114
24
5
港鐵尖沙咀/尖東站 P1 出口, 港鐵紅磡站 D1 出口 繼續閱讀
電話號碼
23134222
開飯介紹
Café East匯聚琳瑯滿目的中西美食,價錢合理,是千禧新世界香港酒店最受歡迎的食肆之一。全日供應豐富的自助早﹑午﹑晚餐,讓您嚐盡環球國際美食。 繼續閱讀
營業時間
今日營業
06:00 - 21:30
星期一至日
06:00 - 21:30
付款方式
Visa Master 現金 AE JCB
座位數目
150
其他資料
酒精飲品
自帶酒水 詳細介紹
泊車
電話訂座 詳細介紹
加一服務費
食評 (161)
環境:光猛舒適,枱與枱之間有一定嘅距離,無奈有啲6-8人枱,咁啱坐正隔離就會好應聲。自助餐攞野食嘅位置都安排得唔錯,唔會有一班人長期圍住排隊攞嘢食。*服務:門口reception態度一般般,入面嘅侍應服務唔錯,勤力執碟執碗,有禮貌。值得一讚係因為附近枱太吵,我哋想換位,咁啱係12點開餐之前前,佢願意安排其他位俾我哋。*海鮮:青口、小龍蝦、麵包蟹、波龍蝦鉗海鮮質素普通,食完一轉冇興趣再食第二轉喇,我都見其他枱食完都冇再特別出去搶。*刺身:三文魚、吞拿魚、鯛魚師傅切得相當厚身,三文魚10分有8分,其餘兩個都係僅僅合格。*鐵板燒:牛肉、豬扒、三文魚師傅好努力咁燒,但永遠都燒唔切牛肉,試過牛肉、三文魚,牛肉用鬆肉粉醃過,三文魚油香且味濃。*燒牛肉西冷、西式菜式、湯燒牛肉係意外收穫,厚切都唔韌,咬落去係好香嘅牛肉味,比鐵板燒牛扒更加好食!我食咗燒雜菜,飲過紅蘿蔔湯,都係屬於正常發揮。*印度菜三四種咖哩、tandoori chicken、兩種naan、印度薄脆,冇乜人攞,試過一兩種,唔建議。*中菜、燒味、麵檔普通正常發揮。冷盤、沙律、芝士普通正常發揮,芝士有blue cheese~夾麵包食好正,單純係個人口味。*日式串燒正正常常,有唔同種類,雞軟骨、雞翼、牛舌、秋葵等等,主要係食串燒醬汁。*甜品、水果甜品整體屬於中上水平,我食咗七八成甜品,唔會太甜,整體好食但唔會有特別驚艷嘅地方,有日式蕨餅食都算係驚喜。唯一要彈係燉蛋白燉到老晒,起泡。反而焦糖燉蛋非常出色,燉蛋滑、焦糖脆。*雪糕有五六種雪糕杯可以任揀,有hagen dazs同維記榴連味,全部都係正常size,所以食完一杯就可以byebye,飽到飛起。*總結如果係俾正價自助午餐$428,我就覺得唔抵食,但咁啱有酒店做優惠,買二送一,都可以考慮吓過下口癮食一次咁大把。 繼續閱讀
(以上食評乃用戶個人意見 , 並不代表OpenRice之觀點。)
等級1 2022-06-14
624 瀏覽
千禧新世界酒店房價包埋食自助早餐😛❤️食到好飽代替埋lunch~ 聚賢薈樓層客房~於聚賢薈享受全天候供應之美點及傍晚雞尾酒就未有時間試啦😣食物種類豐富飲品多選擇(可以另叫/出去拎) 凍橙汁好飲~ 😁熱牛奶都好飲整體而言飲品質素唔錯~另外出去拎嘢食嘅時候亦都見到有其他凍嘅水果橙汁亦都有益力多👍🏻😆 由頭到尾炒蛋都勁多人排隊🤣但真係勁好食,不過小心拎碟嗰陣時會有啲熱,只可惜我食嗰陣時已經飽咗唔係幾食得落❤️😛 乾蒜四季豆好味,食過返尋味魚柳okay 蜜瓜好味😋火龍果冇咩特別芝士凍三文魚丶薯餅還可以中西式包點鬆餅窩夫🥞一般.唔夠香口撻亦都麻麻地點心燒賣味道令人失望😞當日仲見到有yogurt~ 結論:某啲食物ok. 房價包埋可以一試,如果特登嚟食嘅話就不必啦 繼續閱讀
(以上食評乃用戶個人意見 , 並不代表OpenRice之觀點。)
等級1 2022-06-14
864 瀏覽
現在晚餐買二送一,啱晒一家三口去喇雖然冇長腳蟹腳和生蠔,但其他食物的質素都很好,汽水啤酒任叫,性價比很高。甜品出色,有鮑魚,羊架很好吃,乳豬我就覺得麻麻地,不吃也不算損失甜品真的很精緻 繼續閱讀
(以上食評乃用戶個人意見 , 並不代表OpenRice之觀點。)
等級3 2022-06-12
651 瀏覽
我最鍾意來到這裏食自助餐,因為他周不時都會有推出優惠例如買二送一之類的。雖然有優惠,但這間餐廳也不會將貨就價,反而會提供不同主題,不同地方的食物。我食自助餐的習慣是第一輪一定會食海鮮,這裏的海鮮十分鮮味,雖然是冷盤,但也不會雪得很硬。 繼續閱讀
(以上食評乃用戶個人意見 , 並不代表OpenRice之觀點。)
等級3 2022-05-06
2727 瀏覽
買左個staycation package,$1400包住同lunch buffet、tea set同早餐buffet~lunch buffet我覺得有D失望,質素一般般😐反而早餐buffet又幾唔錯喎😂去到餐廳係八點半度,一坐低已經有staff問想飲乜餐茶~不過buffet出面有得自己斟果汁,所以我淨飲果汁冇叫餐茶😆每一枱枱面都有3罐jam同1罐蜜糖~當中有比較少見嘅黑莓jam😳出去行左一圈,食物種類唔算多,但樣樣有D咁~中式點心試左個牛肉燒賣,正正常常~粥度,佢有白粥同皮蛋瘦肉粥~試左皮蛋瘦肉粥,好食過琴日lunch個海鮮粥😂至少今次個粥有味先😂琴日個海鮮粥食落冇海鮮味,同白粥加幾粒海鮮冇分別🤷‍♀️西式不外乎煙肉腸仔、薯餅、茄汁豆呢D,都有嘅~仲有燒火腿😱冇諗過早餐會有燒火腿食😳egg station度,見有網友反映過D蛋煮得好熟🤦‍♀️但我今次試左奄列、煎蛋同炒蛋都冇呢個問題😚奄列好足料,好好食😍煎蛋同炒蛋都唔錯,幾有蛋味😋不過佢D沙律、coldcut、生果個part擺得好隨意,完全冇想夾嘅意欲🤦‍♀️同埋芝士款式唔多……呢度都有cornflakes、麥皮,睇落都幾多款~隔離有鮮奶、乳酪同果汁😏仲有益力多😂不過果汁就得🍊橙汁、🍎蘋果汁、🍍菠蘿汁同🍅番茄汁~反而奇怪點解會冇西柚汁😢另外佢個pastries又幾有驚喜👍見佢呢part都幾多野,而且好多都寫住自家製,所以試多少少~🥐牛角包一般般😐雞尾包,早幾日朋友來statcation時話聞落好香,應該幾好食;但我食落又覺得一般般,椰絲餡唔多🤷‍♀️反而個蘋果金寶丹麥酥幾有驚喜👍好酥脆,同埋個餡好好食😋最後總結係,佢呢個早餐buffet大致上質素唔錯😚我想食嘅野都有😊不過可能有D part要執得整齊少少?!服務上,無論係廚師定waiter,D staff都好有禮貌,收碟又收得好快👍 繼續閱讀
(以上食評乃用戶個人意見 , 並不代表OpenRice之觀點。)