天吉屋 (已結業)

同男朋友又去試新嘢啦, 今次試吓旺角朗豪坊其中一間餐廳專食天婦羅嘅要等位，要上一上小樓梯等，6:30pm 等左15 分鐘都算快餐前先送上任食沙律菜天幕御饍已經包羅萬有，一個好多款天婦羅嘅定食，有：黑虎蝦、海紅鯛、軟殼蟹、茄子、南瓜、炸紫菜、同四季豆... 如果大家想咩都試吓，呢個 set 就最好；日本飯亦都係任食任添；而且佢有三種食法，亦可以泡飯。天吉雙品就係一個烏冬 （冷/溫）+ 細飯。我就試左個溫烏冬，佢個湯底係有柚子皮同蔥花。而天婦羅就包括有 什錦炸物、黑虎蝦、茄子、四季豆、同溫泉蛋，最特別係個個溫泉蛋都係天婦羅嚟！流心呀！黑虎蝦好食但見到侍應用同一對手套執上一手客人嘅枱，之後又再攞下一枱客人嘅碟... 感覺唔太衛生，其餘整體都還好。