋檸檬汁,侍應生提醒先由法國蠔食先順序食喎...講真啦!其實三種味都好鮮味,分唔出呀!唔講真係唔知食緊咩國家蠔。😂😂因為我是啱啱初學食蠔嘅!再選經典二人套餐:餐前:青蘋果鵝肝多士和巴馬火腿蜜瓜~~鵝肝煎得好香配埋青蘋果多士,食第一啖已經覺得鵝肝嘅味道滲有少少甜味就係青蘋果味道喇,入口中熱辣辣添。傳統凱撒沙律及蘑菇湯,~~主菜: 烤澳洲牛柳扒(五成熟)~~埋上就一般般,因為見隔離都係叫牛柳扒,見佢切嘅時候有啲硬,所以我哋就由七成熟改了五成熟,雖然切嘅時候有啲血淋淋,但食落口一啲都唔硬噃!好奇怪隔離左邊嗰枱和右手邊兩枱客都係叫同樣套餐,原來大家口味都差唔多呢~😁😁黑松露菌意大利飯~~鍾意食黑松露和食開意大利飯的我,幾乎每次都選呢款!呢度飯就比較淋咗啲,幾好呀又唔太硬,不過味道就鹹咗啲。仲有甜品奶凍。 繼續閱讀
(以上食評乃用戶個人意見 , 並不代表OpenRice之觀點。)