影片
更多
2023-01-26
355 瀏覽
星期五晚，約咗友人喺尖東食晚飯！由於唔想食西餐，日本嘢，於是就揀咗一間特別小小嘅印尼菜！對上一次嚟，應該都有10年，仲喺度緊大學嘅時候🙈最記得當時嘅好足料嘅喇沙！今晚07:15嚟到，要等位，前面大概有五個人，因為友人未到，所以照排。過咗一陣，友人到了，有位姐姐剛好出嚟嗌：人齊就可以入！於是我們二人變入座，我們被安排到一張細細的二人台，店內10分擠迫，亦很嘈吵，好像室內大排檔！看看餐牌，我們二人點了1份海南雞飯，1碗叻沙同半打雞肉，豬肉串燒。過了10分鐘，先上海南雞飯，大概有八件雞，配上一碗熱湯，一碗油飯，仲有三款醬汁！雞好滑，有雞味！油飯亦好香！食得好滋味！難怪店員推介！特別要讚嘅係薑蓉磨得好幼細！好香，唔油膩！整體呢碟雞飯有8/10分！食到一半飯，串燒亦送上，串燒好迷你，得竹籤嘅三份一，乾身，唔好期望有肉汁！沙嗲醬正正常常，冇乜特別！價錢唔算貴，可以一試！6.5/10分到最後既叻沙！原本期望好高，但係賣相同10年前爭好遠！配料唔多，只有三粒蝦仁，6片半邊白魚蛋，和3粒豆卜！呢度嘅叻沙=椰汁咖喱撈米粉，椰汁味好重，但太傑，似芡汁多過湯，好失望！🤦🏼♀️5/10分由於環境10分嘈吵，想坐
由於唔想食西餐，日本嘢，於是就揀咗一間特別小小嘅印尼菜！對上一次嚟，應該都有10年，仲喺度緊大學嘅時候🙈最記得當時嘅好足料嘅喇沙！
今晚07:15嚟到，要等位，前面大概有五個人，因為友人未到，所以照排。過咗一陣，友人到了，有位姐姐剛好出嚟嗌：人齊就可以入！於是我們二人變入座，我們被安排到一張細細的二人台，店內10分擠迫，亦很嘈吵，好像室內大排檔！
看看餐牌，我們二人點了1份海南雞飯，1碗叻沙同半打雞肉，豬肉串燒。
過了10分鐘，先上海南雞飯，大概有八件雞，配上一碗熱湯，一碗油飯，仲有三款醬汁！
雞好滑，有雞味！油飯亦好香！食得好滋味！難怪店員推介！特別要讚嘅係薑蓉磨得好幼細！好香，唔油膩！整體呢碟雞飯有8/10分！
食到一半飯，串燒亦送上，串燒好迷你，得竹籤嘅三份一，乾身，唔好期望有肉汁！沙嗲醬正正常常，冇乜特別！價錢唔算貴，可以一試！6.5/10分
到最後既叻沙！原本期望好高，但係賣相同10年前爭好遠！配料唔多，只有三粒蝦仁，6片半邊白魚蛋，和3粒豆卜！呢度嘅叻沙=椰汁咖喱撈米粉，椰汁味好重，但太傑，似芡汁多過湯，好失望！🤦🏼♀️5/10分
由於環境10分嘈吵，想坐耐啲都唔得！食完即走！整體嚟講，如果想食個快飯，快餐，可以選擇呢度。但係想舒舒服服食個飯，就唔係一個好選擇！加上要+1，但唔覺得有任何服務！所以有其他選擇，應該唔會回頭！
張貼
