唯一麵家

營業中

休息中

大家早咗做完嘢見時間有啲鬆動就走咗去搵嘢食，既然本身響葵芳區當然就會先走去睇吓葵芳廣場有啲乜嘢食啦。去到葵芳廣場因為真係午飯時間，所以好多餐廳都大排長龍，咁啱見到唯一麵家好似唔使等好耐位，朋友又覺得好耐冇食過唯一，所以就響嗰度等咗一陣就即刻可以坐低食。其中一個叫咗個雲吞湯麵，響另外一個朋友去咗廁所嘅時候返到嚟嗰碗湯麵已經嚟咗，真係快到一個點，味道方面可以話用穩陣你形容，食完唔會記得，但係唔會難食。另外叫咗個酸辣湯麵，以前個酸辣湯麵最大問題，佢會用埋個冬菇定，但係好多時個冬菇定係咬唔到嘅，今次唔知係咪佢哋改善咗，食晒成碗都冇呢個問題，感覺好咗好多。