大肚腩點心腸粉專門店 (已結業)

元朗真係一個美食天堂：有好味又平價既野食之餘、又有得掃街。一路沿途都見到有好多特色小食、例如布丁燒、綠茶味砵仔糕、波波西瓜果汁等等，不過行得太多啦，都係簡左入鋪頭坐低舒舒服服咁食。聽講大肚腩點心腸粉專門店個牛肉餅好出名，都行過啦、不如入去食啦。時間常早，仲未有好多人，所以可以坐卡位。呢度裝修都幾搞笑，點解咁埃及既？連壁畫同牆身都係埃及圖案，好神秘。事不宜遲，試下聞名已久既牛肉餅係味真係咁好食先。等了又等，點知炸饅頭黎左先...不過不失啦，有少少太油膩又唔夠香。好彩有煉奶搭救，等我點多d先。牛肉餅終於俾我等到啦，但未咬個汁已經飛曬出黎，而且仲好辣嘴....食果陣真係要好小心。本人認為個汁非常之咸、好重味....唔太係我style囉。