喺度做乜

營業中

休息中

間cafe名真係好有記憶點 ‘喺度做乜’ ， 唔怕你唔記得，英文名係 “whats up cafe” , 有個咁貼地嘅名，但係就係一間文青雅緻風cafe，很有反差感呢～上二樓嘅樓梯頂仲有大大盞月球吊燈，浪漫又打卡Cafe 以西餐為主，Set Dinner 會包田園沙律和是日餐湯，當日是粟米忌廉濃湯，入口十分綿滑，以新鮮甜粟米，攪拌成粟米蓉來煮，濃郁香甜，仲有很多細細粒的粟米，很有口感；田園沙律個present好特別，是一個密封式的玻璃樽來裝住，新鮮的沙律菜加上意大利酸醋汁，十分清新開胃🔮波士頓龍蝦配白松露忌廉扁麵原隻開邊波士頓龍蝦，大大隻新鮮搶眼，龍蝦上面舖了一層芝士來焗，蝦肉爽嫩彈牙又鮮甜，鮮蝦咸味和芝士的咸香，味道更有層次，手工扁麵質地煙韌，食落勁有口感又滋味呀，麵條吸引了醬汁的味道，入味又掛汁🔮香烤美國熟成牛舌配黑椒磨菇汁牛舌微煎再烤焗，惹味香口，肉質非常軟腍，其他配菜亦以牛油抄香，再配上自家製的特調黑椒磨菇汁，汁底以h牛肉湯汁來調製，蘸些汁來食更充滿牛香再點了兩杯special mocktail;🔮菠蘿薄荷賓治🔮冰島藍湖; 前者清爽解膩，後者爽甜鮮渴，寶石藍色，勁好打卡呀～