唯一麵家

【葵青區】【唯一麵家】好耐之前好似都食過呢間，因為再之前佢哋其實都有唔少分店，我記得沙田都有一間。不過做做吓唔知點解就淨返好少，都唔係咁多機會見到。咁既然有機會食，就把握機會寫吓嘢啦。都係喺下晝嘅時間去，所以都係食返佢哋嘅「下午茶」，我食咗兩個餐。兩個都係佢哋嘅「點心小食套餐」，首先係 $43 嘅「原湯抄手」配「凍豆漿」。呢個即係將啲抄手放落湯度煮咁解，有別於一般紅油抄手嘅食法，感覺就似一碗淨雲呑咁。食落就啖啖肉囉，唔算特別，不過食得幾爽。杯豆漿就正正常常啦，淡口咗啲咁囉。另一個餐就係 $41 嘅「上海小籠包」四隻配「熱奶茶」，佢個小籠包要等耐啲因為即叫即蒸，冇問題吖，但出到嚟每隻小籠包個底都有塊紅蘿蔔，對自己嘅技術都好冇信心吓。味道都係嗰個肉餡嘅味，冇分別。杯熱奶茶飲落都 okay，夾夾埋埋 $84 又唔貴。。。（地址：葵芳葵富路7-11號葵涌廣場地下A77號舖）#1amfoodie #foodie #hkfoodie #hkfood #food #foodporn #instafood #followforfollowback #foodstagram #foodiesofinstagram #love #restaurant #foodblog #eat #1am葵青區 #葵芳 #唯一麵家 #下午茶 #點心小食套餐 #原湯抄手 #凍豆漿 #上海小籠包 #熱奶茶 #1am1891 #1ambackup…查看更多

星期日下午六點幾經過葵芳試吓好耐冇食過的唯一麵家，點了小籠包香茅豬扒上海幼麵及上海粗炒，店家環境衛生應該欠佳, 因經常會有小蒼蠅和小蚊在飛…上海幼麵食食吓發現有條頭髮勁嘔心，小籠包個皮又勁厚，一啲都唔好食最好食都係上海粗炒熱辣辣夠鑊氣，但係其他兩樣嘢食都好失望，下次唔好再嚟…查看更多

今日嚟到葵芳覓食，就嚟到呢間位於葵涌廣場既老字號唯一麵家，午餐時段到店，剛開舖營業，冇乜食客，我就揾張二人空枱坐低睇下個餐牌，最後決定咗要點呢個上海排骨粗炒，等咗一陣就有得食，大大碟粗炒，唔係用排骨係用豬排既，呢塊豬排好入味又夠腍，好好味，粗炒掛哂d汁，食落去非常之重口味，好食，仲有放大量既椰菜一去炒，唔生但偏硬。整體滿意。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

下午茶嗌咗腩肉上海雲吞米線, 送到嚟搵唔到雲吞,阿姐落漏咗, 唔會講唔好意思,畀返碗啱米線但係啲湯明顯少咗, 要求加湯,侍應阿姐好串嘴話下次早啲講, 我話係你哋畀少咗, 原本第一碗湯份量正常, 逼我大聲問佢你而家加唔加？ 侍應姐先攞返入去家, 仲喺度駁嘴駁事多嘢講。 下午茶價錢都唔係平$62 兩餸, 雲吞包到個底穿曬,米線入面酸菜切到形狀唔平均,純粹多座位先入嚟食。落完單畀張白卡倉食客,無寫落咗啲咩嘢食,所以落錯單都唔係即時知,食客冇得睇返自己落咗啲咩。…查看更多

今日喺葵涌一間小店試咗唯一麵家嘅蔥爆牛肉河，簡直係驚喜嘅一餐！一端上枱，濃郁嘅蔥香同牛肉嘅香氣已經撲鼻而來，令人即刻胃口大開。河粉煮得恰到好處，滑嫩又彈牙，完美吸收咗醬汁嘅精華。牛肉切得薄而均勻，入口嫩滑，滿滿嘅牛肉味，唔會有怪膻味，仲帶點微辣嘅鑊氣，食得出師傅火候控制得好好。蔥段炒得香脆，增添咗口感同香氣，配搭牛肉同河粉真是一個絕配！調味方面，醬油同香料嘅比例拿捏得宜，鹹香得來唔會太重口，令人一口接一口停唔下來。份量亦都好足，食完真係好滿足！唯一小小嘅缺點係等候時間有啲長，可能因為即炒即上，現場見到廚師好用心炒每份菜，略為等耐啲都值得。整體嚟講，呢碟蔥爆牛肉河真是一個有鑊氣、有誠意嘅美食，價錢合理，絕對係想食正宗港式炒河嘅好選擇！…查看更多

上個禮拜日晚，同朋友去葵廣，見到呢間上海嘢入面有位，直接入去！叫咗北京煎餃🥟，豆漿、吉列豬扒配菜飯，四川雞球配菜飯，酸辣湯🥣！除咗豆漿同酸辣湯正常，其他真係得個樣！煎餃可能係翻煎，成口油，菜飯，唔係切細嘅菜煮飯，係一pat pat ，兩炸物，只係打卡 ，入口硬過乜！唔會再去，太中伏！唔建議食飯菜，只係食午餐、下午茶、麪之類，可能冇事！咁少人食食物流量低，所以食物質量問題，人少食，惡性循環！早點🍳食其他，菜飯小菜所免則免！…查看更多

唯一麵家係位於葵芳葵涌廣場地面嘅上海菜小店，主打快餐形式，今次中午叫咗紅燒獅子頭加豆漿。整體出餐時間快，約等5分鐘內上枱，環境簡單但乾淨，有冷氣，座位偏緊密，適合單人或兩人快食。紅燒獅子頭為單件上枱，體積中等。用料以碎肉為主，口感鬆軟，唔屬紮實型，冇筋位。味道方面，醬汁偏甜，屬比較輕味嘅紅燒，冇明顯油感。冇配飯，如非額外加配，單件獅子頭屬於小菜類主食，份量唔多。豆漿係凍飲，屬無糖版本，豆味唔濃，偏清淡，冇冰粒，入口滑，適合解渴。以下為建議使用情境：✔️ 想食得快｜餐點準備速度快，適合短時間處理午餐✔️ 想食得清｜味道偏清淡，冇重口味或濃調味✔️ 想食得穩陣｜味道簡單，冇明顯伏點，成品穩定✘ 不建議：如期望豐富配菜或較飽肚選擇，建議加配主食或選擇其他菜式此店適合附近上班族、逛街中途快餐需求、或想食簡單滬菜但唔想太飽嘅人。…查看更多

   午餐到葵芳葵涌廣場地下，見唯一麵家無需等位，入內試咗兩樣：紅燒獅子頭及凍豆漿。獅子頭為單件上桌，體積中等，外層有紅燒醬汁包裹。醬汁屬偏甜路線，鹹味輕，稠度正常，無明顯油層。肉餅鬆散，入口時可以咬開，屬非紮實型，內部無筋位或硬塊，主要為碎肉構成，無內餡。未附飯，若非另配主食，份量偏單一。豆漿屬凍飲，應為無糖版本，入口偏淡，豆香味輕，不厚。無額外冰粒，無甜味。整體食物出餐快，約5分鐘內上枱。餐廳為小型快餐店，枱與枱之間距離緊湊，但有冷氣，整潔度屬可接受範圍，適合附近街坊或上班族短時間用餐。服務方面無特別表現，整體流程順暢。結帳金額合理，價位屬常見港式快餐水準。食品口味走簡單穩定路線，冇重口味或驚喜設計。適用情境包括：短時間進食、需要快速處理午餐、不追求菜式豐富或味道層次。總結為一間適合簡單處理一餐嘅快餐式滬菜小店，主食以實用為主，無大伏點。…查看更多

平日下午經過葵芳，原本只想快快醫肚，朋友即刻推薦「唯一麵家」，話係佢心目中最好味滬菜之一。我見喺地舖轉角位，舖頭唔算大，但門口飄出陣陣肉香，加上見有熟客帶位，感覺靠得住。店內座位約十多個，格局企理，唔侷促。午市時間人流穩定，雖然唔算爆場，但都有幾位街坊等緊外賣。我當時約等了 ，非常合理，坐下冇耐就可以落單，等菜時間亦唔長，效率好高 👍今次叫咗兩款主菜＋一杯飲品：香茅豬扒菜飯（HK$58）、紅燒獅子頭（HK$70）同豆漿。豬扒煎得色澤金黃，外脆內嫩，肉味香濃，唔鞋口，香茅味唔會過火，只係淡淡地提香，幾有驚喜 🤤 菜飯炒得乾爽唔油膩，口感好貼地，有家庭飯堂風味。紅燒獅子頭係重頭戲，大大粒鬆軟肉丸，一咬啖啖肉汁爆燈，滷汁鹹甜適中，入晒味，拌飯一流 😋 視覺同味覺都照顧到，真心有誠意。豆漿黃豆味香濃，無加太多糖，飲完解膩又唔會口乾，畫龍點睛 🍽️結帳共 HK$128，以地區午市價來講非常抵食，尤其係睇住質素。服務親切、環境清潔，整體感覺超出預期。呢間街坊滬菜小店真係值得 bookmark，之後會想再試佢其他主食（聽講生煎都唔錯）。推介指數：★★★★☆再訪率：📈 95%…查看更多

店員話做咗18年，經過幾次葵芳次次都好多人，但係冇一次入過去。 夜麻麻差唔多11點，唔叫飯麵。 外賣咗個北京餡餅$20 。 1個好抵食，超大個圓形，食一個都飽但係唔夠喉🤣啲汁好似小籠包咁多，流哂落去我個連卡佛袋🤣嗰包皮脆卜卜又唔會好油膩好漏，真係食三個都可以。 啲肉濕潤潤，肉味唔會太濃郁，剛剛好。 …查看更多

午市到葵芳唯一麵家，試咗香茅豬扒菜飯同凍豆漿。店舖位於葵涌廣場地面，屬街坊小店，座位緊湊但有冷氣，環境整潔，出餐時間大約5分鐘內。香茅豬扒菜飯•主食：白飯底，配青菜＋香茅豬扒•豬扒：即煎，厚薄正常，無明顯肥邊•味道：香茅味道輕，屬淡味路線•油度與口感：不油膩，豬扒外皮微脆，肉質唔柴凍豆漿凍飲，冇加冰粒，入口滑整體環境與流程•訂單處理快，堂食枱距一般•無主動推銷或多餘對話•適合需要短時間內完成用餐者•餐點份量屬中等，不偏多，適合午餐簡餐使用…查看更多

已幫襯多年的唯一麵家葵芳分店，以樸實的街坊小店為主。踏入這間葵涌廣場的街坊小店，撲鼻而來是酸辣湯的辛香氣息。招牌「酸辣湯水餃」湯底濃郁醒胃，醋香與胡椒的辛辣平衡得宜，可惜辣度稍嫌保守，若能提供辣度調整更佳。水餃皮薄卻帶韌性，內餡豬肉白菜飽滿多汁，沾附酸辣湯汁後更添層次。 「凍豆漿」豆香清新，甜度適中，冰涼順口，恰好中和酸辣湯的刺激感。整體而言，以$56的消費而言性價比極高，餐點選擇多，吸引很多街坊回頭。…查看更多

今個週末與好姊妹及新朋友，組成新組合一齊參加香水班🫰🏻香水班在葵芳站的工廈，上堂前要先填飽個肚，就相約在葵涌廣場的唯一麵家，呢間麵店係小妹好姊妹由細食到大🫶🏻有地膽帶路，品質自然有保證😃小妹都好耐無食過上海菜式，好姊妹推介「煎餃子、北京餡餅、上海粗炒、上海麵、酸辣湯、炒年糕 都好食！」，因小妹喜歡炒年糕，於是乎揀了以下四款及兩杯凍豆漿：▫️北京煎餃（5隻）好姊妹強烈推介，唯一麵館必點小食‼️煎餃🥟皮薄餡厚，即叫即煎、熱辣辣😍😍▫️北京餡餅馳名北京餡餅，雖然內餡同煎餃一樣，但做法唔同，餡餅做到餅皮超薄多汁美味😋▫️香茅豬扒拼四川擔擔麵（上海幼麵）小妹一直以為擔擔麵係會辣到飲水，點知原來係可接受嘅程度，配搭上海幼麵又相對唔錯👍🏻，香茅豬扒肉質很好，下次小妹再嚟就可以選擇呢度的四川擔擔麵☺️▫️雪菜肉絲炒年糕哇好大碟🤩，年糕口感煙韌，味道係傳統上海風，又有菜又有肉絲，食一碟已經足夠😂好滿意🥰下次再嚟葵廣終於都有掃街以外嘅選擇😊多謝好姊妹介紹咗間咁傳統咁美味嘅好嘢比小妹😙😙…查看更多

早前，我出荃灣 shopping，醒起 <唯一麵家> 葵芳店，原先想走到荃灣站搭地鐵過去，順便行吓綠楊坊，原來荃灣店尚未執，我還告訴好友，荃灣 <唯一麵家> 原址仍有營業，當晚，我走到荃灣店食；好友還告訴我，其實，葵芳店較好食！有見及此！恰巧！10月尾至11月頭，葵涌運動場有個美食嘉年華！美食嘉年華有限入場時間，平日收 9:00，8:30 後不准入場！我好奇兜個圏就算嘞！當他在新都會廣場泊車後聯絡我，他建議食 <唯一麵家>，所以，我便請他食飯！餐牌：美食多元化，比較荃灣店還要多好多美食及飲品選擇呢！上海雲吞幼麵 $49有4粒，飽滿的上海雲吞，菜少肉多，味道鮮美！淨水餃 $49有8粒，好似元寶外型的水餃！豬肉比例相對較多，食落較 juicy！熱豆漿 $15豆味濃郁而少甜，不算太熱，尚算易入口！北京蔥油餅 $16即叫即煎，連賣相都好過荃灣店，金黃香脆！熱辣辣好香口，散發陣陣蔥香！每人兩件，不會太飽又不會太熱氣吧！…查看更多

點了一份燻魚菜飯燻魚很夠味 對我來說太濃味。特別想說的 是這家店的菜飯 是菜還菜 飯還飯 跟我平時食的絕不一樣 跟以往的菜飯相俾 完全不一樣 是白飯 旁邊放了烚菜。感覺很敷衍了事！…查看更多