更多
2016-11-24
6913 瀏覽
說起日航酒店,相信大家都唔會陌生,但翻新後的日航,即係千禧新世界香港酒店,大家又有沒有去過? 最近去過它們的Lounge,簡直係驚為天人的舒服,而今晚來Café East 食 Buffet,四個字: 耳目一新,即係點? 睇片啦。一入門口就比印度食物區深深吸引,唔好印度食物的朋友千祈唔好咁快就下定論話唔啱自己,事關我本身都唔太好印度口味,但好快你就會明呢位印度籍廚師主理的區域有咩吸引力。現場新鮮即製印度酥餅及馬來西亞薄餅,手法熟練瀟灑,香口鬆軟,有得睇又好食,再配埋正宗印度咖喱羊及雞一齊食,好味。唔鍾意食咖哩?冇問題,師傅同時處理埋鐵板燒,即燒肉眼扒、黑毛豬、帶子及司華力腸,用薄餅捲住熱辣辣的烤肉,這個自制烤肉卷冇得彈。特別一讚牛扒肉嫩,而黑毛豬多汁軟腍。呢位印度籍師傅仲有一招殺手鐧,就係拉印度姜奶茶,奶味香濃滑溜,加埋啖啖薑味,試過包你上癮。跟住係我最鍾意食的海鮮同魚生刺身區;香港人都被寵壞了,自助餐的海鮮又㸃少得厚肉的波士頓龍蝦、多膏的麵包蟹、啖啖肉的長蟹腳、鮮甜的海蝦以及大大隻的青口呢,若然有埋生蠔就perfect 了。廚師們全晚都不停refill 食物,抵讚。至於魚生方面,大家喜
張貼