影片
港鐵佐敦站 D 出口, 步行約3分鐘
繼續閱讀
電話號碼
93479444
開飯介紹
裝潢採用大地系色調的西餐廳，充滿文青感覺，由店名到環境均營造輕鬆的氛圍，加上定價合理，是聚餐的好地方。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
-
網上訂座服務暫停
早排經過入嚟試下，選擇都算多，lunch menu 比較抵d, 有意大利飯、意粉果d 選擇。呢個係雜菌意大利飯，見到最近menu 已經改咗，但係想講返佢哋嘅調味真係做得麻麻地食落比較淡，份量充足大份嘅，擺盤睇落都可以，但我要喺側邊加多啲芝士粉先食到🥲💪🏻🍽️
繼續閱讀
位於尖沙咀的「喺度做乜 Whatsup cafe」，店名夠晒特別，裝修充滿文青風格，加上合理嘅定價，的確係一個聚餐嘅好地方。朋友食素揀左牛肝菌意大利飯，一上枱就聞到濃郁菌香，意大利飯口感creamy，咬落有嚼勁又唔會太硬。我自己揀左套餐的芝士焗豬柳飯跟餐有蒜蓉包沙律同湯，蘑菇湯足料香濃，每一啖都有蘑菇粒。沙律用咗火箭菜同車厘茄，新鮮爽脆。豬柳厚切又嫩滑，面層芝士焗到金黃拉絲，茄汁炒飯底仲有粒粒雜菌。我地加咗是日蛋糕是檸檬芝士蛋糕。蛋糕清新可口，檸檬的酸味與芝士的濃郁相得益彰，真係好解膩，適合用來收尾。小食就試左扭紋薯條，即叫即炸超脆身。叫左杯桂花烏龍茶，外圍灑上桂花，每一啖都透住桂花，好岩一邊食一邊傾。餐廳好用心做，每個餐點都係即叫即做，每一樣野上枱都係熱辣辣，店員又好nice服務又好好。係尖沙咀呢個價錢可以同朋友傾下計野食又好味，CP值好高。
繼續閱讀
今日同朋友去尖沙咀剪完頭髮，就過嚟山林道搵食啦，見到呢間西餐門口幾靚，就入去試下喇🙌🏻🙌🏻我哋叫咗兩個dinne set share ，包埋餐湯沙律同埋餐包，餐湯係蘑菇湯，味道都好濃郁😋個餐包係熱辣辣外脆內腍啤啤架Main 我哋叫咗菠蘿雞肉Pizza同埋巨🍤龍蝦汁意粉，真係超級大份，我哋兩個女仔真係食唔晒🙈，個大蝦好爽口，個Pizza雞肉同菠蘿超級多呀，呢度個份量真係三個人食都得👍🏻👍🏻我哋叫咗奶茶蛋糕做甜品，好好味，份量同甜味啱啱好，唔會食完好膩🙌🏻跟餐加$18轉左柚子沙冰，係限定嚟嘅鍾意柚子朋友唔好錯過啦💙
繼續閱讀
好鍾意同朋友嚟呢間Cafe，呢度唔止有好多款主食揀，仲有各式各樣嘅甜品，今晚就過嚟享受吓甜點時光～ 🍝 肉醬芝士意粉 意粉煮得啱啱好，Al dente口感，掛滿酸甜濃郁嘅番茄肉醬，再加埋融化拉絲嘅芝士——每一啖都係經典嘅滿足感，芝士控必叫！跟餐仲有沙律、蒜蓉包、香菇餐湯同桂花烏龍茶，真係好抵食！ 🍗 香草蜜糖燒雞 雞皮烤到金黃酥脆，蜜糖嘅甜同香草嘅清香完美滲入雞肉，切開嗰陣肉汁慢慢流出，配埋旁邊嘅西蘭花同細玉米，層次感超豐富！ 🧇 紅豆窩夫＋抹茶雪糕 熱辣辣嘅窩夫外脆內軟，鋪滿綿密香甜嘅紅豆，上面仲有一個抹茶雪糕慢慢融化，冰火交融嘅幸福感！抹茶嘅茶香同紅豆嘅甜味夾到絕，真係要大推！ 曲奇慕絲蛋糕：慕絲輕盈得嚟又滑溜，底層嘅曲奇餅碎增加口感，畫碟嘅線條藝術感十足。 抹茶蛋糕：抹茶味濃郁得嚟唔會苦，最驚喜係灑滿五彩繽紛嘅玉米片，脆脆哋令成個蛋糕更有趣！ 草莓檸檬蛋糕：酸甜清爽，梅花樹畫碟靚到唔捨得食，檸檬香氣令味蕾即刻清新晒～ 由鹹食到甜點，每一道都感受到廚師嘅心思，尤其係甜品組合充滿創意，真係令人食得好開心！
繼續閱讀
食開一兩年，一向都唔錯，尤其鍾意佢個蘑菇湯不過近呢幾個月湯越來越淡，果汁都係喇沙啲海鮮由頗為新鮮變雪藏咗唔知幾多年嘅味道，焗嘢整好晒，擺喺樓下垃圾桶隔離都唔上菜兩杯凍飲，得一支飲管坐樓上嘅話，要自己行落去落單攞menu，自己行落去攞餐具攞碗。。。同自助式嘅餐廳冇分別仲有加咗部電視勁嘈勁光，同朋友都傾唔到偈，又唔俾熄一陣，話其他人包場想睇咁其他人又唔坐埋去慢慢睇 ==“ 包場我哋又入到去食？唔知咩 logic。。。問佢攞小食Menu，揀完就係今日冇小食。。。上錯咗三次drink無奈到。。。真係如餐廳個名一樣 “喺度做乜？”已不復當年拉勻評分畀面當OK。。。
繼續閱讀